Yelemiya 7:3 - Amazwi Yakwe Leza 2013

³ Yawe Wamaka yonsi, Leza wa ina Izlaeli, akuti, “Senulini imiyele inu ya wikazi nga ni vicitwa vinu vino mukucita, nga nani namazumilizya kuti mutwalilile ukwikala mu ncende ii.”

Yelemiya 7:3 Iomraidhean Croise

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

Ezila 10:11

Lelo taizini Yawe, Leza wa vikolwe vinu nupya mwacita na vino watemwa. Muifuntusye ku antu amu mpanga ii, mutaane na aci inu ainamasi.”

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Yelemiya 17:25

Alino lyene aene yao ni ntunguluzi yalingila pa mpongolo zya musumba wa Yelusalemu na maka ya kuteeka ali yamwi na yano Davidi wakweti. Aene kwene yayo pamwi ni ntunguluzi zizi, pamwi na antu aikazi amu Yuda na amu Yelusalemu yaliza ale yakwezile pa maceleta na pa mfwalasi, nga mu musumba wa Yelusalemu mulaya antu avule pee na pee.

Yelemiya 18:11

Ali cino wemo pitanga, yanga ukanene aku Yuda na ikazi yonsi amu Yelusalemu ukuti ne Yawe natinjateyanyizizya uyi, natinjapangila na mapange. Acino zenzukini cila wenga uku miyele inu iipe, cila muntu asenule imiyele yakwe iipe ni vicitwa vyakwe iviipe.

Yelemiya 18:8

lelo umutundu uno napingwilile vivyo wata ukwifya, lyene ningautezela apa uyi uno naupangile ukucita.

Yelemiya 26:13

Ali cino fwandi mwemo zifini sile inzila zinu ziipe, muvwe amazwi yakwe Yawe Leza winu, alino nawe amaelenganyapo akane nu kumuponyezya isyamo lino watasowela panomuli.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 35:16

Mulole lyene vino ana yakwe Yonadabu umwana wakwe Lekabu, yene yawaka ilamulo lino icikolwe cao cayapile. Lelo mwemo mwakanililila sile syonko ukunjela.”

Yelemiya 4:1

Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!