Yuda 1:4 - Amazwi Yakwe Leza 2013

⁴ Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

Yuda 1:4 Iomraidhean Croise

2 Samueli 22:5

Imfwa yanzingulwike konsi wa maimbi, uwononesi iumpuma wa maimbi yamaka.

Masamu 1:1

Walongo umuntu asiya ku matengo ya antu aipe, uku kupandwa amano. Asilondelela imisango yakwe yakaifya, nanti ukwizya pamwi na antu amiponto.

Masamu 62:2

Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.

Mateo 13:25

Lelo lino antu yati yakasula, mwanisi wakwe aiiza ata kalolo mu ngano, nga apita.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 15:24

Tuvwa vino antu yamwi apisile kufuma umwi umba litu yati yamwanola nu kuvulunganya kampingu winu pali vino yavwanzile. Swemo tutayatumile kuti yacite vivyo.

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

1 Timoti 5:8

Lelo ndi cakuti umwi asyasakamala akazi kakwe, maka maka amu ng'anda yakwe, ala wene wakana utailo nupya umwipisye kuluta wiyo atataila.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

2 Timoti 3:6

Yamwi munoyali yakaya mu mang'anda ya antu nu kutumpika aya mwenemo pakuti yongole anaci atonte yano anyomelwa na maifyo yao nga nu kutungululwa ni vilondwa vya nsuna zya misango yonsi.

1 Petulo 2:16

Mwaikala wa antu antungwa, nupya mutaomvya untungwa winu pa kuipeela insambu kuti mwaifya. Lelo mwaikala wa yaomvi yakwe Leza.

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

1 Petulo 4:18

Cili ndi vino calembwa mu malembelo cati, “Ndi antu akacita vyawololoke cilayatalila kutuulwa, uzye lyene cilaya uli ku antu akaifya nupya asyacindika Leza?”

2 Petulo 2:10

Mwene alacita cii maka maka kuli yao akalondela imbunu zyao izya winyi, yao akasula maka yakwe. Yakasambilizya yaa aufi, apame nupya acilumba. Yene yasyacindika yao alulumbi mwiyulu. Lelo yakayatuka.

2 Petulo 2:7

Wene watuuzile Loti, umuntu uwacitanga vyawololoke, wino wanyungulukanga pa vya winyi vino antu yankota yacitanga.

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.

1 Yoane 2:22

Uzye lyene aweni uwa ntumpu? Uwa ntumpu umuntu ali wensi wino akati Yesu asi Katuula uwalavilwe. Uwakana Tata nu Mwana, wene ali mwanisi wakwe Klistu.

Yuda 1:15

Alaleta upinguzi pali yonsi nu kuvunuka yakaifya pa vicitwa vino yacitanga na pa mazwi aipe amiponto kunoli!”

Yuda 1:18

Yalanzile kunomuli yati, “Lino manda ya mpela yaliza, kulaya antu akalondela ivilondwa vyao visi vya upefi, alamuseka.”

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”