2 തെശലോനിയര് 1:7 - പുതുവൻ ചേതി

⁷ കറുമമടഞ്ചവേരായാനെ നിങ്കാക്ക് എങ്കെ കൂട്ടത്തിൽ അവൻ അമതിയെ തരുകേം ചെയ്യും.

2 തെശലോനിയര് 1:7 Iomraidhean Croise

മത്തായി 16:27

മനിശൻ മകൻ ഉടയാ തന്താര് മകത്തത്തിൽ ഉടയാ തൂതരും മത്തും വരും; അന്നേരം ഒവ്വൊരാക്കും ഉടവനുടവൻ ചെയ്‌തീക്ക് തകുന്തെ കൂലി കിടയ്‌ക്കും.

മത്തായി 16:28

മനിശൻ മകൻ ഉടയാ രാച്ചത്തിൽ വരിനതെ കാണതുവരേക്ക് ഇന്നിക്കിനവേരാളിൽ ചിലവേരാ ചാകാത്ത് ഒൺ ഏൻ ചത്തിയമാ നിങ്കകാക്ക് ചൊന്നെ.”

മത്തായി 25:31

മനിശൻ മകൻ മകിമയോടെ ഉടയാ തൂതരുകാടും മത്തും വരിനവോളെ, മകത്തമാനെ ഉടയാ കോയിമെ കട്ടിലേൽ അവൻ ഇരുക്കുകേം

മത്തായി 25:41

പിന്നെ അവൻ ഉടയാക്ക് ഇടത്തക്കോട്ടിലവേരാകാൽ, “ചാപ്പം കിടച്ചവേരാളേ, എന്നെ വുട്ടു പിശാശീക്കും അവൻ തൂതരുകാട്ടുക്കും ഒരിയ്‌ക്കി ഇരുക്കിനെ എണ്ണെണ്ണേക്കുമൊള്ളെ തീ നരകത്തുക്ക് പോനിൻ.

മത്തായി 26:64

ഏശു അവൻകാക്ക്, “ഏ, നീ ചൊന്നത് ചരിതാൻ; ഇനിയിരുന്ത് മനിശൻ മകൻ വൻ ചക്കിതി ഒള്ളവനുക്ക് വലത്തക്കോട് ഇരുക്കിനതാം വാനത്തിലെ മഞ്ചികാട്ടുക്ക് മീത്തോട് വരിനതാം നിങ്കെ കാണും ഒൺ ഏൻ നിങ്കകാക്ക് ചൊന്നെ” ഒൺ ചൊല്ലിയെ.

മരുക്കോശ് 14:62

അത്തുക്ക് ഏശു, “ഏ, ഏൻതാൻ മനിശൻ മകൻ മീതിരുക്കിനവൻ വലത്തക്കോട് ഇരുക്കിനതാം വാനത്തിലെ മഞ്ചികാട്ടുക്ക് മീത്തോട് വരിനതാം നിങ്കെ കാണും” ഒണ്ണെ.

മരുക്കോശ് 8:38

തിശനാതെ പാപമെ ചെയ്‌നടക്കിനെ ഇക്കാലത്തിൽ ആരൊണ്ണാലും എന്നാം എൻ വശനങ്കാടാം നിനച്ച് വെക്കപ്പട്ടാ, മീത് ഇരുക്കിനെ എൻ തകപ്പൻ അതികാരത്തോടേം ചക്കിതിയോടേം ചുത്തമാനെ തൂതരും മത്തും വരും. അവ്വോളെ മനിശനായ് വന്തെ ഏനും അവറളെ നിനച്ച് വെക്കമെ നിനയ്‌ക്കും.”

ലൂക്കോശ് 16:25

അത്തുക്ക് അബുറാകാം, “മകനേ, നീ ഉശിരോടിരുന്തെ കാലത്തിൽ നിനക്ക് നൽമേം അതുവോലെ ലാശരുക്ക് തിൻമേം കിടച്ചെ ഒൺ നീ നിനച്ചോകോണും; ഒണ്ണാ ഇപ്പെ അവൻ ഇങ്ക് നിമതി അടേനെ; നീയോ അങ്ക് കറുമമടേനെ.

ലൂക്കോശ് 17:30

മനിശൻ മകൻ വെളിവാനവോളേം അകനതാൻ ആകും.

ഓകന്നാൻ 1:3

എല്ലാം അം വശനത്താലതാൻ ഒണ്ടായത്; അം വശനത്താലയല്ലാതെ ഒണ്ണും ഒണ്ടായ് വന്തതില്ലെ.

