JOSHUA 1:9 - KHYINGEI PU'TLOU Bible (BSI)

⁹ Neinungei Keine chay piwurkhou nimakka? Neiyei ukningra krakni mantranglak; heitoubi chiwurbi neimalung kanchunmak! Kouweiyo toulanungri, neiyei Dunpu, Umpune neiyei chana-hungna bi kantangra kalhonpilei.”

JOSHUA 1:9 Iomraidhean Croise

KANTHOUNA 28:15

Heirou thilak, Keine neiya kalhonpirou, heitoubi neiyei chana bi kantangrou neiya ngaaksilpirou; heirou neiyari ram arouwei hanui ruimallengpithurou; ngamri Keine neinungei shunpikurya tlungyerbongyenri Keine neiya tekkhi horkhoumakrou.”

KANTHOUNA 39:2

Heirou Umpune Josephya kalhonpikur, heirou a heiri likarsuina thimi khat khoini aiyei Egyptbei pu upawaei cheemra leikur.

KANTHOUNA 39:3

Heirouri Umpune Josephya kalhonpime touri Potipharni muwurla; heirou aiyei lhou touna kantangrou Josephbei ngamni ayari mhei heiyerpime toukhi ani ningmukur.

2 SAMUEL 13:28

Heirouri Absalom'ne aiyei shok rapya shunmatubine, “Asinungri Amnon'ya thimallobine silchalaka, heitoubi ani tul malipbine nungwaiyei kheenrou keine naya, ‘Amnon'ya hatlaka,’ toubi heishunyei kheenrou nani tallengni aya hatlaka. Heirou nani koukhi chimakrou da; ngamri keine nanungei chay pikur awariya! Chiya-chimak, lhouwa thukni krakni lhou toulak, kei leilei!”

1 CHAANLAM 28:20

Heirouri David'ne aiyei chanapawa Solomon'ya shun, “Ukningra chimakne, krakni lhou toulak; heitoubi neiyei ukningra chiwurbi hil karshonwurmak; kouweiyo toulanungri, keiyei Dunpu, Umpune neiya kalhonpilei. Ngamri Umpuei Pucheem sabaangnei watlhourap nammaya luilhakbangyen Ane neiya horkhouwurmakrou, heirou khingkhi khingurkhoumakrou.

2 CHAANLAM 15:7

Heiya nari, malung kandupmakne, krakne heirou malungringni leiyalo; kouweiyo toulanungri naiyei touwurkhou lhourap heinung'tlim klah'man phanungei leileime!”

LAA LAILIK 46:7

Mane- thang'al Umpuri kaya kalhonpilei; Jacobei Dunpu heiri kaiyei kallena bom hoilei.

ISAIAH 41:10

Nangri chimaklo, kouweiyo toulanungri Keine neiya kalhonpilei. Neilhawai lahwurmak, kouweiyo toulanungri Keiri neiyei Dunpu. Keine neiya mantrangyerpirou. Keine neiyari Keiyei thyarei hutni churloubine khangbaangpirou.

ISAIAH 43:1

Heiya asinungri, neiya Sheempipu Umpune asitoubi yunlei, O Jacob; heirou neiya sapipu Dunpune asitoubi shunlei, O Israel! “Chimaklo, kouweiyo toulanungri Keine neiya lhukthutpiwurla; heitoubi Keine neiya minlhangbi ungthutdurpila; heineri nangri Keiyeime!

ISAIAH 43:5

Chimaklo! Kouweiyo toulanungri Keine neiya kalhonpilei; Neiyei yu-cha rapya Keine kulkung lhangrei yenlhakpirou, heitoubi kulrel lhangreikhi yenlhakbine naya kartilyerrou.

ISAIAH 8:12

“Yane muni lhangaimaknara raangbi kantlangni hut-dangbi klei heiwaya nangneri koukhi lhouhoipimak, heirou yaiyei chirilbi klei heiwakhi nangni phu-throbine chiwurmak, heirou neiyei lhawaikhi lahwurmak.

DANIEL 10:19

Heirouri ani keiya shun, “Malungshipiya phakur thimi nangri chimaklo! Neidoura kying hoiniyasu! Ukningra rakkalo!” Heirou ani heisi yunkurle tallengni, keiyei mantrang phawurthu, heitoubi keine kyun, “Keiyei Pu Upawane keinungei shunpilaklo, kouweiyo toulanungri keiri mantrang phawurthulame.”

HAGGAI 2:4

Heiya asinungri, O Zerubbabel, neiyei ukning krak hoilaklo,” toubi Umpune shunlei; “heirou neiyei lhawai kyaoni toulaklo, O Josedech'yei chanapawa, Suipipu upawa Joshua, heirou ram arouwei thimirap na nammakhi ukningra krakni lhou toulaklo, toubi Umpune shunleime; kouweiyo toulanungri, Keine naya kalhonpileime.” toubi Thangwan-Shimleiyei Pu Umpune shunlei.

