Yelemiya 8:9 - Amazwi Yakwe Leza 2013

⁹ Antu inu aamano insonyi zilayalema. Yalazewana nu kulemwa mu lukose. Na yayo akasuula Yawe, ale lyene amano yao ivyani vino yakayatumbwila?

Yelemiya 8:9 Iomraidhean Croise

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

Yobo 5:12

Aliwe akapangulula amapange ya antu yamano, pakuti vino yakasi ukucita vitakwata uyo.

Yobo 5:13

Wene akavulunganya amapange ya antu yamano, nu kulemenkezya incenjezi mu ucenjezi wao.

Masamu 19:7

Amasunde yakwe Yawe yaya alungame. Yakapeela umi upya. Upinguzi wakwe Yawe uwa cumi. Ukapela amano kuli yao akayalonda.

Ezaya 19:11

Intunguluzi zyamu musumba wa Zoani zyatumpa! Na antu yano yakapanda Falao amano, nayo kwene iviwelewele sile! Uzye yene cino yangaituntumba ukunena umwene ukuti ali yano yapyanikizya pa antu yampiti, antu ya mano, alino na pali yamwene ampiti, icani?

Ezaya 29:14

Fwandi lyene nemo namayazungusyanga lino namatwalililanga ukuyapezya. Yano akulola ukuti yakwata amano yamasanguka iviwelewele vya antu. Nu ucenjezi wao utalayatumbwila nanti cimwi.”

Ezaya 43:27

Icikolwe cinu ica mpiti caifizye, intunguluzi zinu nazyo kwene zyantalamile.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Yelemiya 15:6

Mwemo mwankana. Mwemo mwamfutatila. Ali cino natimutambalikila ikasa lyane apa kumonona. Natintoonta nu kwelela.

Yelemiya 19:7

Mu cifoloma kwene cico ali muno navulunginye amapange ya antu aku Yuda na aku Yelusalemu. Namaleka ukuti anisi yao yayacimvye umu nkondo, nu kuyakoma ali muno yayakomele. Namaleka ukuti ivyunyi ni vinyama vya mpanga ali vino vyalya ivyala vyao.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Yelemiya 49:7

Apa ina Edomu, Yawe Wamaka yonsi wavwanga wati, “Uzye amalango yasililikila umu Temani? Uzye na yampandamano yati yaulila kumwi? Uzye amalango yao yasuka yaola?

Yelemiya 6:15

Uzye yene yatange yuvwe insonyi pa vicitwa vyao vyawinyi? Awe, yene yatuvwile insonyi nanti panono. Nupya yatamanyile ni vyakuloleka nsonyi nsonyi. Acino yalapona pamwi na aali nu kupona. Lino ndiza ku kuyavunuka, ilaya ili mpela yao. Ivyalanda ne Yawe.”

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Ezekelo 7:26

Isyamo lilalondela api syamo ni cimvulunganya pa cimvulunganya. Alino yaluzya cilolwa kuli kasema, lelo simapepo atalakwata ilamulo, inkombe nazyo zitalamanya vyakupanda amano.

Amosi 2:4

Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Zakaliya 13:4

Insita iyo ndi yafika kutalaya kasema nanti wenga alayuvwa pa vilolwa vyakwe, nanti kuzwala vyakuzwala vya usemo pakuti atumpoka ukuti akasema.

Malango 4:6

Muce mwayela amasunde ningo, lyene cico cilalanga antu amu nko zyuze ukuti mwemwe yamano nupya mwamanyikisya ivintu. Lino yacayuvwa amasunde yaa yonsi, yalazakaza nu kulanda yati, ‘Cumi kwene uluko luu ulukulu lwakwata amano ni cuvwilo!’

2 Timoti 3:15

nupya ukaiusya ukuti kufuma lino wali mwana munono, wemo wamanya Malembelo Amuzilo, yano yangakupeela mano akukutungulula ku kukwata utailo muli Klistu Yesu kuti akutuule.