ഓകന്നാൻ 1:51

പിന്നേം അവൻ ചൊല്ലിയത്, “ഏൻ ചത്തിയമാ നിങ്കകാക്ക് ചൊന്നത്, മേലോകം തുറന്ത് ഇരുക്കിനതും തെയ്‌വ തൂതരുകാട് മനിശൻ മകൻകാക്ക് ഓറുകേം ഉറങ്കുകേം ചെയ്യിനതാം നിങ്കെ കാണും.”

അപ്പോശ്‌ത്തലര് തെയ്‌വ വേലെ 1:11

അവറകാക്ക്, “കെലീലേലവേരാളേ, നിങ്കെ വാനമെ നോയ്‌ക്കി നിക്കിനത് എന്തുക്ക്? നിങ്കളെ വുട്ടു മേലോകത്തുക്ക് പോയെ ഇം ഏശു മീത്തുക്ക് പോനതെ നിങ്കെ കണ്ടതുവോലയേ അവൻ ഇനീം തിരുമ്പി വരും” ഒൺ ചൊല്ലിയെ.

അപ്പോശ്‌ത്തലര് തെയ്‌വ വേലെ 3:19

അതുനാലെ തെയ്‌വം നിങ്കെ പാപമെ മന്നിക്കിളത്തുക്ക് മനം തിരുമ്പിൻ; അകനയൊണ്ണാ

റോമര് 8:17

നങ്കെ തെയ്‌വ മക്കയാനവോളെ കിരിശ്ത്തുവു കൂട്ടത്തിൽ നാമും അവകാശികയാനതാനേ? അവൻ മകത്തത്തുക്ക് പങ്കാളികയാളത്തുക്കുചൂട്ടി ഏശു ഏത്തെ കറുമംനാലെ നാമും കടന്തു പോകവേണ്ടതാനെ?

1 കൊരിന്തിയര് 3:13

ഒണ്ണാ നായവിതിനാളിൽ ഒരോരുത്തനും ഇത്തിൽ ഏളത്തിൽ വച്ച് വേലെ ചെയ്യെ ഒൺ തീയാലെ വെളിപ്പട്ട് വരുകേം അവറെ എകത്തെ വേലെ ചെയ്യെ ഒൺ തീയാലെ ചോതനെ ചെയ്‌കേം ചെയ്യും.

2 കൊരിന്തിയര് 4:17

തൊപ്പെ നേരത്തുക്കൊള്ളെ ചുറിയെ ചുറിയെ കറുമങ്കാട് എണ്ണെണ്ണേക്കുമൊള്ളതും ചരിയാനതുമാനെ മകിമെ എങ്കാക്ക് കിടയ്‌ക്കിളത്തുക്ക് എങ്കളെ നടത്തികിട്ടേയിരുക്കിനെ; ഇം കറുമങ്കാടക്കാട്ടി വലിയതുതാൻ മകിമെ.

എപേശിയര് 1:2

നങ്കെ തകപ്പൻ തെയ്‌വമും കരുത്താവ് ഏശുകിരിശ്ത്തുവും നിങ്കാക്ക് ഇരക്കമും നിമതീം തരട്ടെ.

കൊലോശിയര് 1:16

എന്തൊണ്ണാ മേലോകത്തിലാകട്ടെ പൂമീലാകട്ടെ കാൺമ്പേക്കാനതാകട്ടെ കാൺമ്പെ കൂടാത്തതാകട്ടെ കോയിമെ കട്ടിലാകട്ടെ രാശ പതവിയാകട്ടെ നായമെ നടത്തിനെ കൂട്ടമാകട്ടെ അതികാരങ്കാടാകട്ടെ എല്ലാതാം അവൻനാലെ പടച്ചെ. അവൻനാലേം അവനുക്കുചൂട്ടീംതാൻ എല്ലാതാം പടച്ചിരുക്കിനത്.

1 തെശലോനിയര് 3:13

ഇകനെ നങ്കെ കരുത്താവാനെ ഏശു അവനിലെ ചുത്തമാനവേരാളും മത്തും ഇനീം വരിനവോളെ നങ്കെ തെയ്‌വമും തകപ്പനുമാനവനുക്ക് മില്ലോട് നിങ്കെ കുറവുനാത്തവേരാളും ചുത്തമാനവേരാളുമായിരുപ്പേക്ക് അവൻ നിങ്കെ ഇതയങ്കാട്ടുക്ക് ചക്കിതിയെ തരട്ടെ.

2 തിമോത്തിയോശ് 2:12

നങ്കെ കറുമമടേനതൊണ്ണാ അവൻ കൂട്ടത്തിൽ അതികാരമെ നടത്തും. നങ്കെ അവനെ പുറിച്ച് ചൊല്ലിയേ അവനും നങ്കളെ പുറിച്ച് ചൊല്ലും.

