JOSHUA 10:12 - KHYINGEI PU'TLOU Bible (BSI)

¹² Heirouri Umpune Amoria rapya Israel rapbei hutra pilhakkur tlainirou, Joshuane Israel rapbei maibongra Umpunung atoubi kyun: “O Kinni, nangri Gibeonyei doura yongchipmakni yuk'alrilaklo! Heirou O Tangla, nangkhi Aijalon phaikara chutmakni yukleiriyalo!”

JOSHUA 10:12 Iomraidhean Croise

2 SAMUEL 2:12

Asinungri Ner'yei chanapawa Abner'ne Saul'yei chanapawa Ish-bosheth'yei shok raple kalhonbi Mahanaim'rouweine Gibeon'ranungei wathukkur.

2 KRUNGRAP 20:10

Heisi tounarou Hezekiah'ne loumallangbi kyun, “Thimi lhiem heiwari maibong lhangra hokar chiptam loucha'kyer heiwari beimakne klai, heiya hil'lhangra hokar chiptam karshonkyer touri klu; heineri hil'lhangra karshonyerlaklo.”

2 KRUNGRAP 20:11

Heirouri thimkhuiwa Isaiah'ne Umpunung ungraobi chapne shunchakur; heirouri Umpune Hezeiahyei knni'laei lhim heiwaya khlak doura hokar chiptam shaangni hil-lhangra karshonyerkur; heisi toubi ani Ahaz'yei khlakra yongchumyei kheenrou doura karshonbangyerkur.

2 KRUNGRAP 20:9

Heirou Isaiah'ne loushun, “Umpune Aiyei shunthutbi kantompikur tloulhang hilthungne heisi yuktoupirou. Umpune neinungei mutpinungei hutlhari awariya: ‘Khlak doura dabi klei neiyei hokar chiptam chayerserouwo, nimanung hil'lhangra hokar chiptam karshonyerserou?’ ”

1 CHAANLAM 8:13

Heirou Beriah'le, heirou Shema'khi aiyei chanapawarap. Yarap heiri Aijalon'rei yuldabi klei thimi rapbei cheemkhur upathil. Heitoubi yane Gath'ra yuldabi louklei thimi rapya hulthutloukur.

2 CHAANLAM 11:10

Zorah, Aijalon, heirou Hebron rapkhi sabaangkur. Khukarthilrap heiri Judah'le Benjamin Krungram rilla chiekpalni raalpal sakoolbine khoukur Khukarthil.

JOB 9:7

Ane kinniya chay piwurbi kwaarkhi alyermakurlei; heirou sorwa rapyakhi waaryermakurlei.

LAA LAILIK 148:3

Umpuya mathanglaklo, kinnikhi heirou tanglakhi, Aya mathanglaklo, O albi klei sorwarap!

LAA LAILIK 19:4

heiyanungkhi tlaipangpal karyoune yaiyei paolaaya wa'tlungne chaibi leilei, heirou yaiyei tlourap heiri thleidong phani mayekbi leilei. Dunpune nungthoura kinniyei cheem hoiyerpilei.

LAA LAILIK 74:16

Nangne masakhi heirou nunghangkhi sheempikur, heitoubi kinnikhi heirou tanglakhi Nangne yaya ai'aiyei bira khoupikur.

ISAIAH 28:21

Kouweiyo toulanungri Umpuri Perazimei Lhungdou naksini kanthoubi mayungrouwa, heirou A heiri Gibeon'yei phaikar'naksine kanthi fyourouwa, heitoubi Ane Aiyei kngakei lhouya touthutrou; heirouri Aiyei kngakei lhou rapya Ane luilhakrouwa.

ISAIAH 38:8

Thilak, Ahaz'yei chaanrou kinnirei kheen tirithina khlaak heiwarou kinniyei lhim heiri makmei chiptam yongdakhou heiri Keine makmei chiptam karshonbangyerou.” Heisi toubine kinniyei lhim heiwari khlaak makmei chiptam yongdawurkhou heiwaya makmei chiptam karshonbangyerkur.

