JOSHUA 12:1 - KHYINGEI PU'TLOU Bible (BSI)

¹ Israel rapni raal maniwurbi ram lukloukur Krung rapbei minlam raple, heirou yaiyei ramkhi Jordan kung heiralbi klei ram'rouweini kulkung lhangra Arnon phaikareini Hermon Lhungdou kaphani, heirou kulkung lhangrani Arabahyei phaikar nammakhi kyaoni lukloukur.

JOSHUA 12:1 Iomraidhean Croise

1 KRUNGRAP 4:19

Uri'yei chanapawa Geber, ani Amoria Krung Sihon'yei ramle, Bashan Krung Og'yei ram Gilead'ra Rampu hoikhou; ram heiyei thimine Rampu khoiri aitam'tomngei.

LAA LAILIK 133:3

Heinakya thilanungri, marhilna kyari, Hermon Lhungdoura heirou Zion'yei Lhungdoura r'dai chukbi kleinakne lhangailei. Ngamri bi heihakrou Umpune kalpinei tlouya mardingpiwurbi klui naimakne khoupikuri!

LAA LAILIK 136:21

Ane yai ramya Aiyei thimi rapnung pilhakkur; ngamri Aiyei kringpikhei heiri klui naimaklei.

LAA LAILIK 89:12

Tlaipangpallei khalu- khate khintamrek Neiyei hoikyer; Taborle Hermon Lhungdou rapne Neiya hakraone kanyerpilei.

ISAIAH 16:2

Heirou Moabei chanapuiya rapri ramwaa raburei hulmtraiwurbi Arnon'yei kungpaalla chunabi naimakni traichakur waashun naksine hoirouwa.

MSHING KANSHER 21:13

Heitoubi bi heirouweikhi yani shalthutdurthubi, heitoubi Amoria ramle ri karchunbi klei ramthingei rilla, Arnon lhangra cheem sabini leikur; kouweiyo toulanungri, Arnon heiri Amoria'le Moab ram khintamei tlakra klei.

MSHING KANSHER 21:21

Heirouri Israel rapni pao-ur thimi rapya malhetbini, Amoriaei Krung Sihon'ya atoubi washunkur:

MSHING KANSHER 21:24

Heirouri Israel rapni raal maniwurbi raalshon'ne aya hatkur, heitoubi aiyei ramya Arnon'rouweini Jabbokbil, touri Ammonia'le ram ri karchunnabil wa'tlungni lukloukur; kouweiyo toulanungri, Ammonia'yei ri karchunna ram heiwari raalpal lhangaini kuikoolbini louklei.

MSHING KANSHER 32:19

Kouweiyo toulanungri, kani Jordan kung serallei kulrel lhangra yakou kalhonni yuldamakrou, ngamri kaiyei yuldananungei rambiri Jordanyei kulkung lhangra leiyurame.”

MSHING KANSHER 32:32

Kane UMPUei maibongra raal hutshuya shinbini, Jordan kung sralra heiralthutbi Canaan ramra wachangrouwa, heiya kaiyei paalna ramri Jordan kungei kulkung lhangra hoirou.”

MSHING KANSHER 32:33

Heisitoubi Moses'ne Gad'yei chanao rapnungle, Reuben'yei chanao rapnungei, heirou Josephbei chanapawa Manassehyei cheemkhur lhangbai khatnungei Amoria'yei Krung Sihon'yei Krungramle, Bashan'yei Krung Og'yei Krungramya namma, heirou heiyei rillei klei khukarthil raple, ri karchunna karhillei klei khukarthilrap nammakhi yuldananungei pikur.

KHNUITLUNG CHAY 2:24

“Heirou kani Moab heiraalthutkur hilrouri, UMPUne kanungei shun: ‘Kanthoulaka, heitoubi naiyei lamtla chayoubi heitoubi Arnon kungei rakoya heiralbi wachanglak. Thilak, Amoria ramrei Heshbonyei Krung Sihon'le, aiyei ram heiwakhi Keine naihutra pilhakurla; heirou aya raal dalaka heitoubi aiyei ram heiwaya loulhaklak.

