JOSHUA 1:7 - KHYINGEI PU'TLOU Bible (BSI)

⁷ Neiyei ukningyatom khrilchetni krak hoilak, heitoubi mantrangalo; heirou Keiyei ruishik Mosesne neinungei shunpiwurkhou chaylamrap nammaya mukheini ngakbini chanthunglak; heirap'rouwei thya lhangrakhi heirou thyoi lhangrakhi kallekthutdurmak; heiyanungri neiyei chana-hungna bi kantangra likarsui lhangai hoirou.

JOSHUA 1:7 Iomraidhean Croise

1 KRUNGRAP 2:2

“Keiri tlaipangpallei chanungei lhoulamrap namma chawurkhoula; heineri neimalung khringne, napawa thukni lhoutoulak.

1 KRUNGRAP 2:3

Neiyei Dunpu, Umpuei kyun tlouya hil chanthunglak; heitoubi Aiyei Chaylamya baimakne chalak; heitoubi Moses'yei Chaylamrei mayelhakkur lammit rapya, Puwatlhouei lammit rapya, heirou kulyom lammit rapya khathakhi tatkartlikmakne chanthunglak. Heiyanungri neiyei lhoutouna kantangra, heirou neiyei chana lam kantangra karsukna hoirou.

2 KRUNGRAP 22:2

Heirou ane aiyei pawa David'yei chakhouna lamra chanthungbine, Umpuei mithrilnara lhangaiya toukhou, heitoubi ari thyoirakhi, heirou thyarakhi kallekthut'khoumak.

1 CHAANLAM 22:13

Heiyanungri, kounakpi Umpune Israellei ngamrou Moses'nungei piwurkhou youkna lammit raple, Aiyei raallui rapya mukheine ngaakbine khoulanungri, neinungei tangbaang-choubaangrou. Heineri, ukningra krakni chimakneya, heirou lhawai lahmakneya.

2 CHAANLAM 15:7

Heiya nari, malung kandupmakne, krakne heirou malungringni leiyalo; kouweiyo toulanungri naiyei touwurkhou lhourap heinung'tlim klah'man phanungei leileime!”

2 CHAANLAM 26:5

Heirou Zechariah'ne ringyei kheenrou ani Uzziah'ya shunmtupinei ngamrou, ane Umpuya chi-rikraini Puwatlhou toukhou; heirou ane Umpuya raphakhounei ngamrou, Dunpune aya lung punyerpikur.

JOB 1:8

Heirou Umpune Satanya shun, “Nangri Keiyei shok Job'ya shak muleiya? Kouweiyo toulanungri tlaipang doura anaksi lhangai, tharmu chim, heirou Dunpuya chini chabi, lhangaimak lhourouwei mai kallekthutkur thimiri dei hukhatkhi mak.”

LAA LAILIK 80:19

Kaya hanui kallengne ruimallengpithulaklo, O Mane-mantrangei Dunpu. Neiyei kringpikhei heiya kanungei mutpilaklo, heitoubi kaya kalpilaklo.

PARMAL 4:27

Lhangaimak lhou rapya lakurkhoubine tharmu chimmei lamra wachangnanungei toulak. Heitoubi tharmu chimmei lam'rouwei neiyei hokar tatkartlikbi thyara nimanung thyoi lhangrakhi karlhakmaknungei muheiyalo.

PARMAL 8:20

Tharmuchim thimi rapbei chana lam heiwari keiyei, heirou keine tharmu chimmei lamra chalei.

DANIEL 10:19

Heirouri ani keiya shun, “Malungshipiya phakur thimi nangri chimaklo! Neidoura kying hoiniyasu! Ukningra rakkalo!” Heirou ani heisi yunkurle tallengni, keiyei mantrang phawurthu, heitoubi keine kyun, “Keiyei Pu Upawane keinungei shunpilaklo, kouweiyo toulanungri keiri mantrang phawurthulame.”

MSHING KANSHER 27:23

Heitoubi ani Joshua'yei ludoura aihut khoupibi, UMPUne Moses'nung shunpikur tlou rapbei hilthungni aya Puwatlhou tounanungei watyilkur.

