JOSHUA 1:6 - KHYINGEI PU'TLOU Bible (BSI)

⁶ Neiyei ukningra krakni mantranglaklo, kouweiyo toulanungri, Keine yai patar rapbei bira yanungei piroume toubine kantompiwurkhou ram heiwaya nangni thimi rapbei paalnanungei yanungei yerkhaipirou da.

JOSHUA 1:6 Iomraidhean Croise

KANTHOUNA 12:7

Kheen heirou Umpune Abram'nungei muyerbi loushun, “Neiyei yu-cha rapnungei Keine ram awaya pirou.” Heirou ani ram heitamrou anungei muyerpikur Umpunungei khrahpal khat sabaangpikur.

KANTHOUNA 26:3

Heitoubi ram heirou ramtaangbini heisi yukleilaka, ngamri Keine neiya kalhonpirou, heitoubi neiya phor pirou, neinungeikhi heirou neiyei chanao rapnungeikhi phor pirou; heitoubi Keine ram awaya neinungei namma pirouwa; heitoubi Keine neipa Abraham'nungei kantompikur tlourap nammaya tlungyerpirou.

2 SAMUEL 10:12

Chimakne ukningra raangalo! Kouweiyo toulanungri, kani kaiyei thimi rapnung'tlim, heirou kaiyei Dunpuei Krungkulnung'tlim kani krakni raal kardourillou da; heirou Umpune Aiyei mit'thrilnara lhangairoume touya heisi toupilaksu.”

1 KRUNGRAP 2:2

“Keiri tlaipangpallei chanungei lhoulamrap namma chawurkhoula; heineri neimalung khringne, napawa thukni lhoutoulak.

1 CHAANLAM 22:13

Heiyanungri, kounakpi Umpune Israellei ngamrou Moses'nungei piwurkhou youkna lammit raple, Aiyei raallui rapya mukheine ngaakbine khoulanungri, neinungei tangbaang-choubaangrou. Heineri, ukningra krakni chimakneya, heirou lhawai lahmakneya.

1 CHAANLAM 28:10

Heineri asinungri nangne ukrei tlou khoine loubine lhou toulaka; kouweiyo toulanungri, Umpune neiyari Aiyei Khying Pucheemya sabaangnanungei khalthutdurla; heineri neiyei ukningra krakni heirou chimakne lhou toulaklo.”

1 CHAANLAM 28:20

Heirouri David'ne aiyei chanapawa Solomon'ya shun, “Ukningra chimakne, krakni lhou toulak; heitoubi neiyei ukningra chiwurbi hil karshonwurmak; kouweiyo toulanungri, keiyei Dunpu, Umpune neiya kalhonpilei. Ngamri Umpuei Pucheem sabaangnei watlhourap nammaya luilhakbangyen Ane neiya horkhouwurmakrou, heirou khingkhi khingurkhoumakrou.

2 CHAANLAM 15:7

Heiya nari, malung kandupmakne, krakne heirou malungringni leiyalo; kouweiyo toulanungri naiyei touwurkhou lhourap heinung'tlim klah'man phanungei leileime!”

2 CHAANLAM 20:11

thilak, asinungri, yane kousitoubi kaya marhotbi, Neiyei kanungei palnaram khoine piwurkhouna birouwei hulthutbi klah dayernanungei touwurlame touri yukmupilaklo.

2 CHAANLAM 20:7

O keiyei Pu Dunpu, ram arou louklei Lim rapya Neithimi Israel rapbei maibongrei Nangne hulthutloukur nimakeiko? Heitoubi ram heiwaya Neipalui Abrahamei yu-cha rapnungei piwurkhou nimakeiko?

LAA LAILIK 27:14

Umpuya uklumne karngeilaklo; Lhawai lamakne uklumya mantrangyerlaklo. Heitoubi Umpuyatom malungamne karngeilaklo.

DANIEL 10:19

Heirouri ani keiya shun, “Malungshipiya phakur thimi nangri chimaklo! Neidoura kying hoiniyasu! Ukningra rakkalo!” Heirou ani heisi yunkurle tallengni, keiyei mantrang phawurthu, heitoubi keine kyun, “Keiyei Pu Upawane keinungei shunpilaklo, kouweiyo toulanungri keiri mantrang phawurthulame.”

HAGGAI 2:4

Heiya asinungri, O Zerubbabel, neiyei ukning krak hoilaklo,” toubi Umpune shunlei; “heirou neiyei lhawai kyaoni toulaklo, O Josedech'yei chanapawa, Suipipu upawa Joshua, heirou ram arouwei thimirap na nammakhi ukningra krakni lhou toulaklo, toubi Umpune shunleime; kouweiyo toulanungri, Keine naya kalhonpileime.” toubi Thangwan-Shimleiyei Pu Umpune shunlei.

ZECHARIAH 8:9

Thangwan-Shimleiyei Pu Umpune shunlei: “Thangwan-Shimleiyei Pu Umpuei Pucheem cheemmun thulbangniyei waiyoubine Thimkhui rapbei murrouwei Pu'tlou rapya mayekthungkur thimirap na nammane Pucheemya sabaang manenanungei hut mantrangyerlaklo.