KHNUITLUNG CHAY 2:32

Heirouri Sihon'ne aiyei thimirap nammale kalhonni kai maibongra wathukbini Jahaz'ra raal loukardoukur.

KHNUITLUNG CHAY 3:1

“Heirouri kani mai khreithutdurbi, heitoubi Bashan lhangei lamra kakakur; heirouri Bashan'yei Krung Og'ne aiyei thimirap nammale kalhonni kaya karhani wathukbini, Edrei'yei raalbomra raal kardounanungei marshikbini louleikur.

KHNUITLUNG CHAY 4:44

Moses'ne Israellei douwa rapbei maibongra shunmatupikhou Chaylam rapri arapriya:

KHNUITLUNG CHAY 4:46

Chaylamrap heiwaya yani Jordan'yei kulkung lhangrei klei phaikar Beth-Peor'le mai kallukrilni klei Amoria'yei Krung Sihon'yei ramra leiyeinung shunmatupikur tlouthil. Krung heiwaya Heshbon'ra Moses'le Israellei douwa rapni Egyptrei heishalthutkur hillou raal maniwurkhou.

KHNUITLUNG CHAY 4:48

Heirou yairam heiwari Arnon kungruirei klei Aroer'rouwei waiyoubi Sirion Lhungdou touri Hermon Lhungdou waphani;

JOSHUA 1:15

Umpune naiyei teinao rapnungei piwurkhou ramya raal manibi lukbongyen, Umpune naya klah mathrilyernaksini, yanikhi klah mathril phabongyenri raal paangbi kardourillou da. Heiyanungri nani naiyei ramra yenkallengbi, Umpuei shikrui Moses'ne nanungei piwurkhou ram, Jordan kungei kulkung lhangrei klei ramra nani paalrou da.”

JOSHUA 11:17

heirou Halak'rouweini Seir wadani klei lhungshaangkhi, heirou Hermon Lhungsoyei Lebanon phaikarei klei Baal-gad waphani raal maniwurbi lukloukur. Heitoubi ani heirapbei Krungrap nammakhi manbini, yarapya yertlengwa hatkur.

JOSHUA 11:3

heirou kulkung lhangei heirou kulrel lhangrei Caanania rapnungkhi, heirou lhungdou ramra paalbi klei Amoria rapnung, Hittia rapnung, Perizzia rapnung, heirou Jebusia rapnungkhi, heirou Hermon lhungsoyei Mizpeh ramra klei Hivia rapnungkhi raalpao chilkur.

JOSHUA 13:8

Heitoubi yaiyei cheemkhur lhang'khatle, Reuben'yei cheemkhurle, heirou Gedyei cheemkhurnungri, Umpuei shikrui Moses'ne yanungei khaipiwurkhou hilthungni, Jordan'yei kulkung lhangei ramya yul dananungei siruk khoini yani phaloukur.

JOSHUA 22:4

Heineri asinungri naiyei Dunpu, Umpune, Ane yanungei kantompikur hilthungni, naiyei teinao rapya mathrilyerwurla; ngam heineri asinungri nari kallenglaka, heitoubi Umpuei shikrui Moses'ne nanungei piwurkhou nairam, Jordan ralbi klei naicheemra shallaka.

PICHAR PURAP 11:18

Heirouri yani Ramthing kralni, Edom'yei ramle Moabei ram ruithungni katkuibi chawurbini, heitoubi Moabei ram kulkung lhangra yani wa'tlungkur, heirou Arnon'yei seralla rungbom sheembini leiwurkhou; heiya yaneri Moabei ram rikarchunna rillari heirallhakmak, kouweiyo toulanungri, Arnon'ri Moab'le rikarchunna ram khat.