Biblia Todo Logo
Bìoball air-loidhne

- Sanasan -




JOSHUA 10:10 - KHYINGEI PU'TLOU Bible (BSI)

10 Heirouri Umpune Amoria rapya Israel rapbei maibongra tamungyerkur, heitoubi Gibeon'ra yaya namyerwa hatkur. Heitoubi yaya Beth-Horon wana lamtangra hullouheibi, Azekah'le Makkedah waphani chanthungbi yaya hatkur.

Faic an caibideil Dèan lethbhreac




JOSHUA 10:10
29 Iomraidhean Croise  

Heirou ani malaa kaapbine, heitoubi yeekna thimi rapya hulchekkurbi, heitoubi Marwan-liptlai alyerbine yaya tamungyerwurla.


Heitounei ngamrou Solomon'ne Gezer khukarthil heiwaya hanui kallengne sabaangurthu. Heitoubi Solomon'ne yongtong lhangrei klei khukarthil Beth-Horonkhi sabaangkur;


Heisi tounarouri Umpune Ethiopia raallui rapya Asa'le, Judah'yei raallui rapbei maibongra raallam tlathatkur, heisi tounarouri Ethiopia raallui rapri tleng loutrukkurchiya.


Heiya Amaziah'ne akou raal chayermakne hilmallengkur Israellei raallui rapne heikallenglhakbi Judah'yei khukarthil rapya Samaria'rouweine Beth-Horon waphane raal dakur, heitoubi thimikhi lishing khyum hatdurpi, heirou putchei-lalthumkhi chungwane konmangurpi.


Heitoubi Ane malaa kaapbi heirou Aiyei yeekna rapya hulchekkur; heirou marwanyei liptlai kwaarle kalhonne Ane yaya hullouheibi khrangne trukyerkur.


Neiyei thimi rapne raalshon shinbi yane ram heiya lukloukur nimak; heirou yai hutdei mantrangni yane raal manekur nimak; heiya namyerwa heiri Neiyei thyarei hutbangni heirou Nangne yaya malungshibi ruipinei ngamrou yane raal yenmanekur.


Zalmonyei Lhungdoura Mane-thang'allei Dunpune Krung rapya hulchekkur. heitoubi yaidoura thur daphopyerkur.


Aiyei thimi rapne raalsobi tonlhakyeinung, ram heiyei loudari thimi rapya Ane hulthutloukur; heitoubi yairam heiya Ane Israellei phungh rapbei hangra yerkhairilyerkur, heirou yaiyei cheem rapya Aiyei thimi rapnung phayerkur.


Kouweiyo toulanungri Umpuri Perazimei Lhungdou naksini kanthoubi mayungrouwa, heirou A heiri Gibeon'yei phaikar'naksine kanthi fyourouwa, heitoubi Ane Aiyei kngakei lhouya touthutrou; heirouri Aiyei kngakei lhou rapya Ane luilhakrouwa.


Kheen heirouri Umpune Aiyei thang'allei houya paothutbi mayekyerou; heitoubi meithukni malungkhale kalhonne Aiyei hutbangya yuklaamthutbine kaangtlumkna meithlanle, lhimnung-martheele, liptlai-mherbine, nungheile kalhonne shungsundaeirou.


Kheen heirouri Babylon krungei raallui rapne Jerusalemei dourale heirou Judah'yei khukarthilrap nam'rouwei maleithung khukarthilrap Lachishle Azekahyei dourakhi raal dabine leiyei kallei thukkur lhou. Kheen heikallei lukchangmakei maleithung Judah'yei mantrang khukarthilri khintam heithilngei.


Heirouri Umpune bongnungkhi raal bomra loukardoukur heinakne, maibong lhangra wathukbine limrap heiwaya karhane raal kardourillou.


Heiya UMPU naiyei Dunpune yayari naihutra dayerrou, heitoubi nani yayari himitbongyen marhotrou.


Heirouri asitoubi thukkura touri, yani Israel rapbei maibongra loutrukyei kheenrouri, Beth-Horon'rouweini Azekah'ra yuna lamra Umpune yaidoura nungthourei nunghei manrolni rosundayerbi nanghatkur; heisitoubi yaihangra Israel rapbei raalshonra hikuryari nungheini nanghatkurni duini chung.


Tlaini heihakrou Joshua'ne Makkedah'ya raal maniwurbi lukloukur, heitoubi heiyei thimi rapyakhi heirou heiyei Krungyakhi raalshon'ne hattumkur; heisitoubi ani hattumwurbi thimi huchakhatkhi himaleiyermakni maangyerkur. Heisitoubi ani Jericho'ya thuithini toupiwurkhou heinakrimni, Makkedah'yakhi ani thuithini toupikur.


Heisitoubi Joshua'ne karyimkhaimakni Gilgal'rouwei msantan kabini heitoubi tallengni yaidoura raal kadakur.


Heirouri Umpune yayari Israel rapbei hutra pilhakurbi, Israel rapni yaya raal manikur. Heisitoubi yaya Sidon lhangrei samadru waphani, heirou Misrephoth-Maim waphani hulloukur; heitoubi kulkung lhangrani Mizpeh phaikar wa'tlungni hulloubi, yaya thimi hukhatchakhi maleithungyermakni hatkur.


Makkedah'yei krungkhi, Bethel'yei krungkhi;


Jarmuth heirou Adullam, Socoh, heirou Azekah;


heirou Gederoth, Beth-Dagon, Naamah heirou Makkedah; yarap heiri yaiyei yultlairap kyaoni khukarthil chiple thruk.


Heitoubi bi heirouweini kulrel lhangra rikarchunna yenringsundawurbi, Japhletiayei ramle ri karchunrilbi, heirou Phaitlai ramra klei Beth-Horonra ri karchunrilbini heitoubi Gezer'bil yudabini Samadrubil yudonglei.


Heitoubi Ephraim'yei chanao rapnungei yaiyei cheemkhur bommairap hilthungni yerkhaipikur ram rikarchunnari: Yaiyei yul dana ramri kulkung lhangrani Ataroth-Addar rouweini Beth-Horon'yei khalu lhangra wa'tlunglei.


Heirou Kibza-im'le heiyei halsilna ramhangkhi kyaoni, heirou Beth-Horon'le heiyei halsilna ramhangkhi kyaoni, khukarthil phalitam khaipikur.


Heisitoubi Barak'ne raalsobi tonlhakyei kheenrouri, Umpune Sisera'le aiyei sapuk kaarirap heirou aiyei raalluirap namyerwayakhi tamungyerwurbi Barak'yei raalshonra hiyerkur; heiya Sisera'ri aiyei sapuk kaari dourei chunsundawurbi honi trukkur.


Heiya Barak'ne sapuk kaari raple raallui rapya Harosheth-Ha-Goiim waphani hulbine chanthungkur; heitoubi Sisera'yei raalluirap nammaya, hathakhi kartleiyermakni Barak'yei raalshonra hiyerkur.


Nungthourei sorwa rapnikhi raal kardoubi, yaiyei leina birouwei mayungurbi Siseraya karhani raal kardoukur.


Heitoubi rul khatni Beth-Horon lhangra wachangkur, heitoubi raallui rul khatneri Zeboim phaikar heithrilmuna Ramthing lhangra heitonlhakbi wachangkur.


Asinungri Philistia rapni yaiyei raallui rapya khumtilbi, Judah'yei ram Shochoh'ra yani kartilbi raal marshikbini leiyura; heitoubi yani Shochoh'le Azekah'yei tlakra, Ephes-Dammim'ra rungbom sheembini leiyura.


Lean sinn:

Sanasan


Sanasan