Yelemiya 4:11 - Amazwi Yakwe Leza 2013

¹¹ “Umu nsita ilya yalumila umutundu kwene uu na antu amu Yelusalemu imbila yati, Umuza ukaye auwa ukufuma mu lwanga, ukwizila mwe antu yane. Wene usikwiza mu kumwelulula ndi vino ukaelulula ingano, awe.

Yelemiya 4:11 Iomraidhean Croise

Masamu 11:6

Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.

Ezaya 22:4

Caleka navwanzile inti, “Senkini pano, munte sile ne mweneco nalukulila nu kulumanya incecete. Mutaezya nu kuntekezya, apakononeka kwa antu yane.”

Ezaya 27:8

Wene wayapezizye wakwe cimwi apakuyazingila ku mpanga ya inamasi. Wayulula ku muza wakwe ukali, uwaya wa cipunga icikafuma ku ufumondaka.

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Yelemiya 13:24

Ala mwemo yayame Yawe alamwelulula wakwe cungu. Mulasendwa nu muza uno ukafuma mu lwanga.

Yelemiya 14:17

Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

Yelemiya 23:19

Icipunga ca ukali wakwe Yawe caticikatuka, na nkungulupya kwene watakatuka wiyo wino alaponela pa mitwe ya antu aipe.

Yelemiya 4:12

Umuza uo uno ukwiza api lamulo lyakwe Yawe, wene ulaya ukome ukuluta. Yawe umwisikulu aliwe akuma imbila ya uputuzi pa antu yakwe.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Yelemiya 9:7

Caleka pamulandu wakwe cico Yawe Wamaka yonsi wavwanga wati, Namaengulula antu yane wa mukuwa nga lyene njezye nu kuyezya. Antu yane yacita iviipe. Uzye lyene icani cuze cino ningayacitila?

Nyimbo zya ndosya 2:11

Amanso yane yatiyatontekana pamulandu nu kulila. Umwenzo wane pasi pakunyongoloka. Amaka yatiyasila pamulandu wakwelenganya vino antu yane yononwa. Ana anono kumwi nu tunya yakufwa ulwezwe mu misolo ya musumba pamulandu nu lusala.

Nyimbo zya ndosya 3:48

Mu manso yane mukukonkoloka sile aminsozi kwati amanzi, pamulandu wa ononesi wa antu yane.

Nyimbo zya ndosya 4:10

Anaci nanti angala yakweti uluse uli, yasusile yeleka ana yao nu kuyalya pamulandu nu uzanzo uwaponile antu yane.

Nyimbo zya ndosya 4:3

Na yankusa kwene yakaonsya ana yao, lelo antu yane yakoline ni mbuni mu lwanga, azauke ku ana yao.

Nyimbo zya ndosya 4:6

Antu yane yatiyavunukwa ukuluta navino cali ku ina Sodoma, yayo aononyilwe mu kupumikiziwa nupya kutali uwakuyazwa.

Ezekelo 17:10

Ukulemwa kuno walemwa, uzye ulalemuka? Uzye utalanyala, umuza waku ufumondaka ndi wapunga kuno uli? Ala ulumila pa musili kwene pano wamelela.’”

Ezekelo 19:12

Lelo antu acipyu yene iyautukula, yauwisya na pansi. Iviseekwa vyakweo ali pakuuma, pamulandu wa muza waku ufumondaka. Imisambo yakweo nayo ikontoka, yuuma ipya nu ku moto.

Oseya 13:15

Nanti angala aina Izlaeli yakukula ningo wa vikona, ndatuma umuza ukaye waku kayeya, uno ulafuma mu lwanga nu kwiza kamya utufukoka kumwi ni vifula vya manzi. Anisi yalonona icuma cakwe ca mutengo ukome.

Oseya 13:3

Acino antu yaa yalakolana na kungwi, wino akasalangana umu katondo, yalakolana nu lumi ulukakuntika katondotondo.

Oseya 4:19

Yene yalafumiwapo ungati icintu cino casendwa na nkungulupya, nga yaluvwa ni nsonyi apamulandu wa mpolelwa zyao zya inamasi.

Habakuku 1:11

Lyene yaleluka wa muza, iyapita. Antu yayo amaka yao ali Leza wao.”

Habakuku 1:6

Cii calola mukuti ndakatusya aina Babiloni, umutundu ukalamba nupya uwamaka cuze. Yene yalapitoka umu mpanga zyonsi zya pano nsi kuti yakacimvye nu kupoka impanga zya eneco.

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Luka 3:17

Wene akweti ulupe ulwakwelela, kuti aele ingano zyonsi, azikolonganike nu kuzisezya mu nkoma yakwe. Lelo mapumbu alayoca mu moto usyazimiwa.”