JOSHUA 10:3 - KHYINGEI PU'TLOU Bible (BSI)

³ Heitounei ngamrou, Jerusalem'yei Krung Adoni-Zedek'ne thimi malhetbini Hebron'yei Krung Hoham'le, Jarmuth'yei Krung Piram, Lachish'yei Krung Japhia, Eglon'yei Krung Debir'nungei pao washunpikur:

JOSHUA 10:3 Iomraidhean Croise

KANTHOUNA 23:2

Sarah'ne Canaan ramrei klei Hebronyei Kiriath-Arba bira hikur; ram heitamrou Abraham'ne wabi Sarah hikurya kanrilbi chapkur.

KANTHOUNA 37:14

Heirou ani Josephnung shun, “Keiyei shunthungkniri, nangni wabini neiyei teinaorap, heirou yaorulrap heiri kousi leileiyo toubine wathilak; heitoubi keinungei pao hungshunlak.” Heisitoubi Israel'ne Josephya Hebron phaikarrouwei heihilkur, heitoubi Joseph'ne Shechemra wa'tlungkur.

2 SAMUEL 2:11

Heirou David'ne Hebron'ra Judah rapbei doura Krung khoine kum enile lhang'khat thrungkhou.

2 KRUNGRAP 18:14

Heirouri Judah'yei Krung Hezekiah'ne pao-ur thimirap malhetbine Lachish'ra Assyria'yei Krungnungei washunyerkur, “Keiri lallurame, keiyei ram arouwei shalthutpilakalo; heirou neiyei pilaklo toubi buchakur namma heiwaya keine pirouwa.” Heisi tounarouri, Assyria'yei Krungne Judah'yei Krung Hezekiah'yei ram'rouwei kulshan talent macha-khyumle, sina talent somthumkhi bukur.

2 KRUNGRAP 18:17

Heirouri Assyria'yei Krungne aiyei raallui upa chaylampu Tartanle, lhoulampu upawa Rabsaris, heirou Rabshakeh yakhyumya raalluirap nammale kalhonne Lachish'rouwei Jerusalem'ra Krung Hezekiah leinaranung heimalhetkur. Heisitoubi yane wabi Jerusalem'ra wakur, heitoubi yane lamtangei thak-lhangrei klei yuisora phishu thimiyei phishuna thlungpak doura wamayungkur.

2 CHAANLAM 11:9

Adoraim, Lachish, Azekah,

JEREMIAH 34:7

Kheen heirouri Babylon krungei raallui rapne Jerusalemei dourale heirou Judah'yei khukarthilrap nam'rouwei maleithung khukarthilrap Lachishle Azekahyei dourakhi raal dabine leiyei kallei thukkur lhou. Kheen heikallei lukchangmakei maleithung Judah'yei mantrang khukarthilri khintam heithilngei.

MICAH 1:13

O Lachish'rei klei thimirap, sapuk kaarira sapuk msuibaanglaka; na heiriame Zion'yei chanao rapbei borh yenwaiyounari; kouweiyo toulanungri, Israellei borh heiri neirouwei phawurlame.

MSHING KANSHER 13:22

Yane khate touri Negeb lhangrei katwaiyoubi, heirou Hebronbil ka'tlungkur. Rambi heirouri Anak'yei yu-charap Ahiman, Sheshai heirou Talmai yarapni yuldabi louklei. (Hebron'ri Egyptbei Zoan khukarthil sabangkur kum'eni maibongra sabangurkhou yulbom khat.)

JOSHUA 10:1

Asinungri asitoubi hungthukura, touri Joshua'ne Jericho'ya lukloubi, heiyei Krungya manbini thuithini mareknabi maangyerkur heinaksini Ai'yakhi lukloubini, heiyei Krungyakhi manbi thuithini hatdurnei paole, heirou Gibeonia rapkhi Israel raple yakantlangrilbi yaihangra yakou paalmalnawurame tounei pao heiri Jerusalem'yei Krung Adoni-Zedek'ne mayekurla.

JOSHUA 10:23

Heisitoubi yani Krung napung-phangaya touri, Jerusalem'yei Krung, Hebron'yei Krung, Jarmuth'yei Krung, Lachish'yei Krung, heirou Eglon'yei Krungya thlungpur heirouwei urthutbini anungei yenruilhakur.

JOSHUA 10:34

Heirouri Israellei thimirap nammale kalhonni Lachish'rouweini Eglon'ra heiralkur; heitoubi yani heiyei pongra rungbom sheembini, heitoubi heiyei doura raal dakur.

JOSHUA 10:5

Heisitoubi Amoria rapbei Krung napung'phanga, touri Jerusalem'yei Krung, Hebron'yei Krung, Jarmuth'yei Krung, Lachish'yei Krung, heirou Eglon'yei Krung ya nammani pulbini, yaiyaiyei raallui rapya urbini raal dananungei toubi kakur, heitoubi Gibeon'yei pongra kabi rungbom sakur, heitoubi yaidoura raal dakur.

JOSHUA 14:15

Heirou Hebron'yei rammin heiwari bongnungri ‘Kiriath-Arba’ toubine ungkhou, ngamri Arba toubi ung heiwari Anakim Lim rapbei hangra yerrouwei tangdui thimi lhouwa khat hoikhou. Heiyei hillouri ram heiwari raal tourilnarouwei mathrilbi kyingni paalkur.

JOSHUA 15:54

heirou Humtah heirou Kiriath-Arba touri Hebron heirou Zior; yarap heile yaiyei yultlairap kyaoni khukarthil takotam.

JOSHUA 15:63

Heiya Jerusalem'ra yuldabi klei Jebusia rapyari Judah'yei thimi rapni hulthutchangmakur; heitounei ngamrou Jebusia rapni Judahyei thimi raple Jerusalemra angtu ramphani paalmalnabi leileikhui.

JOSHUA 18:28

heirou Zela, Ha-eleph, heirou Jebus touri Jebusia (heiri, Jerusalem'ya kyun), Gibe-ah touri Gibeath heirou Kiriath-Jearim; yarap heiri yaiyei yultlai rapkhi kyaoni khukarthil chiple phalibil tlung. Awari Benjaminyei cheemkhur-bommai hilthungni yerkhaipikur yuldana ramthil.