Yuda 1:9 - Amazwi Yakwe Leza 2013

⁹ Nanti Mikaeli kwene mungeli mukulu atacisile cii lino walemanile na Ciwa pa kulola wino angatola cala cakwe Mose. Mikaeli atavwanzile izwi nanti lyonga lya miponto. Wene wavwanzile sile ati, “Mwene akukalipile!”

Yuda 1:9 Iomraidhean Croise

1 Milandu 12:17

Davidi nawe akatuka ku kuyakomenkanya, nga ayanena ati, “Ndi cakuti mwiza ni myenzo itambalale apakuti mungazwe, awe lyene tunguvwana sile ningo. Lelo ndi cakuti mwiza pakuti mundetelele ku vipondo vyane, nanti nemo iminwe yane itatazile icite ulufyengo, Yawe Leza wa vikolwe vyane aliwe alandandwila nu kumvwangila.”

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

Danieli 10:13

Lyene mungeli kateeka waku Pesya andwisya apa manda amakumi yaili na onga. Lyene Mikaeli, wenga uwamu akalamba ya angeli, aiza ku kungazwilizya, pamulandu wakuti yansile nenga kuku ku Pesya.

Danieli 10:21

Lelo inkolelo namatala nkunene ivyalembwa mu Lupapulo lwa Cumi. Kusi umwi uwakungazwa, suka sile Mikaeli, umungeli wino akalinda Izlaeli.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Zakaliya 3:2

Alino umungeli wakwe Yawe anena Satana ati, “Si Yawe angala akupezye! Yawe uwasolwile Izlaeli, aliwe akukalipile! Uzye umuntu wiyo asi sile wa cisonsololwa cino yasompwile apa moto?”

Mako 15:29

Na yano apitanga mu pipi yapukunya mitwe yao nu kusoweka Yesu yati, “Ee! We muno ungomoola Ng'anda ikulu yakwe Leza nu kuikula mu manda yatatu,

Malango 34:6

Yawe nawe amuzika mu mukonko mu mpanga ya Moabu, ukulungatana nu musumba wa Beti Peoli. Lelo ukufika na pilelo kutaya nanti wenga uwamanya ningo apaya ilindi lyakwe.

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

2 Petulo 2:11

Nanti angala angeli yaya na maka kuluta yakasambilizya yaa aufi, yene yasyayapeela mulandu na mazwi ya ntusi pa manso ya Mwene.

Umbwilo 12:7

Nupya mwiyulu mukatuka ulwi. Mikaeli na angeli yakwe yalwisyanya ni cizoka nga cizoka pamwi na angeli yakweco yalwisyanya nao.