Yelemiya 8:4 - Amazwi Yakwe Leza 2013

⁴ Yawe anena kuti nene antu yakwe inti, “Uzye lino umwi wapona atange akatuke nupya? Na wino waponga inzila, uzye atange aweluluke nupya?

Yelemiya 8:4 Iomraidhean Croise

1 Yamwene 8:38

wemo uwauvwa amapepo yao nu kuyazwa. Ndi cakuti umuntu wako umwi umwina Izlaeli wazenzuka nu mwenzo wakwe onsi, icakuti pakupepa wakatusya amakasa yakwe umupela, walozya uku Ng'anda ikulu ii,

Mapinda 24:16

Umuntu musuma nanti angapumikiziwa ni vintu iviipe amaila nyanya, wene alasyala aimi sika. Aipe yene isyamo lilayaponela uyi uyi.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Yelemiya 23:14

Lelo muli yakasema aku Yelusalemu mwene nindola mwenemo ulenzyo, intumpu, ukukomelezya antu ukucita iviipe, kuti kutaya uwakuzenzuka ku uyi wakwe. Yonsi pyu kunondi aipe wa ina Sodoma. Antu amu Yelusalemu yakoline wa ina Gomola.

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Yelemiya 36:3

Nalimwi Ayuda ndi cakuti yuvwa uyi onsi uno napingila kuyacitila, yangafuntuka ku nzila zyao iziipe, apakuti nani njuvwileko uluse ku uyi wao nu ku maifyo yao.”

Yelemiya 4:1

Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Ezekelo 18:23

Nemo ne Yawe Simwandalali nkuuzya inti, ‘Uzye nemo ne Yawe nkasansamuka pakulola umuntu mwipe kuno wafwa?’ Ala asi vivyo foo, lelo nemo nkasansamuka pakulola umuntu mwipe kuno wazenzuka nu kuya nu umi.

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Oseya 7:10

Icilumba ca ina Izlaeli cikuyalilila aisikulu. Lelo nanti cingaya vivyo yene yatawela kuli Yawe Leza wao, nanti ukumulondalonda konsi.

Amosi 5:2

“Izlaeli, umwanaci atamanya umonsi, nupya asi namikatukile awe. Wapona nu kwililika panonsi ponsi pano wikala. Pasi umuntu nanti wenga uwakumukatusya.”

Mika 7:8

Mwe anisi yitu mutatuseka. Nanti angala twatitupona, lelo tumakatuka. Nanti angala twatitwikala mu mfinzi, Yawe ali luswepo lwitu.