Yobo 4:3 - Amazwi Yakwe Leza 2013

³ Apa mpiti wewe wasambilizye antu avule, wakomelizye na yayo atembokele mu makasa.

Yobo 4:3 Iomraidhean Croise

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Ezila 6:22

Apa manda cinimbali aina Izlaeli iyazevya nu luzango Cimulo ca Mukate usi na citutumusi, pamulandu wakuti Yawe walenzile kuti yazange apakutonsya umwenzo wa mwene waku Asilya kuti ayakomelezye umu mulimo wa kukuula Ng'anda ikulu yakwe Yawe, Leza wa ina Izlaeli.

Yobo 16:5

Lelo ningalanda amazwi akumukomelezya, suka sile na pano amati yanguma umu mulomo wane.

Yobo 29:11

Umuntu ali wensi uwandolanga nanti ukunguvwa, walandanga ivisuma pali nene, napali vino nacita.

Yobo 29:15

Nali nene indi linso lya mpafu, ni kulu lya vilema.

Yobo 29:16

Nali wa mukwasi wa yalanda. Umwenyi namuputwilanga umulandu usaka sana.

Yobo 29:21

Yonsi yakutikanga nu kuteya amatwi kuno ndi. Yuvwanga ningo pali vyonsi vino nayapanzyanga amano.

Yobo 4:4

Uku mazwi yako wemo watungililanga intalanganyi, nu kukomya inteo zya maulu azakazanga.

Mapinda 10:21

Amazwi ya muntu musuma yakasambilizya antu avule, lelo iviwelewele vyene vikafwa pamulandu wakuulilwa amano.

Mapinda 15:7

Imilomo ya muntu wa mano ikasansanta ukumanya, lelo umwenzo waciwelewele wene usicita vivyo.

Mapinda 16:21

Uwakwata umwenzo wa mano, akaamwa umwiluke. Imivwangile ya ufuke, ikaazwa umu kusambilizya.

Ezaya 35:3

Kanzini amakasa atolompoke, mukomye na makokola atembokele.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

Zefaniya 3:16

Insita imwi ilafika, lino yalamunena mwe ina Izlaeli iyati, “Mutuvwa intete mwe ina musumba wa Zioni! Mutaleka na makasa inu yapomponteke foo!”

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

Luka 22:43

Mungeli aloleka kunoli kufuma kwiyulu amukomelezya.

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Malango 3:28

Wemo peela sile Yoswa amalamulo. Fwandi umukomelezye nu kumupeela inzyansyo, pamulandu wakuti aliwe alatungulula antu ku kulamba nu kuyapoka nu kwikala mu mpanga ino wemo umalola sile.’

Kolose 4:6

Mvwango zinu zilinzile kuya zisuma nupya zyakuzanzya antu, nupya mulinzile kumanya musango uno mungaasukilamo umuntu ali wensi.

Ayebulai 12:12

Acino mukomye makasa inu atonte nupya mutaleka makokola inu yazakaza!