തീത്തോശ് 2:13

ചുത്തം നാത്തെ പിശപ്പാം ഇം ഉലക ചുകമാം വുട്ട് ഇം ഉലകത്തിൽ തിരിത്തിരമായും നീതിയോടേം തെയ്‌വത്തിലെ ചാമിക്കാറനായും പിശപ്പേക്ക് അം തെയ്‌വ പിന്നിയം നങ്കളെ പടിയ്‌ക്കെ വയ്‌ക്കും.

എബുറായര് 10:27

പകറം തെയ്‌വത്തിലെ നായവിതീലെ പേടീം എതിരാളികളെ ചാമ്പലാക്കിനെ ചരിയാനെ തീ മട്ടുംതാൻ ഒള്ളത്.

എബുറായര് 12:29

നങ്കെ “തെയ്‌വം ചുട്ടു ചാമ്പലാക്കിനെ തീനാവിതാൻ.”

എബുറായര് 4:1

അതുനാലെ അവൻ തപ്പാറുകേൽ കടപ്പേക്ക് ചൊല്ലി വച്ചിരുക്കിനെ വാക്ക് ഇപ്പണും ഇരുക്കിനനാലെ നിങ്കളിൽ ആരുക്കൊണ്ണാലും അത് കിടയാപ്പോയെ ഒൺ വാരാതിരുപ്പേക്ക് നങ്കെ കെവുനമാ ഇരുക്കോണും.

എബുറായര് 4:11

അതുനാലെ ഇശ്‌രവേൽ മക്കെ ചൊല്ലുകേടക്കാട്ടിയതുവോലെ ചൊല്ലുകേടക്കാട്ടി നങ്കളിലാരും അകപ്പട്ടോകാതിരുപ്പേക്ക് നങ്കാക്കും അം തപ്പാറുകേൽ കടക്കേക്ക് ഉശാരെടുക്കാം.

എബുറായര് 4:9

ഏളാമതുനാ തെയ്‌വം തപ്പാറിയതുവോലെ തെയ്‌വത്തിലെ ആളുകേക്കും ഏളാമതുനാ ഒരു തപ്പാറുകെ വരുകേക്ക് പോനെ.

എബുറായര് 9:28

കിരിശ്ത്തുവും അകനയേ കനേമാളുകേലെ പാപമെ നീക്കുകേക്ക് ഒരു തടവെ ആകമായെ. ഇനി പാപമെ ചിമ്പുകേക്കില്ലെ തനക്കുചൂട്ടി കാത്ത് ഇരുക്കിനവേരാക്ക് രച്ചേ കൊടുപ്പേക്ക് അവൻ ഇരണ്ടാമതും വെളിപ്പടും.

1 പത്തിരോശ് 3:22

അകനെ ഉശിരോറി വന്തെ ഏശുകിരിശ്ത്തു മേലോകത്തുക്ക് പോയി തെയ്‌വത്തിലെ വലത്തക്കോട് ഇരുക്കിനെ. അവൻ എല്ലാ തൂതരുകാടാം വാനത്തിലെ എല്ലാ ചക്കിതികാടാം അതികാരങ്കാടാം അതികാരമെ നടത്തിനെ.

2 പത്തിരോശ് 3:7

ഒണ്ണാ തെയ്‌വത്തിലെ അതേ കൽപ്പനേൽ ഇപ്പയൊള്ളെ വാനമാം പൂമിയാം തീയിൽ നാശമാക്കേക്ക് പുറിച്ച് വച്ചിരുക്കിനെ. തെയ്‌വ നമ്പിക്കെ നാത്തെ ആളുകെ നായമെ ഇടുകേം നാശമാക്കുകേം ചെയ്‌കേക്ക് പോനെ നാളേക്കുചൂട്ടി അതുകാടെ പുറിച്ച് വച്ചിരുക്കിനെ.

ഊതാ എളുതിയെ എളുത്ത് 1:7

അതുവോലെ ഉടവനുടവൻ പിരിയത്തുക്കൊള്ളെ എടാൺ എടുപെൺ കിടത്തേം തിശകെട്ടെ കിടത്തേംനുറഞ്ചവേരായായിരുന്തെ ചോതോമാം കോമോറാവാം അത്തുക്ക് ചുത്തുകോടും കിടന്തെ പട്ടണങ്കാടാം നിങ്കെ മറന്തോവാനില്ലെ; അം പട്ടണങ്കാട് തീയിൽ വെന്ത് നാശമായ് തെയ്‌വത്തിലെ നായവിതീലെ എണ്ണെണ്ണേക്കുമാനെ തീയെചൊല്ലിയൊള്ളെ മുൻതാക്കലായ് നിലെ നിക്കികേം ചെയ്യിനെ.

