Biblia Todo Logo
Bìoball air-loidhne

- Sanasan -




Yelemiya 8:10 - Amazwi Yakwe Leza 2013

10 Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Faic an caibideil Dèan lethbhreac




Yelemiya 8:10
28 Iomraidhean Croise  

lyene fwandi uwane kaye akelekele umonsi muze nu kulala yalale nawe.


Na yakasema kwene kumwi na yasimapepo yatiyakoleka cakuti yakupempezyoka sile apa kupita. Yene yatiyamwa wakwe cimwi waini wa matingi, pamwi nu wengwa ukalipisye, cakuti yakuuluunsya sile, caticiyapezya na mano. Yakasema yatiyakolekesya cakuti yakuposiwa nu kwilula ivilolwa vino Leza akuyalanga. Yasimapepo nayo kwene yatiyakoleka cakuti yakuposiwa nu kupingula imilandu ino antu yakuleta kunoyali.


“Nemo nayasokile apamulandu wa uyi wao. Ali pakuyakatusizya icipyu nayafumyako na mano. Lelo nalyo kwene imitwe yao yakomile wi we, yatwalilile nu kucita ivyacicitecite.


Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.


Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”


Umuntu wino akalonka icuma mu ucenjezi wakolana ni nkwale ikaulola amayayi yano itatiile. Pakasi na nkasi ka umi wakwe ali nu kuponzya vyuma vyakwe, na pakusyalikizya pasi vino alaya, lelo alasyala iciwila.


Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.


apamulandu nu uyi wa ina Izlaeli na ina Yuda uno yansosizye umwenzo, aeneco kwene, yamwene yao, intunguluzi zyao, yasimapepo yao, yakasema yao, nga na antu amu mpanga yakwe Yuda na ikala muzi amu Yelusalemu.


anaci yonsi pyu yano yasile mu musumba wa mwene waku Yuda, yamayatwala ku yaomvi ya mwene waku Babiloni, ale yakwimba yakuti, ‘Yatiyakusomba, iyakucenjezya, yacuza yako yano wataila, yatiyakupuuka, pano ingazo zyako izitika mu matipa.’


Alino akalamba ya vita yonsi na Yoanani, umwana umonsi wakwe Kaleya, Azaliya, umwana umonsi wakwe Hosyaya na antu yonsi, ance na aikolo yiza kuli kasema Yelemiya.


Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”


Lelo cacitike pamulandu wakuti yakasema yakwe yifizye na yasimapepo yakwe yali nu mulandu. Wakukoma antu akaele.


Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.


Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.


Mu wanda ulya antu yalamutumfya. Yene yalamusoweka, mu lwimbo luu ulwa ndosya yati, ‘Twatitononwa ukumalilika. Impanga ino Yawe watwankanya, nayo kwene yatiyaipoka! Ivyalo vitu wavyankanya kuli yao atusenzile mu uzya.’


Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”


Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”


Cii calola mukuti ndakatusya aina Babiloni, umutundu ukalamba nupya uwamaka cuze. Yene yalapitoka umu mpanga zyonsi zya pano nsi kuti yakacimvye nu kupoka impanga zya eneco.


Ala ivyuma vyao vilasampwa, nga na mang'anda yao yalaongololwa. Amang'anda yano yakuula yatalikalamo foo. Na matingi yano yalima yatalamwako waini wayako, awe.”


Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.


Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.


Lean sinn:

Sanasan


Sanasan