JOSHUA 11:6 - KHYINGEI PU'TLOU Bible (BSI)

⁶ Heirouri Umpune Joshua'nung shun: “Yayari chimaklo, kouweiyo toulanungri, ningatou tlainirou kheen ahakrou Keine yayari Israel rapbei hutra namma pilhakbini hiyerrouwa; heirouri nani yaiyei sapuk rapya khnaring rui shaat'tatlaka, heitoubi yaiyei sapuk kaari rapya mei shulhakbi honglaka.”

JOSHUA 11:6 Iomraidhean Croise

2 SAMUEL 8:4

Heirou David'ne airouwei sapuk'tung raalluirap lishing khatle macha'eni, heirou hoei raalluirap lishing somnikhi kulchalbine raal manloukur. Heitoubi David'ne kaari tangna sapuk rapya, kaari machatomei kronungei khaithutkhoubi, sapuk deiri namma hatdurpi.

2 KRUNGRAP 6:16

Heirouri Elisha'ne loukyun, “Lhawai lahmak, kouweiyo toulanungri, yakou kalhon thimi rapyari kakou kalhon thimi rapne chungme.”

2 CHAANLAM 20:16

Heineri, ningari nani yuchumbine yaya raal kardourillak. Thilak, yari Ziz Lhungsorei lamthungni kayeinung, nani Jeruel Ramthingei kulkung lhangei phaikar wadongnara karthangrou.

LAA LAILIK 46:10

Umpune shun, “Raal dongalo, heitoubi Keiri Dunpume touri mulak; heirou Keiri lim rapbei hangrouwei Pu khat, heitoubi Tlaipangpal aeikhi Puri Kei.”

LAA LAILIK 46:11

Mane-thang'al Umpuri kaya kalhonpilei; Jacobei Dunpu heiri kaiyei kallena bom hoilei.

LAA LAILIK 46:9

Tlaipangpal karyoune Ane raal toudongkur; malaa'khi deekyerkur manelei heirou raalchei rapyakhi toumaangkur, heitoubi sapuk kaarirap, chungrap heiri meira hongkur.

PARMAL 20:7

Ukning khyingne tharmu chimmei lhou toubi klei napawa heiri, pa khat khoine aiyei chanao rapri likarsui lhangai.

ISAIAH 30:16

Heiya nani kyun “Nimakme! Kari sapuk tungbine trukrouwa.” Heisitoubi nari loutrukrouwa! Heirou nani, “Kari khyang sapuk rapya tungbine trukrouwa,” toubine loutrukrou, heiya naya hulbine heichanthung thimi rapkhi khyangni heichanthungrou.

ISAIAH 31:1

Ulleiyo, Egypt rapbei paangpiya phananungei yuchangkur thimi rapnungeiri kounakei lah'kna! Heirou yaneri sapuk rapya uklumbine, heirou sapuk kaari rapya malungamlei; ngamri yari mshing beimakni chunglei. Heirou yani sapuk'tung raallui rapya malungamlei; ngamri yarapri hutmantranglei. Heiya yaneri Israellei Khying Pu Dupuyari thiphamaklei, heirou yaya trungpinanungei Umpuyakhi raphamaklei!

EZEKIEL 39:9

“Heirouri Israellei khukarthil rapra paalbi klei thimi rapne wathukrouwa, heitoubi yane mei shulhakbi yeekna thimi rapbei raal-hutshu rapya, chung tangkhi mandi rapkhi, mala-taak rapkhi, malaa-chei rapkhi, raallei khingtapan rapkhi, heirou raallei cheipak rapkhi namma kaangtumyerrouwa. Heisitoubi yane raal-hutshu rapya kum'eni meiyu hoinabi hongtlumrou.

HOSEA 14:3

Assyria'ne kayari kalpichangmarou; kani kaiyei sapuk kaari rapyakhi tungchangmarou; heirou kaiyei hutni sathutkur thrailha rapyakhi ‘Kaiyei Dunpume’ toubine yunmarou; kouweiyo toulanungri, tounaram mak saracha nakni, kani Neiyei bomra kringpi kheiya phawurlame.”

NAHUM 2:13

“Heiya thilak, asinungri Keiri neiya yanimakura,” toubine Thangwan-Shimleiyei Pu Umpube shunlei; “heirou neiyei sapuk kaari rapkhi meira namma hongurchirouwa; heirou neiyei yangkongnak mantrangkhou chanao rapya raalshonra himaangyerrouwa; heitoubi neiyei sraltang'an rapkhi tlaipangrouwei Keine louthutrouwa; heirouri neiyei Pu'tlou shunthut Pao cha thimiyei houkhi mayekpha'makarou.”

KHNUITLUNG CHAY 7:16

Heirouri UMPU naiyei Dunpune naihutra pilhakbi dayerrou kyou thimirap nammayakhi nani hatdurchirou da; yayari naimitni thibini kringpinungei yamakrou; heirou nani yaiyei thrailha rapyakhi khrumnungei yamakrou; kouweiyo toulanungri, heirapni naya tapanyerkna chang hoirou.

JOSHUA 10:8

Heirouri Umpune Joshua'nung shun: “Yayari chimak, kouweiyo toulanungri, yayari Keine neihutra pilhakurla; yari hukhatkhi nai maibongra loumayungchangmakrou.”

JOSHUA 11:5

Heisitoubi Krungrap nammani murilbini yarilkur, heitoubi raalluirap nammani kartilbini Merom kungruira Israel rapya raal kardourilnanungei rungbom sheemkur.

JOSHUA 11:7

Heisitoubi Joshua'ne aiyei raalluirap nammale kalhonni Merom'yei kungruira kabi tallengni yaidoura raal dakur.

JOSHUA 11:9

Heisi toubine Joshua'ne, Umpune anungei shunpikur heinakrimni yaya hatkur; heitoubi ani yaiyei sapuk rapyakhi naring rui shat-tatdurbi, heitoubi yaiyei sapuk kaari rapkhi meini hongkaangkur.

JOSHUA 3:5

Heirouri Joshua'ne thimi rapnung shun: “Naitam naimshani marthingthutlaka, kouweiyo toulanungri, ningaei tlainirouri Umpune naihangra kngakei lhou tourou youlei.”

PICHAR PURAP 20:28

Heitoubi Aaron'yei chanapawa Phinehas'yei chanapawa Eleazar'ne kheen heikallou Theengkung heiwaya Puwatlhou toubine klei.) Heirou ani kyun, “Keine hanuikhi wathukbi, keiyei teinao Benjamin'ya raal dathuserouko?” Heirouri Umpune, “Raal dalaklo, kouweiyo toulanungri, ninga tlainirouri yayari Keine neihutra pilhakroume,” toubine loushunpikur.

PICHAR PURAP 7:9

Heitoubi heiniyei masanunghakrou Umpune Gideon'nung shun. “Kanthouwalo, heitoubi Midian rapbei rungbomra raal yudalaklo, ngamri yayari Keine neihutra pilhakurlame.

1 SAMUEL 11:9

Heirou yaileinara wa'tlungkur pao-ur thimi rapnungei yani loushunkur, “Nane Jabesh-gilead'yei thimi rapnung atoubi hungshunpilak: ‘Ninga-nunghang tlaikallei kheenrou naya kalthutpirou.’ ” Heirouri pao-ur thimi rapni kallengurbi, yani Jabeshyei thimi rapnungei pao heiwaya hungshunpikur, heirouri yari beimakni lounungwaikur.