Yelemiya 5:1 - Amazwi Yakwe Leza 2013

¹ “Mwe antu amu Yelusalemu, simulini mu miseo inu! Mucelecensye nu kuilolela! Mulondelezye umu misolo yonsi iyaya mwenemo, tulole ndi cakuti mumazanamo umwi wino akacita visuma nu kwezya ukuya wacumi kuli Leza. Ndi kungaloleka umuntu umwi, wino angaya wacumi kuli Leza, ale lyene ndelela umusumba uu wa Yelusalemu.

Yelemiya 5:1 Iomraidhean Croise

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Masamu 12:1

Ntuule we Yawe! Kusi antu asuma asile penepo, nanti sile antu afumaluke yasila.

Masamu 14:2

Umwi yulu Yawe akalolekesya ana ya antu, apa kulola ndi cakuti pali wenga uwamano, wiyo akasakamala Leza.

Masamu 14:3

Yonsi pamwi yapumba inzila yakowela. Kusi muntu nanti wenga akacita ivisuma, kusi nanti wenga.

Masamu 94:16

Aweni angimilila nu kumvwangila uku aipe?

Mapinda 20:6

Antu avule yakaitanka apa luse lwao. Uzye aweni angazana umuntu umufuma cumi?

Mapinda 23:23

Wemo ule ukale icumi, nupya utezya kucikazya. Ukale na mano, icuvwilo nu kwiluka.

Mapinda 8:3

Umupipi na pa mpongolo zya musumba ali pano yakalaizya yati,

Lwimbo lwakwe Solomoni 3:2

Insuka inti, “Awe kankatuke sile, indyatoke mu musumba, ncevyanye mu miseo nu mu masansa, nsuke inzane mukundwe wane. Akula nalondalonda, awe asi wakulola, awe.”

Ezaya 59:4

Mwemo nanti mwaya ku vilye vya milandu, imilandu ino mukalolwela auzo iyalufyengo sile. Mwakomela sile ukusomba ufi apakuti mwemwe icilye camuyela. Mukaya kweneko ala mwatimupanga umwakufyengelekezya auzo.

Yelemiya 2:29

Icani fwandi cino ukuilizyanyizya? Icani cino mwansangukila? Ivyalanda Yawe.

Yelemiya 44:15

Apakuvwa vivyo, aonsi yonsi yano yamanyile ukuti aci yao yatuuzile tuleza utwenyi ubani, alino na anaci yonsi yano yazanyilwe kweneko, ukwikapo sile na ina Yuda aikalanga uku citungu ca Patilosi umu mpanga ya Eguputo, yaasuka Yelemiya yati,

Yelemiya 8:6

Ninkutikila awe cumi ntange nuvwe kuno yakulanda vyampomvu. Kusi nanti wenga wino watazenzuka ku uyi wakwe, wakuti avwange ati, ‘Uzye icani cino nacita?’ Yonsi pyu yali sile apumboke nu kulondela inzila zyao kwati i mfwalasi ino yalucocoma umu nkondo.

Yelemiya 9:2

Lelo kwene ningatemwisya ukuzanako incende imwi umu lwanga, ukwakuti ningaya apakuti mfuntuke ku antu yane, Pano yonsi sile yatalama, nupya yene iuvi lyakwe yacisanguka.

Yelemiya 9:7

Caleka pamulandu wakwe cico Yawe Wamaka yonsi wavwanga wati, Namaengulula antu yane wa mukuwa nga lyene njezye nu kuyezya. Antu yane yacita iviipe. Uzye lyene icani cuze cino ningayacitila?

Ezekelo 22:30

Nemo nakasi ukuti wenga angakuula iciumba, aimilile na pa cipongo pano iciumba catuluka, pakuti awino apokolole kweneko impanga, lino nemo ndalonda ukuyonona uku ukali. Lelo ntalolapo nanti wenga.

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Danieli 12:4

Lyene wene anena ati, “Lelo wemo, we Danieli, kupika ulupapulo nu kwikapo icimanyililo ukufika uku nsita ya mpela ya nsi. Pali ndakai, antu avule yamaezyanga ukumanya ivikucitika.”

Yowelo 2:9

Nga yatampukila umusumba uo, iyaukwelela papela ya malinga. Alino yingila muli cila ng'anda, ala yakukwela apa mawindo wa ivi.

Amosi 8:12

Antu yalakawala konsi konsi ukutandikila sile kuli yemba wenga mpaka kuli yemba muze, nga yafume yakulondalonda amazwi yakwe Yawe ukufuma ku katutu mpaka ku ufumondaka. Lelo yatalayazana, awe.

Zakaliya 2:4

Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’

Luka 14:21

“Alino muomvi waswililemo aya anena mwene wakwe vii vyonsi. Lyene mwine wa ng'anda asoka, nga anena muomvi wakwe ati, ‘Pitisya yanga mu miseo nu mu masansa amu musumba, ukalete kuno apina, yakasinta, impafu, ni vilema.’

2 Tesalonika 2:10

Wene alaomvya inkota pa kusomba yao yano yalalowa. Antu yao yalalowa pamulandu wakuti yatazumile nu kutemwa cumi pakuti yatuulwe.