JOSHUA 1:8 - KHYINGEI PU'TLOU Bible (BSI)

⁸ Ayillei lailik awari neiyei murrouwei karkhaiwurnungei yamakrou; heiya nangni heirapya msa-nunghang naimakni khalbini leirou da; heiyanungri nangni heirouwei mayelhakkur nammaya mukheini chanthungbi lhou toulanungri, neinungei tangbang-choubangkna hoirou.

JOSHUA 1:8 Iomraidhean Croise

KANTHOUNA 24:63

Heirou Isaac'ne rawai bei manrenni phailoura thikulnungei toubi wathukkur; heirou ani mangalbi heithiyei kaallouri, thilak, ut rapne lamra lingshaang ringbini yenkallengkur heiya ani loumukur.

2 CHAANLAM 26:5

Heirou Zechariah'ne ringyei kheenrou ani Uzziah'ya shunmtupinei ngamrou, ane Umpuya chi-rikraini Puwatlhou toukhou; heirou ane Umpuya raphakhounei ngamrou, Dunpune aya lung punyerpikur.

LAA LAILIK 119:11

Neiya karhane borh lhouya toumaknanungei Neiyei chaylamya keiyei ukningra loulhakbi khouwurla .

LAA LAILIK 119:15

Neiyei shunmatupi rapya keine marnolei; heirou Neiyei marnopikur heirapya keine ukningra martamchabi leilei.

LAA LAILIK 119:97

Oh, kounakei malungshi Neiyei chaytlou rapya keine! Kheenserrou keine heiyadik ningchabi leilei.

LAA LAILIK 119:99

Keiya marnopi Pu rapyakhi keine muheiduilei; ngamri keiyari Neiyei chaytlouni meishar khoine ruipilei.

LAA LAILIK 19:14

Keiyei murrei tloulhang rapya heirou keiyei ukningrei kningrap heiri Neiyei mithrilnara loulhak kya hoiniyasu; O Umpu, keiyei Thlungshim, heirou keiya lhukthutpi Pu!

LAA LAILIK 40:10

Ralthutpinei paolaa heiya keine keitam'tomnungei khouwurmak; Kheenserrou keine Neiya malungamknale trungpikhei heiya shunthutpilei. Neiyei thimichung maibongra keine neiyei chimle heirou chut naimakne malungshipinei ngamrou shunthutpimakne mulcha leiwurmak.

PARMAL 3:1

Keiyei chanapawa, keiyei shunmatupi tlou rapya malummak. Heiya keine naiyei tounungei shunmatupikur tlou rapya kheenserrou nai ukningra ningchabidik leiyalo.

ISAIAH 59:21

“Heirou Keinungeiri, Keiyei mardingpikur heiwari yai doura khoupirou, heitoubi Keiyei tloulhangrap heiri neiyei murra lhakpirou; heitoubi tloulhangrap heiri neiyei murrouwei, neiyei yu-cha rapbei murrei, heirou yaiyei yu-cha rapbei murrouwei louthutmakrou, heiya klui naimakni leiyerrou,” toubi Umpune yunlei.

MATTHEW 12:35

Lhangai thimi khatne aiyei lhangaiya marpeikhounarei lhangai heiwaya urthut; heitoubi lhangaimak thimi heini aiyei lhangaimak marpeikhounarei lhangaimakyatom urthut.

MATTHEW 28:20

heitoubi Keine nanungei chay pikur namyerwa heiya hilthungnanungei yanungei shunmatupilak; heirou thilak, Keine naya kheenserrou, tlaipang trimbongyen kalhonpirou.”

MATTHEW 7:21

“Keiya Dunpu, Dunpu! toubi ungkur thimi namyerwani Thangmunyei Krungramra changrou nimak, heiya Thangmunra klei kaiyei Pawaei kningya hilthungei lhoutou thimi raptomni changrou.

MATTHEW 7:24

“Heiyanungri, hukhatne Keiyei kyunya mayekloubi heiyei hilthungne lhoutou thimi heiri, thlungshim dourei cheem sabaangkur mukhei thiminaksi.

LUKE 11:28

Heiya Jesu'ne loumallang, “Heinung tlimri, Dunpuei kyunya ninglhakbine heiyei hilthung thimi rapri kounakkei nungkngai hoirouwo!”

