JOSHUA 1:1 - KHYINGEI PU'TLOU Bible (BSI)

¹ Asinungri asitoubine hungthukura, touri Umpuei ruishik Moses hikur hillouri, Umpune Moses'yei putruiwa, Nun'yei chanapawa Joshua'nungei atoubi shun:

JOSHUA 1:1 Iomraidhean Croise

1 KRUNGRAP 19:16

Heitoubi Nimshi'yei chanapawa Jehu'yari Israellei doura Krung khoine shirek teipilaka; heitoubi Abel-mehola'rei Shaphat'yei chanapawa Elisha'yari neiyei rungkhlangra thimkhui khoine nangne shirek teipilaka.

2 KRUNGRAP 3:11

Heiya Jehoshaphat'ne kyun, “Bi atamrou kane Pu'tlou ngaithi kya Umpuei thimkhuiri hukhatkhi makkurako?” Heirouri Israellei Krung Jehoramei shok khatpani loumallangbi kyun, “Shaphatyei chanapawa Elisha'ri bi atamrou kleime; ani Elijah'yei hutdoura yuiding bunsundakhoume.”

NEHEMIAH 8:17

Heisitoubi raalmanbi leikhounarei yenkallengkur kulyomrap nammane khampak matru sabine heitoubi heirapbei rilla kallebi leikur. Israel chanao rapne Nunyei chanapawa Joshuaei chaanrouwei waiyoubine heiniyei tlainiphane heinaksi khampak matru samakne leiwurkhou. Heisitoubi yane beimak hakrao-nungkngaine langthoukur.

HOYOUNA 24:13

Heisitoubi Moses'ne kanthoubi, heirou aiyei putruiwa Joshua'le kalhonni Dunpuei leina Lhungdou'ranung kakakur.

MSHING KANSHER 11:28

Heisi tounarouri Nunyei chanapawa, Joshua, Mosesyei khalthutkur lilkhoi shikrui heiwani kyun: “Keiyei upawa, Moses, yaya bei shundongurlaklo.”

MSHING KANSHER 12:7

Heiya Keiyei shikrui Mosesri heinaksi nimak, ari Keiyei cheemmaira nam'rouwei malungamna kya thimi khat.

MSHING KANSHER 13:16

Yarap heiri Moses'ne Canaan ramya muni thikulnanungei raalmucha khoini malhetkur thimi rapbei minrap. Heirou Moses'ne Nun'yei chanapawa Hoshea'ya Joshua toubine min laikhat thulbini ungpikur.

MSHING KANSHER 13:8

Ephraim cheemkhurrei khoineri, Nunyei chanapawa Hoshea;

LUKE 16:10

Lhoubom mandicha khatrou malungamkna khoine leiyanungri, a heiri lhoubom tangnaroukhi malungamkna hoirou; hukhatne lhoubom mandicha heirou ukning hyingmakne lhou churlanungri, a heiri lhoubom tangnaroukhi ukning hyingne lhouchur manemakrou.

PAOCHA 7:45

Heihillouri kai pawa rapne Pucheem heiwaya yai pawarap'rouwei phathungbi heitoubi yane chungchabine Joshua'le kalhonne chabi heirou yai maibongra louleikri lim rapya Dunpune hulthutdurbi ram heirou paalkur. Heitoubi yane David'yei chaan ramphane paalkhou.

ROMIA 1:1

Dunpune Aiyei Lhangai Pao-laaya shunthutpina'nungei Paocha thimi khat khoine khalthutbi ungpikur, Christa Jesuei shik Paul keirouwei Chethi awaya manthunthunglei.

KHNUITLUNG CHAY 1:38

Neiyei maibongra mayungbi klei Nunyei chanapawa Joshua'ri ramheirou wachangrou. Aya ukning thoubangpilak, ngamri ani Israel rapya ram heitamrou ruilhakbini paalyerrou.

KHNUITLUNG CHAY 31:23

Heirouri UMPUne Nun'yei chanapawa Joshuaya watyilbini shun: “Ukningra krakni mantrangalo, kouweiyo toulanungri, nangni Israellei douwa rapya Keine yanungei mardingpikhouna ramra ruilhakpilak, ngamri Keine neiya kalhonpirou.”

KHNUITLUNG CHAY 31:3

Naiyei Dunpu UMPUne nai maibongra louralthutrou; Ane nai maibongra louklei lim rapya toumangpirou, heitoubi yairam heiwaya nani lukmanirou. Heisitoubi UMPUne shunpikur heinakrimni, Joshua'ne nai maibongra louralthutrou.

KHNUITLUNG CHAY 33:1

Dunpuei shikrui Moses'ne hibongnung Israel cheemkhurrei thimi rapnungei phor shaampinei tlou rapya asitoubi shunkhou:

KHNUITLUNG CHAY 34:12

heirou Israel thimi rapbei maibongrakhi kngak khatdei mantrangei hutni touthutdurkhou hutlharap heirou chi'knaei lhouthukrap nammakhi Mosesne touthutdurkhou heinaksiri thimi dei hukhatnikhi toukhoumakhui.

KHNUITLUNG CHAY 34:5

Heisi toubine UMPUei shikrui Moses'ne UMPUei shunpikur tloulhangrap hilthungni, Moabei ramra hilhakur.

KHNUITLUNG CHAY 34:9

Asinungri Nun'yei chanapawa Joshua'ri Lhawai Khyingei roushingni bil thimmura; ngamri Moses'ne aidoura hut palkhou; heisitoubi Israellei thimi rapni aiyei shunya ninglhakbi, UMPUne Moses'nung chay piwurkhou namma baimakni chanthungbi lhou toukhou.

TITUS 1:1

Dunpuei shik heirou Jesu Christa'yei paocha thimi Paul, Dunpuei khalthutkur thimi rapbei uklum heirou kaiyei shingkheiyei lamra Dunpu'nung chimni leiyerna'nungei,

JAMES 1:1

Dunpuei heirou Pu Jesu Christaei shikrui, James'rouwei karyemnei tlouya tlaipangpal karyouni trukchekkurbi klei Dunpuei thimi rapnung mayepilei.

JOSHUA 1:15

Umpune naiyei teinao rapnungei piwurkhou ramya raal manibi lukbongyen, Umpune naya klah mathrilyernaksini, yanikhi klah mathril phabongyenri raal paangbi kardourillou da. Heiyanungri nani naiyei ramra yenkallengbi, Umpuei shikrui Moses'ne nanungei piwurkhou ram, Jordan kungei kulkung lhangrei klei ramra nani paalrou da.”

JOSHUA 1:2

“Keiyei ruishik Mosesri hiyura, ngam heineri asinung kanthouwalo, heitoubi nangni thimirap heile kalhonni Jordan kungya heiralthutlaka, heitoubi Keine yanungei, touri Israel rapnungei piroukyou ramra wachanglaklo.

JOSHUA 12:6

Heirouri Umpuei shikrui Moses'ne heirou Israel chanao rapni yarapya maniwurbini, heitoubi Umpuei shikrui Moses'ne yaiyei ramrap heiwaya Reuben cheemkhurrei thimi rapnung, Gad'yei cheemkhur heirou Manasseh'yei cheemkhur lhang'khatdei thimi rapnungei yul dana ram khoini yerkhaipikur.

KANRETHUTPI 1:18

Keiri ringbi klei Pu khatme! Keiri hiwurkhou heiya asinungri klui naimakne ringbi leilei. Keiri khiyei dourakhi heirou khi tlaipangei dourakhi mane-mantrang klei.