2 പത്തിരോശ് 3:11 - പുതുവൻ ചേതി

¹¹ ഇകനെ ഇതുകാടു മുച്ചൂടും നാശമായ് മണ്ടിനതുനാലെ നിങ്കെ എകനെ ഒള്ളവേരായായിരുക്കോണും? നിങ്കെ പിശപ്പ് ചുത്തമാനതും തെയ്‌വത്തുക്ക് ഒപ്പണച്ചതും ആയിരുക്കോണും.

2 പത്തിരോശ് 3:11 Iomraidhean Croise

മത്തായി 8:27

അമ്പോളെ അവറയെല്ലാം അരിശുകപ്പട്ട്, “ചെൻ ആര്? കാത്തും അലേം കൂടി ചെൻ ചൊല്ലെ കോക്കിനെ” ഒൺ ചൊല്ലിയെ.

റോമര് 13:11

നങ്കെ മുതെ കിരിശ്ത്തുവെ നമ്പിയവോളെ തെയ്‌വം നങ്കളെ വേമായേ രച്ചിപ്പേക്ക് പോനെ ഒൺ നങ്കെ നമ്പിയെ; ഇപ്പെ അത്തിലും വേമാ അവൻ നങ്കളെ രച്ചിക്കേക്ക് പോനെ ഒൺ നങ്കെ നിനച്ച് മതക്കത്തിൽ ഇരാതെ ആത്തുമീയെ പിശപ്പിൽ ഉണർവ്വ് ഒള്ളവേരാളായ് ഇരിൻ.

റോമര് 13:12

എന്തൊണ്ണാ നങ്കാക്ക് തിക്കിലാതിരുന്തെ കാലത്തിൽ മതക്കം ഒള്ളവേരാവോലതാനെ നങ്കെ ഇരുന്തത്. നങ്കെ ഇപ്പെ അയന്തിരുക്കിനതാനെ? അതുനാലെ നങ്കെ റാവ് ഉറങ്കിനവേരാവോലേം ഇരുട്ടിലൊള്ളെ ചെയ്‌തികയെ ചെയ്യിനവേരാവോലേം ആവാനില്ലെ. പകറം പിലച്ചേക്ക് അയന്തവേരാവോലേം പകലുക്കൊള്ളെ ചെയ്‌തികളെ ചെയ്യിനവേരാളവോലേം ആകോണും.

2 കൊരിന്തിയര് 1:12

ഉലകത്തിൽ നല്ലെ നിലമേൽ താൻ നങ്കെ പിശച്ചത്; എടുത്തു ചൊല്ലിയാ നിങ്കെ ഇടേൽ തെയ്‌വം തന്തെ ചുത്തമോടേം നേരോടേംതാൻ പിശച്ചത്; ഇത് മനിശനിലെ അറിവുവോലയില്ലെ തെയ്‌വ ഇരക്കത്തിൽതാൻ ചെയ്യിനത് ഒൺ എങ്കെ മനശാച്ചി കൂടി ചൊല്ലുകേം ചെയ്യിനെ; അത്തിൽ ഇപ്പെ എങ്കെ പെരുമപ്പടുകേം ചെയ്യിനെ.

പിലിപ്പിയര് 1:27

എന്തു വന്താലും കിരിശ്ത്തുവു നല്ലെ ചേതിയെ നമ്പുനവേരാളവോലെ നിങ്കളും പിശേൻ. അകനയൊണ്ണാ ഏൻ നിങ്കളെ വന്ത് കാൺകയോ നിങ്കളെ ചൊല്ലി കോക്കയോ ചെയ്യിനവോളെ ഒരേ ആത്തുമാവിൽ നിലെ നിക്കിനെ ഒണ്ണും നല്ലെ ചേതീലെ നമ്പിക്കേക്കുചൂട്ടി ചരിയാനത്തിൽ കറുമമടേനെ ഒണ്ണും എനക്ക് തിക്കിനൊണ്ടാകും.

പിലിപ്പിയര് 3:20

ഒണ്ണാ നങ്കെ ചൊന്തെ രാച്ചമോ മേലോകം താൻ; അങ്ക് നുൺ കരുത്താവാനെ ഏശുകിരിശ്ത്തു രച്ചകനായ് വരുമൊൺ നിനച്ച് നങ്കെ പിരിയമാ കാത്ത് ഇരുക്കിനെ.

