Yoane 4:6 - Amazwi Yakwe Leza 2013

⁶ Kuku ukwali ni cifula cakwe Yakobo. Yesu walanga watatonta nu lwendo, nga aikala pipi na pa cifula. Cali manye lino ilanzi lyafika umutwe papela (12 koloko).

Yoane 4:6 Iomraidhean Croise

Mateo 27:45

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

Mateo 4:2

Lelo Yesu atalile nanti kamwi manda makumi yani, musanya nu usiku. Pacisila auvwa inzala.

Mateo 8:24

Mukupumikizya cipupu cikatuka pali yemba, cakuti maimbi yaapuma ku wato na manzi yaasempukila mukasi kauko. Yesu wene ala akaswile.

Luka 2:7

Wavile umwana umonsi iyeli, amufupa mu nsalu nga amulalika mu mulangu pano mutali ncende mu ng'anda ya enyi.

Luka 9:58

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Yoane 11:9

Yesu avwanga ati, “Uzye musanya utaya na ya aawa ikumi na yaili? Caleka umuntu ndi akupita musanya wene atangapumika, pano akulola luswepo lwa nsi ii.

Yoane 4:12

Uzye wemo waluta Yakobo cikolwe citu, wino uwatupile cifula cii, cino umwisikulu pamwi na ana yakwe nga ni viteekwa vyakwe yamwanga mwenemo?”

Yoane 4:5

Lyene afika ku Sika muzi uwaku Samaliya, pipi ni calo cino Yakobo wapile Yosefu mwana wakwe.

Yoane 4:7

Lino umwanaci umwi uwaku Samaliya wiza ku kusemba manzi, Yesu amunena ati, “Mpele manzi imwe.”

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.