1 ഓകന്നാന്‍ 3:10 - പുതുവൻ ചേതി

¹⁰ ഇകനെ തെയ്‌വ മക്കെ ആരൊണ്ണും ഉരുമൻ മക്കെ ആരൊണ്ണും ഇതുനാലെ തിക്കിനൊണ്ടാകും; തെയ്‌വത്തുക്ക് മില്ലോട് നീതിയാനെ കാരിയമെ ചെയ്യാത്തവനും അതുവോലെ അണ്ണൻ തമ്പിയേരുകാൽ ആത്തിരത്തിൽ ഇരാത്താളും തെയ്‌വത്തിൽ നുൺ പുറന്തവനില്ലെ.

1 ഓകന്നാന്‍ 3:10 Iomraidhean Croise

മത്തായി 13:38

കണ്ടയുശം എന്നത് ഉലകമും നല്ലെ വിത്ത് എന്നത് തെയ്‌വ രാച്ചത്തിലെ മക്കകാടും കളെ എന്നത് കുറുപ്പുനാത്തവനുക്ക് ഒള്ളതും താൻ.

ലൂക്കോശ് 6:35

ഒണ്ണാ നിങ്കകാൽ എതിരിയാ ഇരുക്കിനവൻകാൽ ആത്തിരമാ ഇരുക്കുകേം അവറാത്തുക്ക് നൽമെ ചെയ്യുകേം ചെയ്യോണും; എന്തൊണ്ണാലും തിരുപ്പി കിടയ്‌ക്കുമൊൺ നിനയാതെ അവറാത്തുക്ക് കടമെ കൊടിൻ; അകനയൊണ്ണാ നിങ്കാക്ക് കിടയ്‌ക്കിനെ കൂലി വലിയതായിരുക്കുകേം നിങ്കെ മേലോകത്തിൽ ഇരുക്കിനെ വലിയവനാനവൻ മക്കളാകുകേം ചെയ്യും; എന്തൊണ്ണാ അവൻ നണ്ണി കെട്ടവേരാക്കും തിശകെട്ടവേരാക്കും പിന്നിയമെ കാട്ടിനാതാനേ.

ഓകന്നാൻ 1:12

അവനെ ഏത്തെടുത്ത് അവനിൽ നമ്പുനെ ആരുക്കും തെയ്‌വത്തിലെ മക്കയാകേക്ക് അവൻ അതികാരമെ കൊടുത്തെ.

ഓകന്നാൻ 11:52

അങ്ക് ഇരുന്തെ ആളുകേക്കുചൂട്ടി മട്ടുമില്ലെ അങ്കിങ്കാ കലഞ്ച് പോയ് പിശയ്‌ക്കിനെ തെയ്‌വ മക്കളെ മൊത്തമാ കൂട്ടി വരുത്തുകേക്കുച്ചൂട്ടീംതാൻ ഇകനെ ചൊല്ലിയത്.

ഓകന്നാൻ 8:44

നിങ്കെ പിശാശ് എന്നെ തകപ്പൻ മക്കതാൻ; നിങ്കെ തകപ്പൻ പിരിയമെ ചെയ്‌കേക്ക് നിങ്കെ ആശിക്കിനെ. അവൻ മുതയിരുന്തേ കുലകാറനായ് ഇരുന്തെ; അവനേത്തിൽ ചത്തിയം നാപ്പോയനാലെ ചത്തിയത്തിൽ നിലെ നിൽക്കിനതുമില്ലെ. അവൻ നരിയെ ചൊന്നവോളെ ചൊന്തെ പാശേൽ നുൺ എടുത്തു ചൊന്നെ; അവൻ നരിയെ ചൊന്നാളും അത്തിലെ തകപ്പനും താൻ.

ഓകന്നാൻ 8:47

തെയ്‌വത്തിൽ നുൺ ഒള്ളവേരാ തെയ്‌വ വശനമെ കോക്കിനെ; നിങ്കെ തെയ്‌വത്തിൽ നുൺ അല്ലാത്തവേരാനാലതാൻ വശനമെ കോളാത്തത്.”

അപ്പോശ്‌ത്തലര് തെയ്‌വ വേലെ 13:10

“പിശാശ് മകനേ, നല്ലെ നല്ലെ കാരിയത്തുക്കെല്ലാം എതിരാളിയേ, നീ എല്ലാ തരത്തിലുമൊള്ളെ പിശാശ് ചുട്ടിത്തനത്തിലും കോളാരിലും നുറഞ്ചിരുക്കിനാളും എപ്പണും കരുത്താവിലെ നീതിയെ മാത്തുകേക്ക് പാടുവെടിനാളും താൻ.

റോമര് 13:8

വോറെ വേരാകാൽ ആത്തിരമാ ഇരുക്കിനവൻ തെയ്‌വത്തിലെ നായപുറമാണമെ പാലിക്കിനെ; അതുനാലെ നിങ്കെ ഏളതൊണ്ണാലും കാരിയത്തിൽ കടമ്പട്ട് ഇരുക്കിനതൊണ്ണാ ആത്തിരത്തിലല്ലാതെ കടമ്പട്ട് ഇരുപ്പാനില്ലെ.

എപേശിയര് 5:1

നിങ്കെ തെയ്‌വത്തുക്ക് പിരിയമാനെ മക്കെ ആനതുനാലെ നിങ്കളും അവനവോലെ ആവേക്ക് നോക്കോണും.

