JOSHUA 1:5 - KHYINGEI PU'TLOU Bible (BSI)

⁵ Heitoubi neiyei chaan khatrekrou thimi hukhatnikhi neimaibongra maironi mayungchangmakrou. Keine Moses'ya kalhonpikhou heinaksini, neiyakhi Keine kalhonpirou; Keine neiya lakkhoumakrou.

JOSHUA 1:5 Iomraidhean Croise

KANTHOUNA 39:2

Heirou Umpune Josephya kalhonpikur, heirou a heiri likarsuina thimi khat khoini aiyei Egyptbei pu upawaei cheemra leikur.

1 KRUNGRAP 1:37

Umpune keiyei upawa Krungya kalhonpikhou heinaksine, Ane Solomon'yakhi heisibil kalhonpikur hoiniyasu, heitoubi aiyei Krungbom heiwakhi keiyei upawa Krung David'yei Krungbomya duinekhi tangbangyerlaksu!”

1 KRUNGRAP 11:38

Heirouri kounakpi nangne Keishik David'ne chakhounaksine, Keine neinungei piwurkhou chaylam rapya, heirou Keiyei Puwatlhouwei lammit rapya, heirou Kulyomei youkna lammit rapya namma ninglhakbine, heitoubi Keiyei mit'thrilna maibongra heirapya chanthunglanungri, Keine neiya kalhonpirou; heitoubi Keine David'ya sheembaangpikur heinaksine, Keine neiyei Krungbomya klui naimakne phunbaangpirou; heitoubi Keine Israel rapya neinungei pirou.

1 KRUNGRAP 6:13

Heitoubi Keine Israellei chanao rapbei hangra leiphabpirou, heirou Keiyei thimi Israel rapya Keine khingurkhoumakrou.”

1 KRUNGRAP 8:57

Kaiyei Dunpu, Umpune kaiyei patar rapya kalhonpikhou heinakrimne, Ane kai dourakhi kalhonpi hoiniyasu; heitoubi Ane kaya lakkurkhoubi horkhoukur toupimakneyasu;

1 CHAANLAM 28:20

Heirouri David'ne aiyei chanapawa Solomon'ya shun, “Ukningra chimakne, krakni lhou toulak; heitoubi neiyei ukningra chiwurbi hil karshonwurmak; kouweiyo toulanungri, keiyei Dunpu, Umpune neiya kalhonpilei. Ngamri Umpuei Pucheem sabaangnei watlhourap nammaya luilhakbangyen Ane neiya horkhouwurmakrou, heirou khingkhi khingurkhoumakrou.

LAA LAILIK 46:11

Mane-thang'al Umpuri kaya kalhonpilei; Jacobei Dunpu heiri kaiyei kallena bom hoilei.

HOYOUNA 3:12

Heirou Ane loushun, “Keine tanghakpani neiya kalhonpirou; heirou Keine neiya watkyilme toubi munanungnei hutlhari awane hoilaksu, touri nangni Israel rapya Egypt'rouwei yenruithutbi, Lhungdou atamrou nani Dunpuya khrumbini watlhou toulaklo.”

ISAIAH 42:16

Mitdeo thimi rapya yai mukhoumakna lamra Keine ruichapirouwa; heirou yai chakhoumakna holamra Keine yaya ruilhakpirouwa. Keine kmehya yai maibongra kwaar holyerpirou, heitoubi thuithikur lamtlunya yanungei mallopibi tousempirou. Anaksi lhou rapya Keine yanungei toupikhoumakni horkhoumakrou.

JEREMIAH 1:8

Ya hukhatyakhi chimakrou da. Kouweiyo toulanungri neiya kalthutpinanungei Keine neiya kalhonpileime,” toubi Umpune yunlei.

DANIEL 11:16

Heiya aidoura karhani raal wadakur thimini aiyei kning hilthungni lhou tourouwa, heirouri hunikhi aiyei maibongra loumayung'changmakrou. Heirou ani lhangaikur Israellei ramra aihoni trumphopbine aiyei mangyerkna hutni ram karyouni kulchalbine paallou.

MATTHEW 28:20

heitoubi Keine nanungei chay pikur namyerwa heiya hilthungnanungei yanungei shunmatupilak; heirou thilak, Keine naya kheenserrou, tlaipang trimbongyen kalhonpirou.”

ROMIA 8:31

Lhou namma heiyei doura kane kouya yunserou? Dunpune kaiyei hoiyanungri, kaya manerouri hu leilei?

ROMIA 8:37

Nimakme, kaya malungshipikur Aiyei ngamrou kane heinaksi nammaya yenmaneheila.

