JOSHUA 11:12 - KHYINGEI PU'TLOU Bible (BSI)

¹² Heitoubi Joshuane heinaksi Krungkulrap nammaya lukloubi, heitoubi heiyei Krung rapyakhi namma manlouheibi raalshon'ne shaat'hatkur, heisitoubi Umpuei shikrui Mosesne chay piwurkhou hilthungni ani yaya hattumwurbi maangyerkur.

JOSHUA 11:12 Iomraidhean Croise

KHNUITLUNG CHAY 7:2

heirou UMPU naiyei Dunpune limrap heiwaya naihutra pilhakyei kheenrouri, nani yaya maniwurbini, heirapya namyerwa mangyerwurbi, nani yakou yakantlangrilkhi khoumakrou da; heitoubi yaya kringpikheikhi mutmakrou da.

KHNUITLUNG CHAY 9:3

Ngam heineri, angtutou tlainirou nani phab dalaklo touri, nai maibongra louchabini klei naiyei Dunpu UMPU heiwari kaangtlumkur mani meithlannaksi, heirou yayari Ane maangyerrou heitoubi nai maibongra Ane yaya namsundabini khoupirouwa; heineri UMPUne nanungei kantompikur heinakrimni nani khrangtoubi yaya hulthutdurbini mangyerlaka.

JOSHUA 10:20

Heisitoubi Joshua'le Israellei thimi rapni Amoria rapya chungwani hatdurbi raal luilhakkur, heirou yaihangrei yulthungbini himaleithungkur thimirap thachani raalpal kuikoolna khukarthil rapbei rilla yenkallengkur.

JOSHUA 10:28

Tlaini heihakrou Joshua'ne Makkedah'ya raal maniwurbi lukloukur, heitoubi heiyei thimi rapyakhi heirou heiyei Krungyakhi raalshon'ne hattumkur; heisitoubi ani hattumwurbi thimi huchakhatkhi himaleiyermakni maangyerkur. Heisitoubi ani Jericho'ya thuithini toupiwurkhou heinakrimni, Makkedah'yakhi ani thuithini toupikur.

JOSHUA 10:30

Heirou Umpune ram heiwakhi, heiyei Krungle kalhonni Israel rapbei hutra pilhakkur; heirouri ani ram heiwakhi heirou heiyei rilla louklei thimirap nammakhi raalshon'ne shaat'hatkur. Heisitoubi ani thimi hukhatchakhi lakkhoumakni Jericho'yei Krungnungei touwurkhou heinaksini toupibi hattumkur.

JOSHUA 10:32

Heirouri Umpune Lachishkhi Israel rapbei hutra pilhakur; heirou khnini tlung tlainirou ani heiwaya raal maniwurbi lukloukur; heitoubi ram heiwale heiyei rilla louklei thimirap nammakhi raalshon'ne Libna'ra shaat'hatkur heinaksini tumni shaat'hatkur.

JOSHUA 10:35

Heitoubi yani tlaini heihakrou Eglon'ya raal maniwurbi, ram heiyei rilla louklei thimirap nammaya raalshon'ne shat'hatdurbi, heirou ani Lachishya touwurkhou heinakrimni tumni mangyerkur.

JOSHUA 10:37

Heitoubi yani heiwaya raal maniwurbi lukloukur, heitoubi heiyei Krungle khukarthil dei nammakhi, heirou heirapbei rilla louklei thimirap nammakhi raalshon'ne hattumkur; heisitoubi Eglonra touwurkhou heinaksini ani thimi hukhatchakhi maleithungyermakni hatkur.

JOSHUA 11:13

Heisiya hoiyanungkhi, Israel rapneri yaiyei kulyenchalheikur khukarthilrap deiri khathakhi meini shulhakhoumak, heiya Hazor'yatom Joshua'ne mei shulhakkur.

JOSHUA 11:15

Umpune Aiyei shikrui Moses'ya chay piwurkhou heinakrimni, Moses'nekhi Joshuaya chay piwurkhou; heisitoubi Joshua'nekhi heiyei hilthungni lhou toukur; heisitoubi Joshua'ne, Umpune Moses'nung chay piwurkhou lhourap namyerwaya hathakhi lhou khoini touthutmakni horkhoumak.

JOSHUA 13:6

Lhungdou ramrei klei Lebanon rouweini Misrephoth-Maim waphani paalbi klei Sidonia'rap nammaya Keine Israel rapbei maibongrouwei hulthutlouchirou; heitoubi Keine neinungei chay piwurkhou hilthungni yanungei paalnaram khoini pirouwa.

JOSHUA 21:44

Heisitoubi Umpune yaiyei patar rapnungei kantompikur hilthungni yaiyei paalna rambi kantangrou kouraal khatkhi leiyermakni kyingni mathrilyerkur; heitoubi yaiyei yeekna hu lim khatnikhi yai maibongra karhani mayungchangmakur, ngamri Umpune yaiyei yeekna thimirap nammaya yaihutra dayerkur.

JOSHUA 8:31

Umpuei shikrui Moses'ne Israel rapnungei chay piwurkhou heinakrimni ani sabangkur. Heirou Moses'yei Ayil Lailikra mayelhakhou hilthungni, thimi hukhatnikhi thirrei hutsuni umbaikhoumak thlungpum rapni khrahpal khat sabaangbi, heitoubi yani heiyei doura Umpunungei pumni meira hongbini malanputle malungpilyerna putya makatkur.

JOSHUA 8:8

Heirouri nani khukarthil heiwaya lukloukur hillouri meini shulhakrou da. Nane Umpuei tloulhang hilthungni tourou da. Thilak, keine nanungei chay pikur awariya.”

JOSHUA 9:24

Heisi tounarouri yani loumallangbi Joshua'nung shun: “Kane nai maibongra mandalwurla, ngamri naiyei Dunpu, Umpune Aiyei shikrui Moses'nung chay piwurkhoubi, ram awaya namma nanungei pilhakurbi, heiyei rilla paalbi klei thimirap nammaya naimaibongra hatlakalo toubi kyun heiwaya kani mayekurla. Heitounei ngamrou kani nayari beimakni chitekkurbi, hinimaknei ngamrou, kani heinaksi yunbi mandalkurme.