JOSHUA 10:8 - KHYINGEI PU'TLOU Bible (BSI)

⁸ Heirouri Umpune Joshua'nung shun: “Yayari chimak, kouweiyo toulanungri, yayari Keine neihutra pilhakurla; yari hukhatkhi nai maibongra loumayungchangmakrou.”

JOSHUA 10:8 Iomraidhean Croise

1 KRUNGRAP 20:13

Heirouri thilak, mitrup khatrou thimkhui khatne Israellei Krung Ahabei pongra wachangbi aya chanrobi loushun, “Umpune atoubi shunpilei: ‘Nangne heinaksi raalluichung rapya mulako? Thilak, angtu tlainirou Keine yayari neihutra pilhakrouwa; heirouri Keiri Umpume toubi nangne arouwei mupharou.’”

ROMIA 8:31

Lhou namma heiyei doura kane kouya yunserou? Dunpune kaiyei hoiyanungri, kaya manerouri hu leilei?

KHNUITLUNG CHAY 3:2

Heitounei ngamrou UMPUne, ‘Ayari chimaklo, kouweiyo toulanungri, Keine ayale, aiyei raalluirap namyale, aiyei ramkhi neihutra pilhakurla; nani Heshbon'ra paalbi louklei Amoria'yei Krung Sihon'nung toupikur heinakrimni nani touwurlak,’ toubi keinungei shunpikur.

KHNUITLUNG CHAY 7:24

Heirouri Ane yaiyei krung rapya naihutra pilhakrou; heitoubi nani yaiyei min rapya tlaipang dourouwei mangyerrou; heirouri nani yaya tlumni mangyerchi bongyen nai maibongrari hunikhi loumayungchang'makrou.

JOSHUA 10:25

Heirouri Joshua'ne yanung shun: “Nari chimak, heirou nai lhawaikhi lahwurmak! Nai ukning krakni mantrangalo; kouweiyo toulanungri, nai kardourillou kyou yeekna thimirap nammanungei Umpune heinakbilni lhou toupirou.”

JOSHUA 10:9

Heisitoubi Joshua'ne karyimkhaimakni Gilgal'rouwei msantan kabini heitoubi tallengni yaidoura raal kadakur.

JOSHUA 11:6

Heirouri Umpune Joshua'nung shun: “Yayari chimaklo, kouweiyo toulanungri, ningatou tlainirou kheen ahakrou Keine yayari Israel rapbei hutra namma pilhakbini hiyerrouwa; heirouri nani yaiyei sapuk rapya khnaring rui shaat'tatlaka, heitoubi yaiyei sapuk kaari rapya mei shulhakbi honglaka.”

JOSHUA 8:1

Heirouri Umpune Joshua'nung shun: “Chimak, heirou neilhawai lahmak! Nangle kalhonni raalluirap namma ruibini kanthouwa, heitoubi Aiyei khukarthilla kawalo. Thilak, Aiyei Krungle, aiyei thimi raple, heiyei Khukarthil heirou aiyei ramkhi Keine neihutra pilhakurla.

PICHAR PURAP 6:16

Heiya Umpune aya shun, “Tanghakpani Keine neiya kalhonpirou, heitoubi nangni Midian rapyari thimi napung khatya manikur heinaksini maniroume.”

PICHAR PURAP 7:9

Heitoubi heiniyei masanunghakrou Umpune Gideon'nung shun. “Kanthouwalo, heitoubi Midian rapbei rungbomra raal yudalaklo, ngamri yayari Keine neihutra pilhakurlame.

1 SAMUEL 17:47

Heitoubi Umpune raal heiwari raal-shon'ne heirou raalcheini maneyer nimakme toubi khulbung kulyom nammanikhi murouwa; kouweiyo toulanungri, raalbom heiwari Umpuei, heineri neiyari ani keihutra pilhakrouwa.”