1 തെശലോനിയര് 1:5

എന്തൊണ്ണാ എങ്കെ നിങ്കകാൽ നല്ലെ ചേതിയെ ചൊല്ലിയവോളെ മത്തം വാക്കാരെ മട്ടുമില്ലെ പിന്നെ, തെയ്‌വ ആത്തുമാവിലെ ചക്കിതിയോടേം ചൊന്നതുകാട് ചത്തിയം താൻ ഒൺ ഉറപ്പായ്‌ക്കീം താൻ; മട്ടുമില്ലെ നിങ്കെ നൽമേക്കുചൂട്ടി നിങ്കെ ഇടേൽ എങ്കെ എകനെ പിശച്ചതൊണ്ണും നിങ്കാക്ക് തിക്കിനൊള്ളതാനെ?

1 തിമോത്തിയോശ് 3:16

നങ്കെ തെയ്‌വമെ കൊണ്ടാടിനത്തിലെ ഇം മറുമമെ ആരുക്കും ഒറിഞ്ച് പോടിളത്തുക്ക് ഒള്ളതില്ലെ, കിരിശ്ത്തു മനിശെ പുറവീൽ വെളിപ്പട്ട്; അവൻ നീതിയൊള്ളാ ഒൺ തെയ്‌വ ആത്തുമാവ് വെളിപ്പടുത്തി; തെയ്‌വ തൂതരുകാട്ടുക്ക് ഉരുവപ്പട്ട്; എകൂതരല്ലാത്തവേരാ ഇടേൽ കേൾവിപ്പട്ട്; ഉലകത്തിൽ ബൂറാ നമ്പി; വെൺമയാ മേലോകത്തുക്ക് എടുക്കപ്പട്ടെ.

1 തിമോത്തിയോശ് 4:12

നീ ഒരു ഉളന്താരി ഒൺ നിനച്ചി നിന്നെ ആരും വിലകുറച്ചു കാണാതിരുപ്പേക്ക് നിൻ പേച്ച്, നിൻ പിശപ്പ്, നിൻ ആത്തിരം, നിൻ നമ്പിക്കെ, നീ വെടിപ്പാ പിശയ്‌ക്കിനവൻ താൻ ഒണ്ണും നമ്പിക്കയാനവേരാക്ക് തിക്കിലൊണ്ടാളത്തുക്ക് ഒരു തെളിവാ ഇരുക്കോണും.

1 തിമോത്തിയോശ് 6:11

ഒണ്ണാ തെയ്‌വത്തിലെ മനിശനാനെ തിമോത്തിയോശേ, നീ ഇകത്തെ കാരിയമയെല്ലാം വുട്ട്, നീതി, കൊണ്ടാട്ടം, നമ്പിക്കെ, എളിമെ, പിരിയം, എന്താം ഏത്തെടുപ്പേക്കൊള്ളെ മനശ് ഒണ്ണതുകാടെ എപ്പണും ചെയ്യിൻ.

1 തിമോത്തിയോശ് 6:3

ആരൊണ്ണാലും എതിരിയാ പടിയ്‌ക്കെ വയ്‌ക്കുകയോ നങ്കെ കരുത്താവാനെ ഏശുകിരിശ്‌ത്തുവിലെ ചത്തിയമാനെ വശനത്തുക്കും തെയ്‌വമെ കൊണ്ടാടിനത്തുക്ക് തേവയാനെ പടിയ്‌ക്കെ വയ്‌ക്കലുക്കും ചേന്ത് വാരാതിരുക്കയോ ചെയ്യാ,

1 തിമോത്തിയോശ് 6:6

അന്താൻ നങ്കാക്ക് എത്തിനെ ഇരുക്കിനതോ അത്തിൽ നങ്കെ പിരിയമടഞ്ചിരുന്താ ചാമിക്കാറനാനത് നങ്കളെ നമ്പിക്കേൽ വലിയവനാക്കും.

എബുറായര് 13:5

നിങ്കെ പിശപ്പിൽ പണക്കൊതി നാതയിരുക്കട്ടെ; ഒള്ളതിൽ മതി അടേനിൻ, “ഏൻ നിന്നെ ഒരുനാളും കയ് വുടുകേമില്ലെ, ഒറിഞ്ച് പോടുകേമില്ലെ” ഒൺ തെയ്‌വം കൽപ്പിച്ചിരുക്കിനതാനെ?