KHNUITLUNG CHAY 20:1

“Nane yeekna thimi rapbei maibongra karhani raal kardourillou chayei kheenrou, nayakhi mshing chungdui yaiyei sapuk raple, sapuk kaarirap heirou howei raalluirap heiwaya muwurbi nani chiwurmak, kouweiyo toulanungri, naya Egypt ram'rouwei ruithutloukur naiyei Dunpu UMPU heiri nakou kalhonpilei.

KHNUITLUNG CHAY 20:4

Kouweiyo toulanungri, UMPU naiyei Dunpune naya kalhonpibi, heirou Ane naya raal maniyernanungei, nanung'tlim Ane naiyei yeekna thimi rapya raal kardourilpileime.’

KHNUITLUNG CHAY 31:23

Heirouri UMPUne Nun'yei chanapawa Joshuaya watyilbini shun: “Ukningra krakni mantrangalo, kouweiyo toulanungri, nangni Israellei douwa rapya Keine yanungei mardingpikhouna ramra ruilhakpilak, ngamri Keine neiya kalhonpirou.”

KHNUITLUNG CHAY 4:31

Kouweiyo toulanungri, naiyei Dunpu UMPUri kringpikhei Dunpume, nayari Ane lakkhoupimakrou; mangkhi mangyerpimakrou; heirou Ane naiyei patar raple mardingrilkur tlou kantom rapkhi malumwurpimakrou.

KHNUITLUNG CHAY 7:24

Heirouri Ane yaiyei krung rapya naihutra pilhakrou; heitoubi nani yaiyei min rapya tlaipang dourouwei mangyerrou; heirouri nani yaya tlumni mangyerchi bongyen nai maibongrari hunikhi loumayungchang'makrou.

2 TIMOTHY 4:17

Heiya Dunpune keinungei kalhobpibi heitoubi keiya mantrangyerkur, heitounei ngammei keine Lhangai Pao-laaya shunthutpiwurbi Gentile rapya mayekyerkur.

HEBREWA 13:5

Naiyei rongchan heiri tuy maduphana'rouwei tlatni leiyerlak, heirou naiyei klei heicharou kropil hoilak. Ngamri Dunpune yunpila, “Keine neiya kouniroukhi lakhoumakrou, heirou Keine neiya kouniroukhi kwatsam leiyermakrou.”

JOSHUA 1:17

Lhoulam kantangrou kani Moses'yei shunya hil-chanthungkhou heinaksini, kani neiyei shunya chanthungrouwa; Umpune Moses'ya kalhonpikur heinaksini neiyei Dunpu, Umpune neiyakhi kalhonpilaksu.

JOSHUA 1:9

Neinungei Keine chay piwurkhou nimakka? Neiyei ukningra krakni mantranglak; heitoubi chiwurbi neimalung kanchunmak! Kouweiyo toulanungri, neiyei Dunpu, Umpune neiyei chana-hungna bi kantangra kalhonpilei.”

JOSHUA 10:8

Heirouri Umpune Joshua'nung shun: “Yayari chimak, kouweiyo toulanungri, yayari Keine neihutra pilhakurla; yari hukhatkhi nai maibongra loumayungchangmakrou.”

JOSHUA 21:44

Heisitoubi Umpune yaiyei patar rapnungei kantompikur hilthungni yaiyei paalna rambi kantangrou kouraal khatkhi leiyermakni kyingni mathrilyerkur; heitoubi yaiyei yeekna hu lim khatnikhi yai maibongra karhani mayungchangmakur, ngamri Umpune yaiyei yeekna thimirap nammaya yaihutra dayerkur.

JOSHUA 3:7

Heirouri Umpune Joshuaya shun: “Angtu tlainirou Keine neiyari Israel rapbei mit'thrilnara chouni mathumbangrouwa; heiyanungri yani murouwa touri Keine Moses'ya kalhonpikhou heinaksini Keine neiyakhi kalhonpirou.

JOSHUA 6:27

Heisitoubi Umpune Joshua'ya kalhonpikur, heirou aiyei min heiwari ram karyouni mayekrilkur.

PICHAR PURAP 2:18

Heiya Umpune yanungei Picharpu'rap thukyerbi, heirou Umpune Picharpu rapya kalhonpikur, heitoubi Picharpu rapbei chaan khatrekrou yeekna thimi rapbei hutrouwei yaya kalthutpikur; kouweiyo toulanungri, Israel rapya marhotdurnei klah-mrimni ungraochanei houya mayeknarouri Umpune yaya kringpikur.

PICHAR PURAP 6:16

Heiya Umpune aya shun, “Tanghakpani Keine neiya kalhonpirou, heitoubi nangni Midian rapyari thimi napung khatya manikur heinaksini maniroume.”

1 SAMUEL 10:7

Heitoubi heinaksi hutlharap heine neinungei chimni hungthukanungri, neihutni churkarthangkur lhou rapya heisi toulaka, ngamri Umpune neiya kalhonpilei.