MSHING KANSHER 26:53

“Asitoubine thimi rapnung yaiyei minlam kansherkur thimi mshingrap hilthungni, yaiyei paalnanungei ramya yanungei yerkhaipirou da.

MSHING KANSHER 33:53

Heirou nani bi'heirou yuldabi louklei thimi rapya hulthutloubini, nani yuldabi paalrou da; kouweiyo toulanungri, Keine ram heiwaya naiyei yul dananungei piwurla.

1 CORINTHIA 16:13

Nane mukheine, heitoubi uklumya chetne khoubi, krakne mayungbi leiyalo.

EPHESIA 6:10

Luiwairou, naiyei krak heiri Pule kalhonbine Aiyei mantrang heirouei sabaanglak.

KHNUITLUNG CHAY 1:21

Thilak, UMPU naiyei Dunpune ram heiwari nai maibongra tlathutbini khouwurla; wachanglaka, heitoubi ram heiwaya naiyei patar rapbei Dunpu UMPUne nanungei shunpikur heinakrimni nani ramkalbi yuldalaka, nani koukhi chimak, heirou ukningkhi kanthritdurmak.’

KHNUITLUNG CHAY 1:8

Thilak, ram heiwari Keine nai maibongra marshikbini khoupiwurla; UMPUne naiyei patar'rap Abraham, Isaac, heirou Jacob'nungei heirou yaiyei yu-cha rapnungei piroume toubine kantompiwurkhou ram heirou nani wachangbini ram kallaka.”

KHNUITLUNG CHAY 11:8

“Ngam heineri, angtu keiyei shunmatupikur Chaylamrap nammaya nani baimakni ngaaklak, heiyanungri nani mantrang kleini Jordan kung heiralthutbi naiyei paalnanungei ram heiwara wachangbi yuldachangrou.

KHNUITLUNG CHAY 31:23

Heirouri UMPUne Nun'yei chanapawa Joshuaya watyilbini shun: “Ukningra krakni mantrangalo, kouweiyo toulanungri, nangni Israellei douwa rapya Keine yanungei mardingpikhouna ramra ruilhakpilak, ngamri Keine neiya kalhonpirou.”

2 TIMOTHY 2:1

Ngam heineri keiyei chanapawa, kaiyei Christa Jesu'rei klei kringpi kheiyei ngamne nangne mantrang phakur hoiniyasu.

JOSHUA 1:18

Neiyei chaytlouya karhani lhoutou thimiri, heirou neiyei anungei chay pikur tlou rapya chanthungmak thimi heiyari hatrou da; heirou neiyei ukningyatom krakni mantranga!”

JOSHUA 1:7

Neiyei ukningyatom khrilchetni krak hoilak, heitoubi mantrangalo; heirou Keiyei ruishik Mosesne neinungei shunpiwurkhou chaylamrap nammaya mukheini ngakbini chanthunglak; heirap'rouwei thya lhangrakhi heirou thyoi lhangrakhi kallekthutdurmak; heiyanungri neiyei chana-hungna bi kantangra likarsui lhangai hoirou.

JOSHUA 1:9

Neinungei Keine chay piwurkhou nimakka? Neiyei ukningra krakni mantranglak; heitoubi chiwurbi neimalung kanchunmak! Kouweiyo toulanungri, neiyei Dunpu, Umpune neiyei chana-hungna bi kantangra kalhonpilei.”

JOSHUA 10:25

Heirouri Joshua'ne yanung shun: “Nari chimak, heirou nai lhawaikhi lahwurmak! Nai ukning krakni mantrangalo; kouweiyo toulanungri, nai kardourillou kyou yeekna thimirap nammanungei Umpune heinakbilni lhou toupirou.”

JOSHUA 13:6

Lhungdou ramrei klei Lebanon rouweini Misrephoth-Maim waphani paalbi klei Sidonia'rap nammaya Keine Israel rapbei maibongrouwei hulthutlouchirou; heitoubi Keine neinungei chay piwurkhou hilthungni yanungei paalnaram khoini pirouwa.

JOSHUA 18:3

Heitounei Joshuane Israel chanao rapya shun: “Nai patar rapbei Dunpu, Umpune nanungei piwurkhou ram heiwaya nani ram kalnanungei wachangmakni kounak tlani leiheirouwo?

JOSHUA 21:43

Heisitoubi Umpune Israel rapbei patar rapnungei piroume toubi kantompikur ram rapya yanungei piwurbi, heitoubi yani heiyei rilla ram kalbini yuldabi paalkur.

JOSHUA 5:6

Heirouri Israellei chanao rapni ramthingra kum somlibil ranchakhouyeinung, Egyptrei hoyoubi shalthutkur raalluira yaochangkur napawarap namma, yani Umpuei houya ninglhakmaknei ngamrou, Umpune kanungei piroume toubi yaiyei patar rapnungei kantompiwurkhou nuyuile khuining channa ram heiwaya Ane yanungei muyerkhoumakni ya namma hitumkur.

1 SAMUEL 4:9

Chimaklo, O Philistia thimirap; lhouwa thukni krakni leiyalo; heinimanungri Hebrewa rapni kaiyei shok hoikhou heinaksini nakhi yaiyei shok khoini leirouwame. Ngam heineri lhouwa thukni krakni leiyalo!”