JOSHUA 11:16 - KHYINGEI PU'TLOU Bible (BSI)

¹⁶ Heisitoubi Joshuane ram heiwaya namma- lhungdou ramkhi, Negeb touri khate lhangrei ramkhi, Goshenyei ram nammakhi, kulrel lhangrei lhungso ramkhi, Arabah'khi heirou Israellei lhungdou ramle, lhungso ramkhi;

JOSHUA 11:16 Iomraidhean Croise

LAA LAILIK 105:44

Ane limdei rapbei ramya yanungei lukloukur; heirou yane thimi lim deiyei thrungkhouna ramkhi lukloukur.

LAA LAILIK 78:55

Aiyei thimi rapne raalsobi tonlhakyeinung, ram heiyei loudari thimi rapya Ane hulthutloukur; heitoubi yairam heiya Ane Israellei phungh rapbei hangra yerkhairilyerkur, heirou yaiyei cheem rapya Aiyei thimi rapnung phayerkur.

EZEKIEL 17:23

Israellei Lhungdou chouna doura Keine heiwaya linglhakrou. Heiyanungri airouwei banrap katshunbine heitoubi hei kat-heirou, heitoubi lilkhoi Cedar heeng khoine kattangrou. Heirouri heiyei doura ramwaa limlimni rabu hungshimrou. Heirou heiyei ban rapbei daikallimra yane rehrou.

EZEKIEL 36:8

“Heiya nari, O Israellei lhungdourap, nari ban heisoubine Keiyei thimi Israel rapnungei hei kat-heirou; kouweiyo toulanungri yari cheemra khrangni kalengrouwa.

KHNUITLUNG CHAY 1:7

Asinungri nani ram awaya lakurkhoubini lam tlalaka; heitoubi Amoria'yei Lhungdou ramra wachanga, heirou Arabahyei phaikarrei ramle rikarchunbi klei ram namrakhi, Lhungdou ramrakhi, heirou phaikar nimnarakhi, Negeb lhangra heirou Samadru ruithungrakhi, heirou Canaan'yei ram karyouni heirou Lebanon'rakhi, heirou Euphrate Kung kaphani karyouni chalaka.

JOSHUA 10:40

Heisitoubi Joshua'ne ram nammaya, lhungdou ramkhi, Negeb touri khate lhangei ramkhi, nimna phaikarei ramkhi heirou lhungdou ram rapkhi, heirou heirapbei Krung rapyakhi raal maniwurbi thuithini toupikur. Heirou ani thimi hukhatkhi himaleiyer'makni, Israel rapbei Dunpu, Umpuei chay piwurkhou hilthungni lhawaipal chiwirap nammayakhi tumni hatdurbini mangyerkur.

JOSHUA 10:41

Heisitoubi Joshua'ne Kadesh-Barnea'rouweini Gaza wa'tlungni klei thimirap nammaya, heirou Goshen ram'rouweini Gibeon wa'tlungphani klei thimirap nammayakhi tumni hatlummurbi maangyerkur.

JOSHUA 11:15

Umpune Aiyei shikrui Moses'ya chay piwurkhou heinakrimni, Moses'nekhi Joshuaya chay piwurkhou; heisitoubi Joshua'nekhi heiyei hilthungni lhou toukur; heisitoubi Joshua'ne, Umpune Moses'nung chay piwurkhou lhourap namyerwaya hathakhi lhou khoini touthutmakni horkhoumak.

JOSHUA 11:2

heirou khalu lhangrei klei lhungdou rammei Arabah rilla klei Krung rapnung- Chinneroth'rei khate lhangrei heirou Samadru'rui phaikar ramrei heirou khate lhangrei Dor lhungdou chouna ramrei klei Krung rapnungkhi-

JOSHUA 11:21

Heitoubi kheen heirouri Joshua'ne kathukbini Anakim rapya hatdurbi, heitoubi lhungdou ram nam'rouwei- Hebron'rei, Debir'rei, Anab'rei, heirou Judahyei lhungdou ram namreikhi toumangkur; heirou Joshuane yayale yaiyei krungkulrap nammakhi tumni toumangkur.

JOSHUA 12:8

Lhungdou ramrapri, nimna phaikarkhi, Arabah ramkhi, mathuksundana Lhungdou ramkhi, shitnrui Ramthingkhi heirou khate lhangei Negeb phaikar ramkhi, Hittia rapbei ram, Amoria rapbei ram, Caanania rapbei ram, Perizzia rapbei ram, Hivia rapbei ram heirou Jebusia rapbei ram rapkhi namma yerkhailoukur):

JOSHUA 9:1

Heirouri Jordan kung ralbi klei lhungdou ramrakhi heirou phaitlai ramrakhi, heirou Lebanon wa'tlungni Samadru Tang ruithungni yuldabi klei limrap: Hittia, Amoria, Caanania, Perizzia, Hivia, heirou Jebusia rapni pao heiwaya mayeknarouri;