JOHN 13:17

Asinungri nane chim heiya muwurla, heirou chim heiwaya lhou khoine touthutlanungri nanungei kounakei nungkngai hoirouwo!

JOHN 14:21

Huhune Keiyei chaylamya loulhakbi heirou heiyei hilya chanthungbi klei thimi heiri, Keiya malungshi thimi. Huhune Keiya malungshi thimi heiya Pawanekhi malungshipilei. Heirou Keinekhi aya malungshirou, heitoubi Keihakpane anungei muyerpirou.”

EPHESIA 4:29

Lhangaimak tlouborh rapya yrengchamak, heinung'tlimri lhangai karsukei tlou rapyatom yunbine, loukning thimi rapbei ka'kna kheen hungeinung yane ninglhakbi, yai chaanya sabaangnarou.

KHNUITLUNG CHAY 29:8

Heitoubi kani yairamya luklouheibi, heitoubi Reuben raple, Gadyei thimirap heirou Manassia cheemkhur lhang'khatdei thimi rapnungei yul dananungei silpikur.”

KHNUITLUNG CHAY 29:9

“Ngam heineri, mardingrilnei tloulhang rapya baimakni ngaknanungei mukheini lhou toulak; heiyanungri naiyei lhoutouna bi kantangra pungshan hoirou.

KHNUITLUNG CHAY 30:14

Heiya Chaylamrap heiri naipongra knakni leilei; tloulhangrap heiri nai murpalra, heirou nai ukningra leilei; ngam heineri heirapya nani baimakni ngaakrou da.”

KHNUITLUNG CHAY 31:11

heirou Israellei thimirap nammani Aiyei khalthutpirou kyou bira naiyei Dunpu UMPUei maibongra wakartilyeinung, Israellei thimirap namyerwaei maibongra mayekyer'nungei pathutpirou da.

KHNUITLUNG CHAY 31:24

Heirouri asitoubi hungthukkura, Mosesne ayillei tloulhang rapya lailik khat khoini mayethutbi luilhakur heirouri;

KHNUITLUNG CHAY 5:1

Heirouri Moses'ne Israellei thimirap nammaya ungmallongbi, yanungei asitoubi shun: “O Israelrap, angtu keine nai mayekthungnungei shunpikur kulyomyei youkna lammit raple Puwatlhouei youkna lammitrap nammaya khminni louninglak; heitoubi heirapya nani marnobi heirou mukheini lhoutoubi baimakni ngaaklak.

KHNUITLUNG CHAY 5:29

Oh, yai ukningra heinaksiya khoubini, Keiya chi-kanchunle kalhonni, heirou kheenserou Keiyei Chaylam rapya baimakni ngaakbi leiyanungri, yanungeikhi heirou yaiyei yu-cha rapbei chaanroukhi klui naimakni nungkngai hoirou!

KHNUITLUNG CHAY 5:32

“Ngam heineri, UMPU naiyei Dunpune nanungei chay pikur lhou rapya touyeinung nani mukheini tourou da; heirou nani thya lhangra nimanung thyoi lhangrakhi kallekthut'nungei yamakrou.

COLOSSIA 3:16

Heitoubi nane khatle khat shunmaturilyeinung, ukning thoubaangrilyeinung, heirou nane laa shayeinung, sheiputhee toubi kanyerreinung, heirou Dunpuya mathangna laa shayeinung, kheenserou nai ukningra Christaei shingkhei tlou rapne thimkur hoiniyasu.

JOSHUA 1:7

Neiyei ukningyatom khrilchetni krak hoilak, heitoubi mantrangalo; heirou Keiyei ruishik Mosesne neinungei shunpiwurkhou chaylamrap nammaya mukheini ngakbini chanthunglak; heirap'rouwei thya lhangrakhi heirou thyoi lhangrakhi kallekthutdurmak; heiyanungri neiyei chana-hungna bi kantangra likarsui lhangai hoirou.

JOSHUA 8:34

Heihillouri Moses'yei Ayil Lailikrei mayelhakkur hilthungni, Ayillei tloulhangrap nammaya, phoryei tloukhi heirou manchonei tlou rapkhi pathutkur.

KANRETHUTPI 22:14

Heitoubi yai shambya marthingni mathaikur thimi rapri nungkngai hoirou, heitoubi yane khring chaanyei heengtrungrei heiya chapharou, heirou khukarthillei palthungra wachangpharou.