JOSHUA 12:2 - KHYINGEI PU'TLOU Bible (BSI)

² Heirou Amoria rapbei Krung Sihon'yakhi raal maniwurkhou; ani Heshbon'ra Krungkul sheembini, Arnon phaikar wadongnara klei Aroer khukarthil heirouweini, Gilead'yei phaikar lhang'khatkhi, heirou Ammonia rapbei ram rikarchunna ram Jabok kung waphani koolphopbi Krung khoini paalkhou.

JOSHUA 12:2 Iomraidhean Croise

KANTHOUNA 32:22

Heirou ani heiniyei masanung ipnarei kanthoubi, heirou aiyei nu khintamle, aiyei shok-napuiya khintamkhi, heirou aiyei chanapawa chiple khatya ruilouthubi Jabbok'rei raalpalya heiralthutkur.

1 CHAANLAM 5:8

heithangrou Azaz'yei chanapawa Bela, aiyei chanapawa Shema, aiyei chanapawa Joel, (yarap heiri Aroer ramra Nebo'le, Baal-Meon waphane paalbine leikhou).

NEHEMIAH 9:22

Heirou Nangne yanungei Krungbom rapkhi, heirou Lim rapkhi pikur; heitoubi Nangne yanungei ramlim rapya ri-wadongna phane piwurkhou. Heirouri yane Heshbonyei Krung Sihon'yei ramle, Bashan'yei Krung Og'yei ramkhi kulchalbi ram kalyerkur.

LAA LAILIK 135:11

Amoria'yei krung Sihonya, heirou Bashanyei krung Ogya, heitoubi Canaanyei krungbom kounakyakhi kulchalwurkhou.

JEREMIAH 48:19

O Aroeryei thimirap, nani lampalla mayungbine muni thrilthilaklo, heitoubi yentrukthutkur thimi rapnung heirou kartleithutkur thimi rapnung, ‘Kou touwurlawo?’ toubine loungaithilaklo.

KHNUITLUNG CHAY 1:4

Awari ani Heshbon'ra paalkhou Amoria'yei Krung Sihon'ya, heirou Adre-i'ra paalbi louklei Bashanyei Krung Og'ya raal manikur hillei thukwurkhou lhourap.

PICHAR PURAP 11:13

Heirouri Ammonia chanao rapbei Krungni Jephthahyei paocha thimi rapnung loushun, “Ngamri Israel rapni Egypt'rouwei yenshalthutyei kheenrou, yani keiyei ram Arnon'rouweini Jabbok wa'tlungni, heirou Jordan waphani loulhakurnei ngammeime. Heineri asinungri heirapya kyingni mallenglhakpilaksu.”

PICHAR PURAP 11:22

Heisitoubi yani Amoria rapbei ram nammaya kalwurbi, Arnon rouweini Jabbok'bil, heirou Ramthing rouweini Jordan'bil wa'tlungni yuldakur.