JOSHUA 12:7 - KHYINGEI PU'TLOU Bible (BSI)

⁷ Asinungri Joshua'ne Israel raple kalhonni raal dabini manikur Krung rapri: Jordan kung heiralbi klei kulkung lhangei Lebanon phaikar rillei ram Baal-gad rouweini Halak Lhungdoura Seir kaphani maniwurbi lukloukur, (heitoubi Joshua'ne ram heiwaya Israellei cheemkhur rapnung, yaiyei thimi mshing hilthungni yul dananungei yerkhaipikur.

JOSHUA 12:7 Iomraidhean Croise

KANTHOUNA 14:6

heirou Horia rapyakhi, yaiyei Seir Lhungdou rammei ri karchunna bi El-paran phaikar wa'tlungni yaya raal maniwurbi kulchalkur.

KANTHOUNA 32:3

Heirouri Edomyei ram Seir'ra klei aiyei 'tei Esau'nung lamkrini pao loushunyernungei toubi Jacobne thimi tha loumalhetkur.

KANTHOUNA 36:20

Yarap heiri ram heirouwei loupaalkhou Horia cheemkhurrei Seiryei chanapawarap: Lotan, Shobal, Zibeon, heirou Anah;

KANTHOUNA 36:30

Pipa Dishon, pipa Ezer, pipa Dishan; yarap heiri Seir ramra klei Horia cheemkhurrei yenraankur piparap.

KANTHOUNA 36:8

Heisitoubi Esau'ne Seir lhungdoura paalkur; heitoubi Esau'yari min Edom toubikhi ungrilkhou.

LAA LAILIK 135:11

Amoria'yei krung Sihonya, heirou Bashanyei krung Ogya, heitoubi Canaanyei krungbom kounakyakhi kulchalwurkhou.

KHNUITLUNG CHAY 2:1

“Heirouri UMPUne keinungei shunpikur hilthungni, kani mai khreibi heirou Mrao Samadru lhangra lam tlabini Ramthingra karwaichakur. Heitoubi kani Seir Lhungdou karhilnikhi tlaini kounak leiwurkhou.

KHNUITLUNG CHAY 2:4

Heitoubi thimi rapya chay pibi: Asinungri nani naiyei teinao Esau'yei chanao rapni paalna ram Seirle ri-karchunnara heiraallou youwa; heineri yani loumubi chikurkhi kya. Ngam heineri nani mukheini chawalo.

JOSHUA 11:17

heirou Halak'rouweini Seir wadani klei lhungshaangkhi, heirou Hermon Lhungsoyei Lebanon phaikarei klei Baal-gad waphani raal maniwurbi lukloukur. Heitoubi ani heirapbei Krungrap nammakhi manbini, yarapya yertlengwa hatkur.

JOSHUA 11:23

Heisitoubine Joshua'ne, Umpune Moses'nungei shunpiwurkhou hilthungni ram nammaya lukloukur; heitoubi Joshuane ram heiwaya Israel rapbei yul dananungei yaiyai cheemkhur shullam hilthungni yerkhaipikur. Heisitoubi ram heiri raal kardourilnarouwei mathrilkur.

JOSHUA 3:17

Heirou Umpuei Mardingpina Theengkungya urthimi Suipipu rapneri Jordan kung tlailamra mayungbi, Israellei thimi rapni, yai Limyei thimirap nammani yui heepburna kungtlaira heiralthutchibongyen mayungbini leikur.

JOSHUA 9:1

Heirouri Jordan kung ralbi klei lhungdou ramrakhi heirou phaitlai ramrakhi, heirou Lebanon wa'tlungni Samadru Tang ruithungni yuldabi klei limrap: Hittia, Amoria, Caanania, Perizzia, Hivia, heirou Jebusia rapni pao heiwaya mayeknarouri;