JOSHUA 11:4 - KHYINGEI PU'TLOU Bible (BSI)

⁴ Heirouri yani wathukbi, heirou yale kalhonni raalluirap nammakhi, Samadru ruirei shitnruinak chungwani, sapuk raple, sapuk kaari rapkhi chungwani wakartilkur.

JOSHUA 11:4 Iomraidhean Croise

KANTHOUNA 22:17

Keine neiyari phor piwurla, heirou Keine neiyei yu-cha rapya nungthourei sorwanakni, heirou samadru ruirei shitnruini chungnaksini chungyerpirouwa. Heitoubi neiyei yu-cha rapne yaiyei yeekna rapyakhi manirouwa.

KANTHOUNA 32:12

Heiya Nangni shunpikhou, ‘Keine neiyari lhangaini toupirou, heitoubi neiyei yu-cha rapya samadrurei shitnruinakni chungyerbi, sherchichangmakni thimi chungyerpiroume.’ ”

2 SAMUEL 17:11

Heiya keiyei yunmatu kniri, Israelrap nammane neileinara wakartilyerrou da; Dan'rouweine Bersheba waphayei klei thimirap nammane, tuymak ruirei shitnruinak chungwane kartilbine, heitoubi nei'mshani ruibine raal darou da.

1 KRUNGRAP 4:20

Judah'le Israellei rapbei thimi mshingri samadru ruirei shitnruinakni chungura; heisiya hoiyanungkhi yani chanung-mainungei heirou mongnungei watmakne nungkngai houlumbi langthoune paalkhou.

LAA LAILIK 20:8

Heinaksi thimi rapne thikmathuibi kanelheirou, heiya kaneri kanthouwurbi mayungeirou.

JOSHUA 11:5

Heisitoubi Krungrap nammani murilbini yarilkur, heitoubi raalluirap nammani kartilbini Merom kungruira Israel rapya raal kardourilnanungei rungbom sheemkur.

PICHAR PURAP 7:12

Kheen heirouri Midian raple Amalekia rapbei raallui raple heirou Kulkung lhangrei thimirap nammani phaitlai ramra khaorul nakni chungwani kartilbi louklei; heirou yaiyei Ut rapkhi kungruirei shitnrui mshing sherchichangmak naksini louklei.

1 SAMUEL 13:5

Asinungri Philistia raple raal kardourilnanungei kartillura, heitoubi sapuk kaari lishing somthumle, heirou sapuktung raallui rapkhi lishing'thruk khalthutdurbi marshikkurla; heitoubi hoei raallui rapkhi kungruirei shitnruinak chungwani marshikbi, heitoubi kathukbini Beth-Aven kulkung lhangra, Michmash'ra rungbom sheembini leiyura.