വെളിപ്പാട് 1:7

ഇതി, അവൻ മഞ്ചീൽ ഓറി വരിനെ; എല്ലാരും അവനെ കാണും; അവനെ കുത്തി തൊളിച്ചവേരാകൂടി അവനെ കാണും; പൂമിനാട്ടിലെ എല്ലാ ചാതികാടും അവൻനാലെ കേശും. അന്താൻ, ആമേൻ.

വെളിപ്പാട് 14:10

തെയ്‌വ കോപത്തിലെ പാത്തിരത്തിൽ തണ്ണിയെ കലത്താതെ പകുത്തിരുക്കിനെ കിരുക്ക് തണ്ണിയെ കുടിയ്‌ക്കെ വേണ്ടിയിരുക്കും; ചുത്തമാനെ തൂതരുകാട്ടിലേം കുഞ്ചി ആട്ടിലേം മില്ലോട് തീ കെന്തകത്തിൽ അവന് തണ്ടനെ ഏൽക്കും.

വെളിപ്പാട് 14:13

ഏൻ മേലോകത്തിൽ നുൺ ഒരു ചത്തം കേട്ടെ, അതെന്തൊണ്ണാ, “ഉണ്ണേക്കിരുന്ത് കരുത്താവിൽ ചാനവേരാ ഓകമൊള്ളവേരാതാൻ ഒൺ എളുത്” ഒൺ അത് ചൊല്ലിയെ. “അന്താൻ, അവറെ ചെയ് വന്തെ കടിനമാനെ വേലകാട്ടിൽ നുൺ തപ്പാറിളതിരുക്കിനെ; അവറെ ചെയ്‌തികെ അവറാത്തുക്ക് പുറകോടേ വരിനെ” ഒൺ ആത്തുമാവ് ചൊന്നെ.

വെളിപ്പാട് 20:11

പിന്നെ ഏൻ വൻ വെള്ള കോയിമെ കട്ടിലാം അത്തിൽ ഒരാ ഇരുക്കിനതാം കണ്ടെ; അവനുക്ക് മില്ലോട് നുൺ വാനമും പൂമീം ഓടിമണ്ടിയേയെ; പിന്നെ അതുകാടെ കണ്ടതില്ലെ.

വെളിപ്പാട് 21:4

അവൻ അവറെ കണ്ണിൽ നുൺ കണ്ണീരെ എല്ലാം തുവുത്തൊറീം. അതോഞ്ച് ചാവോ കറുമമോ കോത്തയോ നോകലോ ഇകത്തെ പശേതൊണ്ണും ഒണ്ടാകാത്ത്.”

വെളിപ്പാട് 22:16

ഏശു ഒണ്ണെ ഏൻ ശവകാട്ടുക്കുചൂട്ടി നിങ്കകാൽ ഇതെ ശാച്ചിയമെ ചൊൽവെ എൻ തൂതനെ കടത്തിവുട്ടെ; ഏൻ താവീതിലെ വേരും തലവശിക്കാറനും വെട്ടമൊള്ളതുമാനെ പിലത്താൻ വെള്ളീം താൻ.”

വെളിപ്പാട് 22:6

പിന്നെ തൂതൻ എൻകാൽ, “ഇം വശനം നമ്പുകേക്കാനതും ചത്തിയമും താൻ; പലകപ്പാട്ടുകാറാ ആത്തുമാവുകാട്ടിലെ തെയ്‌വമാനെ കരുത്താവ് വേമായേ നടക്കിളതാനെ കാരിയങ്കാടെ ഉടയാ വേലക്കാറാക്ക് കാട്ടി കൊടുപ്പെ ഉടയാ തൂതനെ കടത്തിവുട്ടെ” ഒൺ ചൊല്ലിയെ.

വെളിപ്പാട് 22:9

ഒണ്ണാ അവൻ എൻകാക്ക്, “ഇല്ലയില്ലെ അകനെ ചെയ്‌വാനില്ലെ; ഏൻ നിന്നിലേം നിൻ കൂട്ടാളികയാനെ പലകപ്പാട്ടുകാറാളിലേം ഇം പൊത്തകത്തിലെ വശനമെ പാലിക്കിനവേരാളിലേം കൂട്ട് വേലക്കാറൻതാൻ; തെയ്‌വമെ മട്ടുംതാൻ കുമ്പിടുവേക്ക്.”

വെളിപ്പാട് 6:11

അമ്പോളെ അവറളിൽ ഒവ്വൊരാക്കും വെളെള നിലെ അങ്കിയെ കൊടുത്തെ; അവറളവോലെ ചാകേക്കിരുക്കിനെ കൂട്ട് വേലക്കാറാളും ഏശുവിൽ നമ്പുനെ കൂട്ടാളികേം വന്ത് എണ്ണം തികേനെ വരേക്ക് കൊഞ്ചെ നേരംകൂടി കാത്ത് ഇരുപ്പേക്ക് ചൊല്ലിയെ.