HAGGAI 2:5

Nane Egyptrei wathukyei kheenrou Keine nanungei kantompikur tlou hilthungni, Keilhawaini naihangra leileime, heineri nari chimaklo!

PAOCHA 4:19

Heiya Peter'le John'ne yanung loumallangkur, “Naitamni yuk'khalthilak - Dunpuei maibongra kouni chimrou - naiyei kyunya hil chanthungserouwo, nimanung Dunpuei shunya hilthungserou?

KHNUITLUNG CHAY 1:21

Thilak, UMPU naiyei Dunpune ram heiwari nai maibongra tlathutbini khouwurla; wachanglaka, heitoubi ram heiwaya naiyei patar rapbei Dunpu UMPUne nanungei shunpikur heinakrimni nani ramkalbi yuldalaka, nani koukhi chimak, heirou ukningkhi kanthritdurmak.’

KHNUITLUNG CHAY 20:1

“Nane yeekna thimi rapbei maibongra karhani raal kardourillou chayei kheenrou, nayakhi mshing chungdui yaiyei sapuk raple, sapuk kaarirap heirou howei raalluirap heiwaya muwurbi nani chiwurmak, kouweiyo toulanungri, naya Egypt ram'rouwei ruithutloukur naiyei Dunpu UMPU heiri nakou kalhonpilei.

KHNUITLUNG CHAY 31:23

Heirouri UMPUne Nun'yei chanapawa Joshuaya watyilbini shun: “Ukningra krakni mantrangalo, kouweiyo toulanungri, nangni Israellei douwa rapya Keine yanungei mardingpikhouna ramra ruilhakpilak, ngamri Keine neiya kalhonpirou.”

KHNUITLUNG CHAY 31:28

Nai cheemkhurrei yama krungrap, lhou'urpu upa rapya keipongra ungkartillaka, heiyanungri keine tloulhangrap heiwaya yaiyei khnara mayeknungei shunpirou, heitoubi nungthoule shimleiya yaidoura tlou mayung hoipinanungei unglhakpirou.

JOSHUA 1:10

Heirouri Joshuane thimi rapbei ruichingpi pu rapya chay pibini kyun:

JOSHUA 1:17

Lhoulam kantangrou kani Moses'yei shunya hil-chanthungkhou heinaksini, kani neiyei shunya chanthungrouwa; Umpune Moses'ya kalhonpikur heinaksini neiyei Dunpu, Umpune neiyakhi kalhonpilaksu.

JOSHUA 1:18

Neiyei chaytlouya karhani lhoutou thimiri, heirou neiyei anungei chay pikur tlou rapya chanthungmak thimi heiyari hatrou da; heirou neiyei ukningyatom krakni mantranga!”

JOSHUA 10:25

Heirouri Joshua'ne yanung shun: “Nari chimak, heirou nai lhawaikhi lahwurmak! Nai ukning krakni mantrangalo; kouweiyo toulanungri, nai kardourillou kyou yeekna thimirap nammanungei Umpune heinakbilni lhou toupirou.”

JOSHUA 10:8

Heirouri Umpune Joshua'nung shun: “Yayari chimak, kouweiyo toulanungri, yayari Keine neihutra pilhakurla; yari hukhatkhi nai maibongra loumayungchangmakrou.”

JOSHUA 3:7

Heirouri Umpune Joshuaya shun: “Angtu tlainirou Keine neiyari Israel rapbei mit'thrilnara chouni mathumbangrouwa; heiyanungri yani murouwa touri Keine Moses'ya kalhonpikhou heinaksini Keine neiyakhi kalhonpirou.

JOSHUA 6:27

Heisitoubi Umpune Joshua'ya kalhonpikur, heirou aiyei min heiwari ram karyouni mayekrilkur.

JOSHUA 8:1

Heirouri Umpune Joshua'nung shun: “Chimak, heirou neilhawai lahmak! Nangle kalhonni raalluirap namma ruibini kanthouwa, heitoubi Aiyei khukarthilla kawalo. Thilak, Aiyei Krungle, aiyei thimi raple, heiyei Khukarthil heirou aiyei ramkhi Keine neihutra pilhakurla.

PICHAR PURAP 6:14

Heitoubi Umpuei Thangring'ne anungei kalleklhakbini shun, “Neiyei ukningra krakni chawalo, heitoubi Israel rapya Midian rapbei hutrouwei kalthutpilaklo. Keine neiya watyilkur nimakeiko?”

1 SAMUEL 10:7

Heitoubi heinaksi hutlharap heine neinungei chimni hungthukanungri, neihutni churkarthangkur lhou rapya heisi toulaka, ngamri Umpune neiya kalhonpilei.