JOSHUA 1:4 - KHYINGEI PU'TLOU Bible (BSI)

⁴ Ramthingei khate lhang'rouweini khalu lhangrani Lebanon kaphani, heirou Samadru'tang heirouweini Euphrate Kungtang wa'tlungni, Hittia rapbei ram nammakhi, heirou Kulrel lhangei Samadru'tang waphani naiyei ram rikarchunna hoiyerrouwa.

JOSHUA 1:4 Iomraidhean Croise

1 KRUNGRAP 10:29

Heitoubi aiyei sapuk kaari rapkhi khat-khatrou kushan tuy shekel machathruk'thruk pibine, heirou sapuk khat-khatrou shekel machale somnga-nga pibine Egypt'rei lobine yentheilhakkur; heitoubi aiyei lal'hol thimi rapne heirapya hanuikhi Hittiayei heirou Syria'yei Krung rapnungei urthutloubi heinakrim yorlhakwurthu.

1 KRUNGRAP 4:21

Heirou asinungri Solomon'ne Krung khoine Euphrate Kungrei waiyoubine Philistia rapbei ram nammakhi Egypt'le ram ri'karchunrilni ram nammaei doura paalkhou; heisitoubi ani thrungleiyenri thimi rapne anungei ruiput kat-hakur, heitoubi aya watlhou toupikur.

1 CHAANLAM 18:3

Heirou David'ne aiyei Krungramya Euphrate Kung kralni phunbaangna'nungei raal cha'yeinung Zobah'yei Krung Hadadezer'yakhi ane raal manewurbi, Hamath waphane loulhakkur.

1 CHAANLAM 5:9

Heitoubi kulkung lhangrane Euphrate Kung heirouweine Ramthingei maishukbil waphane paalkhou; ngamri yaiyei ui-waarap heirou halrul-yaorulrap heiri chungachaknei ngamrou Gilead ramra bil-thimmura.

EZRA 4:20

Heitoubi hutmantrang Krung rapne Jerusalem'ra pu khoine thrungkhoubi, Euphrate Kungtang kralni klei ram rapyakhi koolphopni paalkhoubi, yane heiyei Krung rapnungei khulruikhi, ruituykhi, heirou cheem-keiyei khul'rui-ram'rui(khasana) rapkhi namma kabine leikhoume touri keine muwurla.

HOYOUNA 23:31

Heirouri Keine nairam heiyei ri karchunna heiwari Mrao Samadru heirouweini Philistia Samadru waphani, heirou Ramthing'rouweini Euphrate Kungtang waphani hoiyerrouwa; kouweiyo toulanungri, ram heirouwei yuldabi louklei thimi rapyari Keine naihutra dayerrouwa; heitoubi nani yaya hulthutdurou.

KHNUITLUNG CHAY 1:7

Asinungri nani ram awaya lakurkhoubini lam tlalaka; heitoubi Amoria'yei Lhungdou ramra wachanga, heirou Arabahyei phaikarrei ramle rikarchunbi klei ram namrakhi, Lhungdou ramrakhi, heirou phaikar nimnarakhi, Negeb lhangra heirou Samadru ruithungrakhi, heirou Canaan'yei ram karyouni heirou Lebanon'rakhi, heirou Euphrate Kung kaphani karyouni chalaka.

KHNUITLUNG CHAY 11:24

Heirou naihoni trumwurna bi kantang heiwari naiyei ram hoirouwa; heitoubi naiyei ram ri-karchunna heiri ramthing rouweini Lebanon wa'tlungrou, heitoubi Euphrate kungtang'rouweini kulrel lhangei Samadru'bil wa'tlungrou.

KHNUITLUNG CHAY 3:25

Jordan Kung heiralbi klei lhangai ram, heirou karyuikna Lhungdou ramle, Lebanon ram heiwari keiya muyerlaklo’ toubi keine buchawurkhou.

KANRETHUTPI 9:14

Hou heine Thangring heiwanungei kyun, “Euphrate kungtangrei phonphopbi khoukur Thangring phalitam heiya malhetthutlaka!”