JOSHUA 11:3 - KHYINGEI PU'TLOU Bible (BSI)

³ heirou kulkung lhangei heirou kulrel lhangrei Caanania rapnungkhi, heirou lhungdou ramra paalbi klei Amoria rapnung, Hittia rapnung, Perizzia rapnung, heirou Jebusia rapnungkhi, heirou Hermon lhungsoyei Mizpeh ramra klei Hivia rapnungkhi raalpao chilkur.

JOSHUA 11:3 Iomraidhean Croise

KANTHOUNA 31:49

heirou thlung shutlai heiri Mizpah touri Raaldaang toubine min thulpikur; ngamri Laban'ne kyun, “Umpune nangle kasiyei tlakra Aiyei mit'thril khoupibi, kani tlatrilwurbikhi Ane kaya ngaaksilpirou.

2 SAMUEL 24:16

Heirouri Thangringne Jerusalemei doura maangyernanungei aihut mlambine leiyei kheenrouri, thuithine chansher thukkur heinung'tlim Umpune malungthrammakurbi, ani deekbai thukyerbi klei Thangring heinungei heishun, “Awari rowarou, donglaka! Neihut laksundawurlaka!” Kheen heirouri Thangring heiri Jebusia Araunah'yei phailou ruitlai pongra louklei.

2 SAMUEL 24:7

Heitoubi yani raalpalni kuikoolbi klei Tyre khukarthille, heirou Hivia rapbei khukarthilrap namyerrakhi, heirou Canaania rapbei ramrakhi thimi mshing kansherkur; heitoubi yani Judah'yei khate lhangra, Beer-sheba'rakhi yubine thimi mshing kansherkur.

1 KRUNGRAP 15:22

Heirouri Krung Asa'ne khulpaoyerbi Judah'yei kulyom nammanungei chay pikur; heitoubi thimi huchakhatkhi kaikhouyermakne chayerbi Baasha'ne Ramah'ra raalpal sabaangkhouna thlungtum rapya heirou heengtum rapya namma theilouyerkur. Heisitoubi Krung Asa'ne heiyei heengro rapya Benjamin rammei khukarthilrap Geba'le, Mizpah'ya sabaangnara yrengkur.

1 KRUNGRAP 9:20

Heirou Israel thimi nimakrap, Amoria, Hittia, Perizzia, Hivia, heirou Jebusia rapbei maleithungkur thimirap nammaya;

LAA LAILIK 133:3

Heinakya thilanungri, marhilna kyari, Hermon Lhungdoura heirou Zion'yei Lhungdoura r'dai chukbi kleinakne lhangailei. Ngamri bi heihakrou Umpune kalpinei tlouya mardingpiwurbi klui naimakne khoupikuri!

LAA LAILIK 89:12

Tlaipangpallei khalu- khate khintamrek Neiyei hoikyer; Taborle Hermon Lhungdou rapne Neiya hakraone kanyerpilei.

SOLOMONYEI LAA 4:8

Lebanon Lhungdourei wathukalo keiyei manneiwi, Lebanon lhungdourei nangni keikou kalhonne chalakase. Yangkong rapbei khur leina bi heirou keiyangla rapbei khur leina bi Amana'le, Senir heirou Hermon lhunglim raprouwei yongchummase.

JEREMIAH 40:10

Thilak, keiri Mizpah'ra leibine Chaldea rapbei maibongra nanungei'tlim mayungbine watlhou touweise; heiya nari darkha heiyui shum-mallongbine heirou manthrallei hei lukmallongbine, heitoubi naiyei chapongra heirou darkha heiyui khangra shungmallongbi khoulak; heitoubi nani kulchalbi luklouheikur khukarthil rapra paalbine louleilaka.”

JEREMIAH 40:6

Heirouri Jeremiah'ne Mizpah'ra Ahikam'yei chanapawa Gedaliah'yei leinara wawurbine, heitoubi ram heirou leithungkur thimi rapbei hangra paalbine leikur.

JEREMIAH 41:14

Heisi tounarouri Ishmael'ne Mizpah'rei raal manloukur thimirap nammane truk-kallengurbi Kareah'yei chanapawa Johanan'yei leinara yenchankur.

JEREMIAH 41:3

Ishmael'ne Mizpah'ra Gedaliah'le leimalkna Jehudia'rap nammayakhi hatdurpi; heitoubi bi heirou klei Chaldea'yei raallui rapyakhi hatdurpi.

MSHING KANSHER 13:29

Heitoubi Negeb lhangrari Amelek rapni yuldabini leilei; heirou Lhungdou ramrari Hittia raple Jebusia raple Amoria rapni yuldabini paalleime; heitoubi Samadru ruirale Jordan kung ruithungrari Canaania rapni paalbini leilei.”