ISAIAH 60:20

Heirou neiyeiri kinni yongchip naimakrou, heirou tanglakhi yenmehkur naimakrou. Kouweiyo toulanungri Umpuya nangni klui naimakei kwaar khoine pharouwa; heirouri neiyei lhawai klahyei kanrelnei tlaini rapkhi makrouwa.

JEREMIAH 28:1

Kum heihakrou Judah'yei krung Zedekiah'ne thrungyoutir kum'phali hungtlungei tlun-phanga tlung tanglarou, Gibeon'rei Azzur'yei chanapawa thimkhui Hananiah'ne Pucheem rilla suipipu raple, kulyom rapbei maibongra keinungei atoubi shun:

AMOS 2:9

“Heiya thilak, tang-lamchounara Cedar heengtrung naksine, heirou mantrangnarane bok'heeng naksine paalkhou Amoria'ya Keine naiyei maibongra maangyerwurla; heirou aiyei yrung kyaoni phukthutdurbi, aiyei hei ramphayakhi taaryerwurla.

AMOS 8:9

“Heitoubi heiyei tlainirouri asitoubi hungthukheirou,” Pu Dupune shunlei, “Nunghangei kheenrou Kinniya Keine yongchipyerrou, heitoubi nunghang tlaikallei kheenrou tlaipangpalya Keine masa yantrimnakne mehyerrou.

HABAKKUK 2:20

Heiya Umpuri Aiyei Khying Pucheem rilla klei, heitoubi Umpuei maibongrari Tlaipang-Shimlei nammane koutloukhi yunmakne rie leilakasu!

HABAKKUK 3:11

Neiyei khyingei malhetthutkur malaa-cheiya mubine, heirou leplep mherchakur raal cheipak lhimya mubine, Kinnile tanglane nungthoura ai'aiyei bira mayungurchiya.

ZECHARIAH 2:13

O tlaipang thimirap, na nammane kouhoukhi shaomakne ri leilaka; kouweiyo toulanungri, Umpune Aiyei khying bom'rouwei kanthouwura.

KHNUITLUNG CHAY 17:3

heirou keine chay pikur lhouya karhani chawurbini thrailha dei rapya watlhou toubine yaya khrumlanungri, nimanung kinniya nimanung tanglaya, nimanung nungthourei klei sorwa rapya khrumlanungri;

KHNUITLUNG CHAY 4:19

Heirou nani mukheini toulak, touri kounakpi nani nungthoura naimitni mangalthibi, Kinni, heirou tangla heirou sorwa rapya heirou nungthourei albi klei putlimrap nammaya mulhakbini, heirapya nani khrumkurkhi kya. Heirap namma heiri UMPU naiyei Dunpune Thangwan-Shimlei daakrei klei tlaipang thimirap nammanungei piwurkhoula.

JOSHUA 10:13

Heisi toubine Israellei Limni yeekna rapya raal manibongyen Kinnine yongchipmakni mayungkur; heitoubi tanglakhi kathukmakni leikur. Awari Jasharyei Lailikra atoubine: “Kinnine nungthoura nungkhatnuirek yongchipmakni mayungbi leikur” toubine mayelhakhou nimako?

JOSHUA 19:42

heirou Sha-alabbin, Aijalon heirou Ithla;

JOSHUA 21:24

heirou Aijalon'le heiyei halsilna ramhangkhi kyaoni, Gath-Rimmon'le heiyei halsilna ramhangkhi kyaoni, khukarthil phalitam khaipikur.

PICHAR PURAP 12:12

Heirouri Zebulun'rei Elon hiyura, heirou aiyei khilhung heiwaya Zebulun'yei ram Aijalon'ra khi ruikur.

PICHAR PURAP 5:20

Nungthourei sorwa rapnikhi raal kardoubi, yaiyei leina birouwei mayungurbi Siseraya karhani raal kardoukur.

1 SAMUEL 12:18

Heisitoubi Samuel'ne Umpuya ungbini shunchakur, heirouri Umpune lhimnung-martheetang katfyouwurbi, heiyei tlainirou nung royerkur; heitounarouri thimirap nammani Umpuyale Samuelyari beimakni chirilkur.

1 SAMUEL 14:31

Heiyei tlainirou Israel rapni Philistia rapya Michmash'rouweini Aijalon wa'tlungni hatkur, heitounei ngamrou yari latekkurchiya.