കൊലോശിയര് 3:14

ഇതക്കാട്ടി നങ്കളെ എല്ലാരാം മൊത്തമാ ഒത്തുമേൽ നുറുത്തിനെ ആത്തിരമൊള്ളവേരാളായ് ഇരിൻ.

1 തിമോത്തിയോശ് 1:5

നമ്പിക്കയാനവേരാക്ക് ചുത്തമാനെ ഇതയം, നല്ലെ മനശിരക്കം, നിച്ചമാനെ നമ്പിക്കെ ഇതുകാട്ടിൽ നുൺ ഒണ്ടാനെ ആത്തിരം ഒണ്ടാളത്തുക്കുതാൻ ഏനീ കൽപ്പനേ ഇടിനത്.

1 ഓകന്നാന്‍ 2:29

കിരിശ്ത്തു നീതിമാൻ ഒൺ നിങ്കാക്ക് തിക്കിനൊള്ളെ. അതുനാലെ നീതിയെ ചെയ്യിനവൻ മുച്ചൂടും തെയ്‌വത്തിൽ നുൺ പുറന്ത് ഇരുക്കിനവൻ ഒണ്ണും തിക്കിനൊണ്ട്.

1 ഓകന്നാന്‍ 3:1

നോക്കിൻ, തെയ്‌വം നങ്കളെ ഉടയാ മക്കെ ഒൺ വുളിപ്പേക്ക് തകപ്പനാനെ തെയ്‌വം നങ്കകാക്ക് എപ്പേരുപ്പട്ടെ ആത്തിരത്തിൽ ഇരുക്കിനെ ഒൺ അതെ കാട്ടിനെ; ഉലകത്തിൽ ഒള്ളവേരാക്ക് തകപ്പനാനെ തെയ്‌വമെ തിക്കിനാത്തനാലെ നങ്കളാം തിക്കിനാത്തെ.

1 ഓകന്നാന്‍ 3:2

പിരിയമൊള്ളവേരാളേ, നങ്കെ ഇപ്പണേ തെയ്‌വ മക്കതാൻ. നങ്കാക്ക് എന്താവനൊൺ ഇതുവരേക്ക് വെളിവായ് ഇരുക്കിനതില്ലെ. ഒണ്ണാലും അവൻ വെളിപ്പടിനവോളെ നങ്കെ അവൻ ഇരുക്കിനവോലയേ ഉടയാ ഉരുവമെ കാണും. അതുനാലെ നങ്കളും അവനവോലെ ആയോകും ഒണ്ണും നങ്കാക്ക് തിക്കിനൊളെള.

1 ഓകന്നാന്‍ 4:21

തെയ്‌വത്തുകാൽ ആത്തിരമാ ഇരുക്കിനവൻ നമ്പിക്കയാനവേരാകാലും ആത്തിരമാ ഇരുക്കോണും. ഇന്താൻ കിരിശ്ത്തു നങ്കാക്ക് തന്തെ ചട്ടം.

1 ഓകന്നാന്‍ 4:6

ഒണ്ണാ എങ്കെ തെയ്‌വത്തിൽ നുൺ ഒള്ളവേരാനാലെ തെയ്‌വമെ അറീനവനെല്ലാം എങ്കെ വാക്കെ കോക്കിനെ. തെയ്‌വത്തുക്കല്ലാത്തവേരായെല്ലാം എങ്കെ വാക്കെ ഏത്തെടാത്ത്. ചത്തിയത്തിലെ ആത്തുമാവ് ഏളതൊണ്ണും വഞ്ചനേലെ ആത്തുമാവ് ഏളതൊണ്ണും നങ്കാക്ക് ഇതുനാലെ അറിഞ്ചോകും.

1 ഓകന്നാന്‍ 4:8

തെയ്‌വം ആത്തിരം താൻ; ആത്തിരത്തോടെ ഇരാത്തവനുക്ക് തെയ്‌വമെ തിക്കിനാത്തെ.

1 ഓകന്നാന്‍ 5:19

നങ്കെ തെയ്‌വത്തിലെ മക്കെ ഒണ്ണും തെയ്‌വമെ തിക്കിനാത്തെ ഇവ്വുലകത്തിലെ മാനടവൻ ബൂറാ കുറുപ്പുനാത്തവനുക്ക് അടിമയാ കിടക്കിനെ ഒണ്ണും നങ്കാക്ക് തിക്കിനൊള്ളെ.

1 ഓകന്നാന്‍ 5:2

നങ്കെ തെയ്‌വത്തുകാൽ ആത്തിരമാ ഇരുക്കുകേം അവൻ കൽപ്പനേലെ ചൊൽപ്പടീക്ക് നടക്കുകേം ചെയ്യിനവോളെ തെയ്‌വ മക്കകാൽ ആത്തിരമാ ഇരുക്കിനതൊൺ ഇതുനാലെ തിക്കിനൊണ്ടാകും.

3 ഓകന്നാന്‍ 1:11

പിരിയമാനവനേ, ഇനിയൊള്ളവേരാ ചെയ്യിനെ പാപമെ കണ്ട് നീയും അതെ ചെയ്‌വാനില്ലെ; നല്ലതെ ചെയ്യിനവൻവോലെ നീയും നല്ലതെ ചെയ്; നൽമെ ചെയ്യിനവൻ തെയ്‌വത്തിൽ നുൺ ഒളളവനും കെട്ടതെ ചെയ്യിനവനോ തെയ്‌വമെ തിക്കിനാത്തവനും താൻ.