KHNUITLUNG CHAY 4:48

Heirou yairam heiwari Arnon kungruirei klei Aroer'rouwei waiyoubi Sirion Lhungdou touri Hermon Lhungdou waphani;

KHNUITLUNG CHAY 7:1

“Nane yuldabi paallou youna ramra UMPU naiyei Dunpune naya heiruilhakpiyei kheenrouri, Ane nai maibongra lim kounakya louhulthutpikur; limrap heiri: Hittia, Girgashia, Amoria, Canaania, Perizzia, Hivia, heirou Jebusia; heitoubi limrap enitam heiri nayakhi duini tang heirou mantrang limthil;

JOSHUA 11:17

heirou Halak'rouweini Seir wadani klei lhungshaangkhi, heirou Hermon Lhungsoyei Lebanon phaikarei klei Baal-gad waphani raal maniwurbi lukloukur. Heitoubi ani heirapbei Krungrap nammakhi manbini, yarapya yertlengwa hatkur.

JOSHUA 11:8

Heirouri Umpune yayari Israel rapbei hutra pilhakurbi, Israel rapni yaya raal manikur. Heisitoubi yaya Sidon lhangrei samadru waphani, heirou Misrephoth-Maim waphani hulloukur; heitoubi kulkung lhangrani Mizpeh phaikar wa'tlungni hulloubi, yaya thimi hukhatchakhi maleithungyermakni hatkur.

JOSHUA 13:11

heirou Gilead'le, Geshuriale, Ma-acathia'yei ram rikarchunna waphani, heirou Hermon Lhungdou ram nammakhi, heirou Bashanyei ram nammakhi Salecah waphani;

JOSHUA 13:5

heirou Gibalia rapbei ramle, heirou kulkung lhangrani Lebanon'yei ram nammakhi, heirou Hermon Lhungdou daakrei klei Baal-gad rouweini Lebo-Hamath yudaphani maleibi leileihui.

JOSHUA 15:38

heirou Dilean, Mizpeh heirou Joktheel;

JOSHUA 15:63

Heiya Jerusalem'ra yuldabi klei Jebusia rapyari Judah'yei thimi rapni hulthutchangmakur; heitounei ngamrou Jebusia rapni Judahyei thimi raple Jerusalemra angtu ramphani paalmalnabi leileikhui.

JOSHUA 18:26

heirou Mizpeh, Chephirah heirou Mozah;

JOSHUA 3:10

Heirou Joshuane shunthu: “Asitoubi nani murou touri ringbi klei Dunpu heini naihangra kalhonpirou, heitoubi Ane Caanania rapya, Hittia rapya, Hivia rapya, Perizzia rapya, Girgashia rapya, Amoria rapya heirou Jebusia rapya nai maibongrouwei shuimakni hulthutdurou.

PICHAR PURAP 20:1

Heirouri Israellei chanaorap nammani Gilead'rei thimi rapkhi kyaoni Dan'rouweini Beer-sheba'ra wathukbi, ukning khatsi khoine malnabi Mizpah'ra Umpu'nung khulbung kartilkur.

PICHAR PURAP 21:5

Heirouri Israellei thimi rapne kyun, “Israel rapbei cheemkhur namyerwaei hangra Umpuei khulbung kartilnara yaothungmak cheemkhur heiri hu yaolei?” Kouweiyo toulanungri, yane Mizpah'ra Umpuei bomra kartillei kheenrou yaothungmak thimi rapbei ngamrou tloukantom tangkhat touwurkhoula, “Heirouwei yaothungmak thimi heiyari hatrou da.”

PICHAR PURAP 21:8

Heirouri yani kyun, “Israellei lim rapne Mizpah'ra Umpuei maibongra khulbung kartilnara yaothungmakur cheemkhur heiri kou cheemkhurro?” Heirouri thilak, Jabesh-gilead'rei thimi rapri hukhatkhi khulbung kartilnara yaomakura touri yane muwurla.

PICHAR PURAP 3:3

Limrap heiri minkhoini lhanglanungri: Philistine rapbei Krungrap napung-phanga, heirou Canaania rap nammakhi heirou Sidonia'rap, heirou Lebanon Lhungramra Baal-Hermon Lhungdou'rouweini Lebo-hamath waphani paalbi klei Hivia rapkhi kyao.

PICHAR PURAP 3:5

Heisitoubi Israellei chanao rapni Canaania raple, Hittia raple, Amoria raple, Perizzia raple, Hivia raple heirou Jebusia rapbei hangra yuldabini palmalnakur.

1 SAMUEL 10:17

Heihillouri Samuel'ne kulyom rapya Mizpah'ra Umpuei maibongra pulni ungkartilkur.