JOSHUA 10:4 - KHYINGEI PU'TLOU Bible (BSI)

⁴ “Keileinara kawalo, heitoubi keiya raal bei paangpilaklo, Gibeon rapbei doura raal dawase; kouweiyo toulanungri, yani Joshua'le Israel rapkou yakantlangrilbi leiyurame.”

JOSHUA 10:4 Iomraidhean Croise

MATTHEW 16:24

Heirou Jesu'ne Aiyei ruishik rapnung kyun, “Hu khatne Keile kalhonne chaniyanungri, aitamya yanimak hoiyasu, heitoubi aiyei ruiya urbi Keihilla chanthungasu.

JOHN 15:19

Nane tlaipangpallei hoiyanungri, heirou tlaipangne nayari Aiyei nakrimni malungshipirou. Heiya Keine nayari tlaipangpal arouwei khalthutdurla, heine nari tlaipangei hoimakura; heitounei ngamrou nayari tlaipangpalne machinlei.

PAOCHA 21:28

“Israellei thimirap!” toubi yane paobi kyun, “Kaya trungpilaklo! Kouweiyo toulanungri, napawa ane bi kantangrou yenchaheibine thimi kantangnung Israel rapya, heirou Moses'yei Tloulamyakhi, Pukhrumna cheem ayakhi karhayei tlouya yunpilei. Heirou asinung ane Gentilerap thaya yenruilhakbi Khyingei Pukhrumna Cheem ayakhi borhyerwurla!”

2 TIMOTHY 3:12

Heinakrimne Christa Jesu'ra marapbi leikni thimi kantangya heinaksi klah-mrim nangyerheirou;

JAMES 4:4

Malungamnamak thimirap, Tlaipangkou palui khoiyotou heiri Dunpuei karhoukril thimime touri mumakhuiko? Huhuni tlaipangkou palui hoiyanungri, ai'msha-aitamne Dunpuei karhoukril thimi hoicha'kna.

JOSHUA 10:1

Asinungri asitoubi hungthukura, touri Joshua'ne Jericho'ya lukloubi, heiyei Krungya manbini thuithini mareknabi maangyerkur heinaksini Ai'yakhi lukloubini, heiyei Krungyakhi manbi thuithini hatdurnei paole, heirou Gibeonia rapkhi Israel raple yakantlangrilbi yaihangra yakou paalmalnawurame tounei pao heiri Jerusalem'yei Krung Adoni-Zedek'ne mayekurla.

JOSHUA 10:5

Heisitoubi Amoria rapbei Krung napung'phanga, touri Jerusalem'yei Krung, Hebron'yei Krung, Jarmuth'yei Krung, Lachish'yei Krung, heirou Eglon'yei Krung ya nammani pulbini, yaiyaiyei raallui rapya urbini raal dananungei toubi kakur, heitoubi Gibeon'yei pongra kabi rungbom sakur, heitoubi yaidoura raal dakur.

JOSHUA 9:15

Heitoubi Joshua'ne yakou kyingni yakantlangrilbi, tloukantom khat khoupikur; heitoubi yaya paalyerkur; heisitoubi kulyomyei yama upa rapnikhi yaidoura tlou kantombi yapikur.

1 PETER 4:4

Heiya asinungri nane yakou kalhonbi heinaksi lamduiyei lhouya toukhounarei dongurnei ngamrou yane ngakurbi, heirou naya thuithini yunkur.

KANRETHUTPI 16:14

Yarap heiri kngakei lhouya touthutbi klei Satanyei lhawairap. Lhawai khyumtam heine tlaipangpallei Krungrap nammaya, Mane-Mantrang Dunpuei tangkur Tlainiyei raalbomranung yaya ungmartilnanungei chawura.