Yoane 4:10 - Amazwi Yakwe Leza 2013

¹⁰ Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:10 Iomraidhean Croise

Masamu 10:17

We Yawe, uluvwa amapepo yakwe yao aicefya. Nawe ulayakomelezya.

Masamu 46:4

Kwaya uluzi lumwi ulukazanzya umusumba wakwe Leza, incende yamuzilo muno Leza Wapapelapela umweneco wikalamo.

Kufuma 17:6

Ulanzana njimi pa ciliwe pa Mwamba wa Holebu. Ukuume intuwa pa ciliwe, alino amanzi yalafuma mu ciliwe kuti antu yamwe.” Mose acita wakwe vino Yawe wamunenyile, pa manso ya ntunguluzi zya ina Izlaeli.

Lwimbo lwakwe Solomoni 4:15

We nawinga wane, wewe uli kafukoka akakutapilila icalo cane, wewe uli cifula ca manzi akakonkoloka, yano yakapongoloka ukufuma mu Mwamba wa Lebanoni.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Ezaya 35:6

Ivilema vimatolokanga wa nswela. Indimi zyakwe yaciulu zimapundanga nu luzango. Amanzi yamakonkolokanga umu lwanga ni nguzi zilapita umu mpanga ilangoke.

Ezaya 42:6

“Ne Yawe awewe wemuno naama apakuti ulole ukuti vyaololoke vyacitwa pano nsi. Ndakulemelela apikasa nu ku kusunga, kuti uye icipangano ku antu, kuti uye luswepo lwakuyengesela Akulukuwa.

Ezaya 43:20

Ni nyama zya mpanga nazyo kwene zimantaizyanga. Yankusa yamancindikanga kumwi ni mbuni, apamulandu wakuti namaleta amanzi umu lwanga ni nguzi mu mpanga iyumalale, kuti mpeele amanzi ku antu yane asololwe.

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.

Ezaya 49:10

Yatalatala yuvwe inzala nanti ulusala nupya, nanti ukucula nupya ku cipuki na kasanya. Pano wiyo wino akayatezela alayatungulula ku tufukoka twa manzi.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Ezekelo 16:35

Lyene we Yelusalemu cizelele wakantu, uvwa vino ne Yawe nkukunena!

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Zakaliya 14:8

Wanda ulya ndi waca wafika mu musumba wa Yelusalemu mulafuma amanzi ya umi, yamwi yalaya kuli Yemba Mufwe, yauze nayo yalaya ku uwondaka kuli Yemba wa Adiliya. Amanzi yayo yalapita ukuzinguluka umwaka onsi.

Luka 11:13

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela Mupasi Wamuzilo kuli yao akamulenga?”

Yoane 16:3

Antu yalacita vintu vii kunomuli pano yatamanya Tata, nanti anene.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 6:35

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Milimo 9:11

Mwene nawe amunena ati, “Iteyanye uye ku museo uno yakati, Museo wololoke, pa ng'anda yakwe Yuda uuzyepo umuntu afumile ku Taliso, wino izina lyakwe a Saulo. Wene akupepa,

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

2 Kolinto 9:15

Lekini tutaizye Leza pa wila wakwe uwakuzunguka uno mazwi yatangalondolola!

Efeso 2:8

Pano mwatuuzilwe ni cikuku cakwe Leza lino mwataile.

Ayebulai 6:4

Pano uzye yao afutatila utailo wao yangaweziwa uli nu kuzenzuka? Yene yapisile mu luswepo lwakwe Leza, nupya yapokelile uwila kufuma kwiyulu nu kuyankanyako Mupasi Wamuzilo.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”