Yelemiya 4:10 - Amazwi Yakwe Leza 2013

¹⁰ Lyene nani imvwanga inti, “Yawe Simwandalali, silola vino cili kwati watusomba antu amu Yelusalemu! Wemo walanda ukuti kutalaya umutende, lelo ulupanga lwatilwekamila apa nsingo zitu.

Yelemiya 4:10 Iomraidhean Croise

Kufuma 5:22

Lyene Mose aya ku kupepa kuli Yawe, nga apepa ati, “Yawe, uzye pacani cino ukucuzya antu yako? Uzye pacani cino wantumile kuno?

Kufuma 9:14

Insita ii ntalavunuka sile yacilolo yako na antu yako lelo nawe kwene ndakuvunuka, pakuti umanye ukuti kusi umwi uwakolana nani mu nsi yonsi.

Ezaya 30:10

Yakanena yakalola yavilolwa, iyati, “Mute ukulola ivilolwa!” Nga na kuli yakasema nako iyati, “Mwemo mute ukutunena ivintu vyacumi, ivikatucisa uku myenzo. Mwemo mwatunena ivikatusansamusya. Muleke sile swemo twacita vino tuweni ukuti avino vyati vilola mwenemo.

Ezaya 37:35

Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”

Ezaya 63:17

Uzye lyene pacani cino watutuleka kuti twapumba umu nzila zyako? Uzye pacani cino watuleka kuti tuye aumalale, twakana nu kukoopa? Weluluka, ungala sile ulolekesye aomvi yako yano yakakutumikila, yano yaya antu yakwako sile.

Yelemiya 1:6

Nani ali pakwasuka inti, “Iye, we Yawe Simwandalali! Lola nemo nene mwance, nupya ntamanya ivyakuvwanga.”

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

Yelemiya 32:17

“Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.

Yelemiya 4:18

“Endi, mwe ina Yuda amwemwe mwailetelela sile mwenga uku mikalile inu. Uyi winu auno wamuletelela uku macuzi yaa. Lyene mwatimucekama sile pamulandu nu kucula, ni myenzo inu nayo pasi paukali.

Yelemiya 5:12

Antu yakwe Yawe yatiyamukana nga yavwanga yati, “Kusi cino Yawe alacita nupya kusi iciipe cimwi icilatuponela. Tutalatala tuponelwe ni nkondo nanti cipowe.”

Yelemiya 6:14

Yene yakanyepela icilonda ca antu yane mu kusakaizya ala yakuti, ‘Ulongo, ulongo,’ nalino kusi ulongo.

Yelemiya 8:11

Yene yakanyepela icilonda ca muntu wane umu kusakaizya, ala yakuti, ‘Ulongo, ulongo, nalino kusi ulongo.

Nyimbo zya ndosya 2:21

Akote na ance ayaya yatuzi mu miseo, yatiyafwa. Anisi yatiyakomola alumendo na akazyana ku malupanga. Awewe wayakomozile ukwaula nu luse, uwanda uno wasosile ukali ukali.

Ezekelo 11:13

Lyene mwalola, nalikwene lino nkusema, Pelatiya umwana wakwe Benaya awiyo wafwa. Nga nani inkupama pansi indaizya ni zwi ilikalamba inti, “Kalanda we, we Simwandalali Yawe! Uzye umala umalile ni nsyazi kwene izyasyalapo umu ina Izlaeli?”

Loma 1:24

Acino Leza wayafutatila kuti yangacita vya nkota vya lunkumbwa lwa myenzo yao, yasuke yacitilana ni vya nsonyi vya kusausya miili yao.

Loma 1:26

Pamulandu kwene uu Leza wayafutatila kuti yalondele vilondwa vyao vya nsonyi. Anaci yakuulungana na anaci yauze, mu musango utalinzile kucita.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.