Zefaniya 1:3 - Amazwi Yakwe Leza 2013

³ Ndonona antu ni nyama kwene. Ndonona ivyunyi vyamu lwelele nga ni nswi zyamuli yemba. Antu aipe ndayawisya. Ndonona mitundu ya antu kuti patakasyale umuntu nanti wenga pano nsi. Avino Yawe wavwanga.

Zefaniya 1:3 Iomraidhean Croise

Utandiko 6:7

Caleka avwanga ati, “Namaonona antu yonsi pyu yano nauumba, ni nyama, ni vikasela, ni vyunyi ivikapapuka. Pano vyandenga ulanda pa kuviumba.”

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Ezaya 6:12

Ndapuusya antu nu kuyazingila ukutali, ni mpanga yonsi ice iisyalile amapooli.

Yelemiya 12:4

Uzye ukuumalala kwa mpanga itu kulasila lilaci? Ukuuma kwi sote mu vyalo vitu nako kulasila lilaci? Inyama zikufwa, ivyunyi navyo vikufwila sile pamulandu nu uyi wa antu aikala muno mpanga. Pano yene yakalola kwati wemo usyalola vino yakacita.

Yelemiya 50:3

Pasi pano ku lusansa lwaku kayeya kwafuma umutundu wakumulwisya, casangula ni mpanga yakwe ulwangwa. Mutalatala nupya muce mwikale umuntu. Antu ni nyama vyativyutukamo, ivipita.”

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Ezekelo 44:12

Lelo pamulandu wakuti ali yano yatungulwilanga aina Izlaeli amapepo akupepa utuluwi, calola ukuti fwandi ali yano yayatwalanga mu kwifya. Caleka nani ne Yawe Leza nalapa ukuti yali nu kuvunukwa.

Ezekelo 7:19

Zaabu wao ni mpiya zyao yalavisumba mu miseo yamu musumba kwati ivyausali, pano impiya na zaabu vitangalola ukuyatuula pa nsita ino Yawe Leza ali ni cipyu. Vitangalola umusango wakuyatuusizyamo ku nzala. Vingalesya nu kuikusya, pano zaabu ni mpiya ali vintu vino vyayalenganga ukwifya.

Oseya 14:3

Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Oseya 14:8

Uzye nupya aina Izlaeli yalacita cani nu tuluwi? Anene ndaasuka amapepo yao nu kuyasakamala. Nemo indi wa mulemo umu paini uulembe lyonsi. Nene ndi ntulo ya upolelelo wao onsi.”

Oseya 4:3

Pamulandu wakwe cii mu mpanga mulaya icilala, nga na antu yonsi aikala mwenemo yalacula, kumwi ni nyama zya mpanga kwene, ni vyunyi vyamu lwelele. Ni nswi kwene zyamuli yemba zilafwa.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Mateo 13:41

Mwana wa Muntu alatuma angeli yakwe mu wene wakwe, nao yalakonganika nu kufumyamo antu yonsi akalenga auze kwifya nga na antu yonsi akacita viipe.

Mateo 23:39

Namunena vino mutalandola nupya, kufika lino mulavwanga muti, ‘Walongo awiyo akwiza mwi zina lya Mwene.’ ”

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.