JOSHUA 11:2 - KHYINGEI PU'TLOU Bible (BSI)

² heirou khalu lhangrei klei lhungdou rammei Arabah rilla klei Krung rapnung- Chinneroth'rei khate lhangrei heirou Samadru'rui phaikar ramrei heirou khate lhangrei Dor lhungdou chouna ramrei klei Krung rapnungkhi-

JOSHUA 11:2 Iomraidhean Croise

1 KRUNGRAP 15:20

Heisitoubi Ben-hadad'ne Krung Asa'yei shunthungkur tlou rapya ninglhakkur, heitoubi ani aiyei raallui upa rapya watyilbine Israel rapbei khukarthilrap, Ijon'le, Dan, Abel-beth-maacah, heirou Chinnereth'yei ram nammakhi, heirou Naphtali'yei ramkhi kyaoni namma raal dabi lukloukur.

1 KRUNGRAP 4:11

Ben-abinadab, ani Naphoth-dor Lhungdou ram nammaei Rampu khoi.(ani Solomon'yei chanapuiya Taphath'ya nu khoine loukhou.)

MSHING KANSHER 34:11

Heirou Shepham'rouweini Ribla'bil, Ainyei kulkung lhangei ri karchunna ruithungni yukringbini, heitoubi Chinnereth Samadru'yei kulkung lhangei rambil ri yukarchunyerrou da.

LUKE 1:39

Heiyei hillouri Maryne khnotni marshikbi, heirou ane khnotni lhungdou ramra klei Judeaei Krungkul heirou wakur.

LUKE 5:1

Nungkhatnui Jesu'ne Gennesaretdei Samadru ruira mayungbi leiyeinng, bi heirou Ane Dunpuei Lhangai Pao-laaya marnopikur heiwaya myeknine thimi rapne wakar'umkar.

JOSHUA 10:40

Heisitoubi Joshua'ne ram nammaya, lhungdou ramkhi, Negeb touri khate lhangei ramkhi, nimna phaikarei ramkhi heirou lhungdou ram rapkhi, heirou heirapbei Krung rapyakhi raal maniwurbi thuithini toupikur. Heirou ani thimi hukhatkhi himaleiyer'makni, Israel rapbei Dunpu, Umpuei chay piwurkhou hilthungni lhawaipal chiwirap nammayakhi tumni hatdurbini mangyerkur.

JOSHUA 10:6

Heirouri Gibeonia rapni thimi malhetbini Gilgal'ra rungbom sheembini klei Joshua'nung paotambini shun: “Neiyei shokrap kaya horkhoupimaklo, kaileinara khrangni kabi kaya kalpilaklo, heitoubi bei trungpilaklo. Kouweiyo toulanungri, lhungdou ramra paalbi klei Amoria rapbei Krungrap nammani kaya raal dananungei kartilbi leiyurame.”

JOSHUA 11:16

Heisitoubi Joshuane ram heiwaya namma- lhungdou ramkhi, Negeb touri khate lhangrei ramkhi, Goshenyei ram nammakhi, kulrel lhangrei lhungso ramkhi, Arabah'khi heirou Israellei lhungdou ramle, lhungso ramkhi;

JOSHUA 11:21

Heitoubi kheen heirouri Joshua'ne kathukbini Anakim rapya hatdurbi, heitoubi lhungdou ram nam'rouwei- Hebron'rei, Debir'rei, Anab'rei, heirou Judahyei lhungdou ram namreikhi toumangkur; heirou Joshuane yayale yaiyei krungkulrap nammakhi tumni toumangkur.

JOSHUA 12:23

Naphath-dor bungchouna ramrei klei Dor'yei krungkhi, Galilee ram rillei klei Goiim'yei krungkhi;

JOSHUA 12:3

Heitoubi kulkung lhangrani Arabah'yei phaikar'rouweini Chinnereth'yei Samadru kadani, heirou Arabah'yei Samadru yongdani, heirou kulkung lhangrani Beth-jeshimoth rouweini khate lhangrani Pisgah'yei lhungso yongdani koolphopbini Krung khoini paalkhou.

JOSHUA 13:27

heitoubi phaikarrani Beth-Horam, Beth-Nimrah, Succoth heirou Zaphon, Heshbonyei krung Sihonyei krungram nammakhi, heirou kulkung lhangrani Jordan kungra ri karchunyerbi, Chinnereth Samadru yongdongna myu kaphani rikarchunkyer.

JOSHUA 17:11

Heitoubi Issachar'le Asheryei ram rilla klei Manasseh'yei ram rapri: Beth-shean'le, heiyei yultlai mandicha rapkhi, Ibleam'le, heiyei yul mandicharap, heirou Doryei thimi raple yaiyei yultlai rapkhi, heirou En-Doryei thimi raple heiyei yultlai rapkhi, Taanach'yei thimi raple heiyei yultlairap, heirou Megiddo'yei thimi raple heiyei yultlai rapkhi, heirou khyumtam tlung Khokul ram khoini Naphoth touri Naphet'khi kyao.

PICHAR PURAP 1:27

Heiya Manasseh'neri Beth-shean heirou heiyei yulthung dei raprei paalbini klei thimi rapya, heirou Taanach'le heiyei yulthung dei raprei, heirou Dor'le heiyei yulthung dei raprei, heirou Ibleam'le heiyei yulthung dei raprei, heirou Megiddo'le heiyei yulthung dei raprei paalbi klei thimi rapyari hulthutpimakni khoupikur; kouweiyo toulanungri, Canaania rapni ram heirouwei heisi paalloume toubine yarilbi leimalnakur.