ആക്കോവ് 1:24

അവൻ ഉടയാളമേ കണ്ണാടീൽ കണ്ടു പോയ് തൊപ്പനൊൺ ഉടയാ ഉരുവമെ മറന്തോനെ.

ആക്കോവ് 3:13

തെയ്‌വം ആശിക്കിനതുവോലെ പിശപ്പേക്ക് പുത്തി ഒള്ളവനും അറിവാളീമാനെ ആരൊണ്ണാലും നിങ്കെ കൂട്ടത്തിൽ ഒള്ളതീ? ഒള്ളതൊണ്ണാ അവൻ ഉടയാ അറിവുക്കും എളിമേക്കും ഒത്തെ നല്ലെ പിശപ്പെ പിശച്ച് കാട്ടി കൊടുക്കട്ടെ.

1 പത്തിരോശ് 1:15

അത്തുക്ക് പകറം നിങ്കളെ പുറിച്ചെടുത്തെ തെയ്‌വം ചുത്തമാനവൻ ആയതുനാലെ നിങ്കെ ചെയ്യിനെ എല്ലാ കാരിയത്തുക്കും ചുത്തമാനവേരാ ആയിരിൻ.

1 പത്തിരോശ് 2:12

ഏശുവെ നമ്പാത്തെ ആളുകെ നിങ്കളെ നിച്ചം കെട്ടവേരായൊൺ ചൊല്ലിയാലും അവറാത്തുക്കു മില്ലോട് നിങ്കെ നല്ലെ നടപ്പിൽ പിശയ്‌ക്കോണും. അകനയൊണ്ണാ നിങ്കെ ചെയ്യിനെ നല്ലെ കാരിയമെ കണ്ടു ഏശു വരുനെ നാളിൽ തെയ്‌വത്തുക്ക് അവറെ മകിമെ കൊടുക്കിളത്തുക്ക് ഇടവരും.

2 പത്തിരോശ് 1:3

ഉടയാ മകിമേലും നൽമേലും പങ്കുകാറൻ ആകേക്ക് തെയ്‌വം നങ്കളെ വുളിച്ചിരുക്കിനെ. അവനെ ചൊല്ലിയൊള്ളെ നങ്കെ അറിവുനാലെ തെയ്‌വത്തിലെ അരിശുകമാനെ ചക്കിതി നങ്കെ ഉശിരുക്കും തെയ്‌വ നമ്പിക്കക്കാറനായ് നങ്കെ പിശയ്‌ക്കിളത്തുക്കും തേവയാനതെല്ലാം നങ്കാക്ക് തന്തിരുക്കിനെ.

2 പത്തിരോശ് 1:6

അറിവോടെ എന്തൊണ്ണാലും അടക്കി വയ്‌ക്കേക്കൊള്ളെ മനശും അടക്കി വയ്‌ക്കേക്കൊള്ളെ മനശോടെ പൊറുപ്പും പൊറുപ്പോടെ തെയ്‌വ നമ്പുകാറനാനതും.

2 പത്തിരോശ് 3:10

ഒണ്ണാ കരുത്താവു വരുനെ നാ ആരുക്കും തിക്കിനാതെ കളവാണി വരിനതുവോലെ വന്തോകും. അം നാ വാനം ചരിയാനെ ഒച്ചേൽ മാഞ്ച് മണ്ടും; വാനത്തിൽ ഒള്ളെ മുച്ചൂടുകാടും വെന്ത് നാശമായ് മണ്ടും; പൂമീം അത്തിലൊള്ളെ മുച്ചൂടും നാതയാകേം ചെയ്യും. ഒണ്ണാ പൂമീൽ നടന്തത് മുച്ചൂടും നായവിതീക്കായ് വെളിപ്പട്ട് വരും.

2 പത്തിരോശ് 3:12

നിങ്കെ തെയ്‌വത്തിലെ നാളേക്കുചൂട്ടി കാത്ത് ഇരുക്കേം അവൻ വേമാ വരുകേക്ക് നിങ്കെ ചെയ്‌കേക്കൊള്ളത് ഉശാരാ ചെയ്യോണും. അം നാ വാനം വെന്ത് നാശമാ മണ്ടുകേം വാനത്തിലെ ചക്കിതികാട് ചൂടുനാലെ വെന്ത് ഉരുകേം ചെയ്യും.