JOSHUA 10:41 - KHYINGEI PU'TLOU Bible (BSI)

⁴¹ Heisitoubi Joshua'ne Kadesh-Barnea'rouweini Gaza wa'tlungni klei thimirap nammaya, heirou Goshen ram'rouweini Gibeon wa'tlungphani klei thimirap nammayakhi tumni hatlummurbi maangyerkur.

JOSHUA 10:41 Iomraidhean Croise

KANTHOUNA 10:19

Heirou Canaania rapbei ramri Sidon'ra ri karchunbi, heirou Gerar lhangrani Gaza wa'tlung phani, heirou Sodom lhangrani Gomorrah, Admah heirou Zeboiim'rouweini Lasah wa'tlung phani paalkur.

1 KRUNGRAP 3:5

Heirou Gibeon'ra Umpune Solomon'nung masanung rmongra muyerkur; heitoubi rmong heirouei Umpune aya, “Nangne Keiya neinungei koukouya touyerkniyo, buchalaklo,” toubine loushunkur.

ZECHARIAH 9:5

Ashkelon heiwaya mulhakkurbi chiwurchirou; heirou Gaza'nekhi heiwaya mulhakkurbi, yane beimak lhawai lapirou; heirou Ekron'nekhi yaiyei ningchakhouya malung'thrammakne tamungurbi leiheirou; heiyakhi duinara Gaza'yei Krungkhi heirou Ashkelon'khi yul damakne lakkurkhourou.

MSHING KANSHER 13:26

Heirouri yani yenkallengbi, Paran Ramthingei Kadesh'ra louklei Mosesle Aaron, heirou Israellei thimi rapbei Khulbung nammaei maibongra pao hungtamkur, heitoubi yanungei pao hungtamkurle kalhonni ram heiyei heibom heiwakhi yani hungmutpikur.

MSHING KANSHER 32:8

Heinakrimni naiyei pawarap-patar rapnikhi Keine yaya Kadesh-Barnea'rouwei ram thrilthinanungei malhetyeinung heinaksi lhouya touwurkhou.

MSHING KANSHER 34:4

Heirou nai khate-lhangei ri karchunna ramri Akrabbim Lhungdou'rouweini Zin Ramthingei khate-lhangra Kadesh-Barnea'ra yu'tlungbi, heirou Hazar-addar waphani ri karchunbini, heirou Azmon'ra ri karchunrou da.

PAOCHA 8:26

Dunpuei Thangring khatne Philipnung loushun, “Kanthoubine marshiklaka, heitoubi Jerusalem'rei Gaza'ra yuna lamyei khate lhangra yuwalo.” (Lam heiri lamkhman hoinei ngamrou asinungri hunekhi charilmakura.)

KHNUITLUNG CHAY 1:19

“Heisitoubi kani Horeb'rouwei shalthutkur hillouri, kaiyei Dunpu UMPUne kanungei chay pikur hilthungni, kani lam tlayeinung, nanikhi muwurkhou Amoria Lhungdou ramrei klei chi'kna shakrung khoiyei tangkur Ramthing heiwaya kani heiralthutkur, heitoubi kani Kadesh-Barneara wa'tlungkur.

KHNUITLUNG CHAY 2:23

heirou Gaza'yei ram wa'tlung-phani klei Hazerimei yultlai rapra paalbi louklei Avvim rapyakhi, Caphtor ramrei wachangkur Caphtoria rapni maniwurbi, yai ramra yul dabini paalkur.)

KHNUITLUNG CHAY 9:23

Heinakrimni nani Kadesh-Barnea'rakhi, UMPUne naya shunbi, ‘Kachangalo, heirou Keine nanungei pikur ramya kakallakalo’ toubine yunyeinungkhi, nani naiyei Dunpu UMPUei chaytlouya karhani raal youkur; heitoubi Aya uklumpimakur, heirou Aiyei shuntlou rapya chanthungkhi chanthungpimakur.

JOSHUA 10:12

Heirouri Umpune Amoria rapya Israel rapbei hutra pilhakkur tlainirou, Joshuane Israel rapbei maibongra Umpunung atoubi kyun: “O Kinni, nangri Gibeonyei doura yongchipmakni yuk'alrilaklo! Heirou O Tangla, nangkhi Aijalon phaikara chutmakni yukleiriyalo!”

JOSHUA 10:2

Heingamei yari kalthi chirilkur, ngamri Gibeon khukarthil heiwari beimakni tang khukarthil khat, heirou Krungkulrap deinaksi tang, heirou Ai'yakhi duini tang khukarthil khat, heitoubi heiyei raallui rapkhi krak mantrangthil.

JOSHUA 11:16

Heisitoubi Joshuane ram heiwaya namma- lhungdou ramkhi, Negeb touri khate lhangrei ramkhi, Goshenyei ram nammakhi, kulrel lhangrei lhungso ramkhi, Arabah'khi heirou Israellei lhungdou ramle, lhungso ramkhi;

JOSHUA 11:22

Heisitoubi Israel rapbei ram rillari Anakim rapya thimi hukhatchakhi leithungyermakni hatkur, heiya Gaza'rale, Gath'ra, heirou Ashdod'ratom thimi thacha maleithungkur.

JOSHUA 15:51

heirou Goshen, Holon heirou Giloh; yarap heile yultlairap kyaoni khukarthil chiple khat.

PICHAR PURAP 16:1

Heirouri nungkhatnuiri Samson'ne Gaza'ra yunarouri, bi heirou ane chorit naimakpi khat karthangkur, heirouri ane aiyei leinara polhakbi akou ipmalnakur.

PICHAR PURAP 16:21

Heirouri Philistia rapne aya manwurbine, heitoubi aiyei mitlung rapkhi kholthutpikur, heitoubi yane aya Gaza'ra yensundakur. Heirouri yane aya thir'ruini phonphopbi khoukur, heirou a heiwari kulrilla chakhri thlungtak thimi khoini leikur.

1 SAMUEL 6:17

Philistia rapne yanungei porfletdurnei hutlha khoini sheemthutbi, borh limnei khrumna put khoini Umpunung makatkur sinayei thimilha rapri: Ashdod'nungtlim khatle, Gaza'nungtlim khatle, heirou Ekron'nung tlim khatle;