JOSHUA 1:2 - KHYINGEI PU'TLOU Bible (BSI)

² “Keiyei ruishik Mosesri hiyura, ngam heineri asinung kanthouwalo, heitoubi nangni thimirap heile kalhonni Jordan kungya heiralthutlaka, heitoubi Keine yanungei, touri Israel rapnungei piroukyou ramra wachanglaklo.

JOSHUA 1:2 Iomraidhean Croise

KANTHOUNA 17:8

Heitoubi Keine neinungeikhi heirou neihillei hungrou kyou yu-cha rapnungeikhi, heirou neiyei yenchaheina Canaan'yei ram namma heiya nanungei klui naimakni paalnaram hoinanungei pirouwa; heitoubi Keiri neiyei Dunpu hoirouwa.”

NEHEMIAH 9:23

Heitoubi Nangne yaiyei yu-cha rapya nungthourei sorwa naksine mshing chungyerkur; heitoubi Nangne yaya yai patar rapya wachangbine ram kalnanungei shunpiwurkhou ramra yenruilhakpikur.

JOB 1:8

Heirou Umpune Satanya shun, “Nangri Keiyei shok Job'ya shak muleiya? Kouweiyo toulanungri tlaipang doura anaksi lhangai, tharmu chim, heirou Dunpuya chini chabi, lhangaimak lhourouwei mai kallekthutkur thimiri dei hukhatkhi mak.”

ISAIAH 42:1

Keiyei sabaangpikur Keiyei shikruiya thilak; Ayari Keiyei solungni malungamni khalthutkur, heitoubi Aidoura Keiyei Lhawaiya lhakpikur. Heirou Ane lim rapnungei tharmu chimmei lhouya toupirou.

MSHING KANSHER 12:7

Heiya Keiyei shikrui Mosesri heinaksi nimak, ari Keiyei cheemmaira nam'rouwei malungamna kya thimi khat.

KHNUITLUNG CHAY 3:28

Heiya Joshua'nungei watlhourap namma silnalaka, heitoubi aya ukning thoubangbini mantrangyerlak; kouweiyo toulanungri, ani thimi rapbei maibongra ruipipu khat khoini louchabini, heitoubi neiyei heithrilmurou kyou ram heiyei rilla ani yaya heiruilhakbi yuldabini paalyerrou.’

KHNUITLUNG CHAY 31:7

Heirouri Mosesne Joshua'ya wa'ungyerbi, heitoubi Israelrap nammaei maibongra anungei shun: “Neiyei ukning mantrangni, heirou krakni toulak; kouweiyo toulanungri, nangni thimirap heile kalhonni chabini, heitoubi UMPUne yaiyei patar rapnungei piroume toubine kantompiwurkhou ramra heiruilhakpilak; heitoubi nangni yanungei ram heiwaya yerkhaipilak.

KHNUITLUNG CHAY 34:5

Heisi toubine UMPUei shikrui Moses'ne UMPUei shunpikur tloulhangrap hilthungni, Moabei ramra hilhakur.

JOSHUA 1:1

Asinungri asitoubine hungthukura, touri Umpuei ruishik Moses hikur hillouri, Umpune Moses'yei putruiwa, Nun'yei chanapawa Joshua'nungei atoubi shun:

JOSHUA 1:11

“Rungbom karyouni karwaichabi khulpaolak, heitoubi kulyom rapnungei chay pibini shunpilak: ‘Neineiyei chak-an chamainungei kroni marshiknalak; kouweiyo toulanungri, tlaini khyumniyei rilla nani Jordan kung heiralthutnanungei tourou dawura, heitoubi naiyei Dunpu, Umpune nanungei piroukyou ramra nani wachangbi ram kallou dalei.’ ”