KHNUITLUNG CHAY 11:8

“Ngam heineri, angtu keiyei shunmatupikur Chaylamrap nammaya nani baimakni ngaaklak, heiyanungri nani mantrang kleini Jordan kung heiralthutbi naiyei paalnanungei ram heiwara wachangbi yuldachangrou.

KHNUITLUNG CHAY 12:32

“Keine nanungei chay pibini shunmatupikur tloulhang rapya nani mukheini chanthungbini lhou tourou da; heirapbei doura nani lhakbangnungkhi yamakrou, heirou heirapya louthutdurnungeikhi yamakrou.”

KHNUITLUNG CHAY 28:14

Ngam heineri angtu tlainirou keine nanungei shunpikur Chaylamyei tloulhang khatchatomkhi lakkhoubini, thya lhangra nimanung thyoi lhangra kallekthutdurbi thrai dei rapbei hilla chanthungnung yamakrou.”

KHNUITLUNG CHAY 29:8

Heitoubi kani yairamya luklouheibi, heitoubi Reuben raple, Gadyei thimirap heirou Manassia cheemkhur lhang'khatdei thimi rapnungei yul dananungei silpikur.”

KHNUITLUNG CHAY 29:9

“Ngam heineri, mardingrilnei tloulhang rapya baimakni ngaknanungei mukheini lhou toulak; heiyanungri naiyei lhoutouna bi kantangra pungshan hoirou.

KHNUITLUNG CHAY 31:7

Heirouri Mosesne Joshua'ya wa'ungyerbi, heitoubi Israelrap nammaei maibongra anungei shun: “Neiyei ukning mantrangni, heirou krakni toulak; kouweiyo toulanungri, nangni thimirap heile kalhonni chabini, heitoubi UMPUne yaiyei patar rapnungei piroume toubine kantompiwurkhou ramra heiruilhakpilak; heitoubi nangni yanungei ram heiwaya yerkhaipilak.

KHNUITLUNG CHAY 4:2

Keine nanungei shunmatupikur Chaylam rapya lhakbaangnungkhi yamakrou, heitoubi heirouwei louthutnungkhi yamakrou. Heineri, nanungei keiyei shunmatukur naiyei Dunpu UMPUei Chaylamrap heiwaya baimakni chanthungrou da.”

KHNUITLUNG CHAY 5:32

“Ngam heineri, UMPU naiyei Dunpune nanungei chay pikur lhou rapya touyeinung nani mukheini tourou da; heirou nani thya lhangra nimanung thyoi lhangrakhi kallekthut'nungei yamakrou.

JOSHUA 1:1

Asinungri asitoubine hungthukura, touri Umpuei ruishik Moses hikur hillouri, Umpune Moses'yei putruiwa, Nun'yei chanapawa Joshua'nungei atoubi shun:

JOSHUA 1:8

Ayillei lailik awari neiyei murrouwei karkhaiwurnungei yamakrou; heiya nangni heirapya msa-nunghang naimakni khalbini leirou da; heiyanungri nangni heirouwei mayelhakkur nammaya mukheini chanthungbi lhou toulanungri, neinungei tangbang-choubangkna hoirou.

JOSHUA 1:9

Neinungei Keine chay piwurkhou nimakka? Neiyei ukningra krakni mantranglak; heitoubi chiwurbi neimalung kanchunmak! Kouweiyo toulanungri, neiyei Dunpu, Umpune neiyei chana-hungna bi kantangra kalhonpilei.”

JOSHUA 11:15

Umpune Aiyei shikrui Moses'ya chay piwurkhou heinakrimni, Moses'nekhi Joshuaya chay piwurkhou; heisitoubi Joshua'nekhi heiyei hilthungni lhou toukur; heisitoubi Joshua'ne, Umpune Moses'nung chay piwurkhou lhourap namyerwaya hathakhi lhou khoini touthutmakni horkhoumak.

JOSHUA 23:6

Heirouri nani ukningra krakni toubine, Moses'yei chaylam Lailikrei mayelhakkur tloulamrap nammaya baimaknanungei mukheine lhou toulak, heiyanungri nani heirouwei thya lhangra, nimanung thyoi lhangra kallekthutdur'makrou.