JOSHUA 12:5 - KHYINGEI PU'TLOU Bible (BSI)

⁵ Hermon Lhungdou ramkhi, Salecah ramkhi, heirou Bashan'yei ram nammakhi, Geshuria'yei ram rikarchunna waphani, heirou Ma-acathia'yei ram rikarchunni, heirou Gileadei ram lhang'khatkhi, heirou Heshbon'yei Krung Sihon'yei ram rikarchunna waphani ani koolphopbi paalkhou.

JOSHUA 12:5 Iomraidhean Croise

2 SAMUEL 13:37

Asinungri Absalomri Geshur'yei Krung Ammihud'yei chanapawa Talmai'yei leinara heitrukura. Heirou David'ne aiyei chanapawa Amnon'nungtlim tlainiser khi-kanrelbi chapkur.

2 SAMUEL 15:8

Kouweiyo toulanungri, neishok keine Aram'yei ram Geshur'ra leikhouyei kheenrou tlou kantombi atoubi: ‘Kounakpi Umpune keiya shuimakne Jerusalem'ra yenkallengyerlanungri, keine Hebron'ra Umpuya Puwatlhou toubine khrumroume,’ toubine yunthutdurkhou.”

2 SAMUEL 23:34

Maacah'rei Ahasbai'yei chanapawa Eliphelet, Gilo'rei Ahithophel'yei chanapawa Eliam;

2 SAMUEL 3:3

heirou Carmel'rei Nabal'yei trulmeiwi Abigail'ne anungei khintam tlung chanapawa Chileab pukpikur; heitoubi Geshur'yei Krung Talmai'yei chanapuiya Maacah'ne anungei khyumtam tlung chanapawa Absalom'ya pukpikur;

2 KRUNGRAP 25:23

Heirouri ram heirouwei leithungkur raallui pu raple, yaiyei thimirap nammane, Babylon'yei Krungne Gedaliah'ya ram heiyei doura Khopu khoine bom lhakpiwurlame tounei paoya mayeknarouri, yarapne Mizpah'ra Gedaliah'yei leinara wakur. Yarap heiri minkhoine- Nethaniah'yei chanapawa Ishmael, Kareah'yei chanapawa Johanan, Netophathia cheemkhurrei Tanhumeth'yei chanapawa Seraiah, heirou Ma-acathia cheemkhurrei chanapawa Ja-azaniah, ya raple yaiyei thimirap heiriya.

1 CHAANLAM 5:11

Heirou asinungri Gad'yei chanao rapne Reuben'yei chanao rapya mai kallukrilbi paalbine Bashan'yei ramra yuldabi Salecah waphane paalkur.

JEREMIAH 40:8

Heisitoubi yani Nethaniah'yei chanapawa Ishmael'le, Johanan, heirou Kareah'yei chanapawarap Jonathan'le, Tanhumeth'yei chanapawa Seraiah heirou Netophathia Ephai'yei chanapawa raple, Ma-acathia'yei chanapawa Jezaniahle kalhonni Mizpah'ra Gedaliah'yei leinara wakur.

KHNUITLUNG CHAY 3:14

Manasseh'yei chanapawa Jair'ne Argob'yei khobung nammaya, Geshuria'le, Maachathia'yei ram ri karchunnabil loulhakkur; heitoubi Bashan'yei rammin heiwaya ai'mshaei minya loubini ‘Havoth Jair’ touri Jairyei khukarthil toubine minthulbi angtu rampha mu'kna.

JOSHUA 11:3

heirou kulkung lhangei heirou kulrel lhangrei Caanania rapnungkhi, heirou lhungdou ramra paalbi klei Amoria rapnung, Hittia rapnung, Perizzia rapnung, heirou Jebusia rapnungkhi, heirou Hermon lhungsoyei Mizpeh ramra klei Hivia rapnungkhi raalpao chilkur.

JOSHUA 12:1

Israel rapni raal maniwurbi ram lukloukur Krung rapbei minlam raple, heirou yaiyei ramkhi Jordan kung heiralbi klei ram'rouweini kulkung lhangra Arnon phaikareini Hermon Lhungdou kaphani, heirou kulkung lhangrani Arabahyei phaikar nammakhi kyaoni lukloukur.

JOSHUA 13:11

heirou Gilead'le, Geshuriale, Ma-acathia'yei ram rikarchunna waphani, heirou Hermon Lhungdou ram nammakhi, heirou Bashanyei ram nammakhi Salecah waphani;

1 SAMUEL 27:8

Asinungri David'ne aiyei thimi raple kabini Geshuria raple, Girzia'rap heirou Amalekia rapya raal kardourilkur. (Limrap heiri bongei youbi yani ram heirouweini Shur'le Egypt wa'tlung phani palbini louklei.)