Yelemiya 4:1 - Amazwi Yakwe Leza 2013

¹ Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Yelemiya 4:1 Iomraidhean Croise

Utandiko 35:2

Caleka Yakobo anena amu ng'anda yakwe na yonsi ali nawe ati, “Sumbini tuleza twa inamasi tuno muli nato, muisangulule muzwale ivizwalo visuma.

2 Yamwene 23:13

Yosiya aomola incende zyaku pepela mwenemo utuluwi utwayelile lwaku ufumondaka wa musumba wa Yelusalemu lwaku kaeya ka mwamba ukaamwa ukuti Mwamba wa Miolivi, muno yapepelanga utuluwi twawinyi utuli wakwe Asyitaloti, kaleza kanaci aka ku Sidoni, Kemosyi, kaleza kaku Moabu, na Moleki, kaleza ka ina Amoni.

2 Yamwene 23:24

Mu manda kwene yayo Yosiya wazinzile antu yonsi auzyanga uku mipasi ya antu afwe na asapolanga umu mpanga yaku Yuda nu mu Yelusalemu kwene. Wafumizye nu tuluwi tuno yapepanga wakwe tuleza, tuto tonsi utwali umu ng'anda pamwi ni vintu vyonsi vino antu atamanya Yawe yaomvyanga apa kupepa. Wene wacisile cii apa kufikilizya amasunde amu lupapulo luno Simapepo Mukulu Hilikiya wazanyile umu Ng'anda ikulu yakwe Yawe.

2 Milandu 15:8

Walanga Asa uvwa amazwi yakwe kasema Azaliya umwana umonsi wakwe kasema Odedi, awe mukwai akomeleka nu kukomeleka. Atamola nu tuluwi tonsi utwali umu mpanga ya Yuda ni mpanga yakwe Benjamini. Aonona kumwi nu tuluwi kwene utwali umu misumba ni mizi ino wapokolwile, umu mpanga yakwe Efulemu iya myamba. Ali pakukuula na kavuwa kakwe Yawe cipya cipya kano kayelile umu musolo wakasi lwaku Ng'anda ikulu yakwe Leza.

2 Milandu 33:8

Ndi cakuti antu amu lzlaeli yayela amasunde yane, nu kusunga ivyeo vyane vino umuomvi wane Mose wayapile, lyene ntalazumilizya kuti umuntu nanti wenga ayafumye umu mpanga ino napiile ivikolwe vyao.”

2 Milandu 34:33

Umwene Yosiya ali pa konona utuluwi tonsi utwa ina Izlaeli utwali umu mpanga ilya. Amanda yonsi yano Yosiya watenzi pano nsi, wene walondesyanga wakwe cimwi ukuti aina Izlaeli yatumikila sile Yawe Leza wa vikolwe vyao. Ali vino antu yayo yatwalilile uku tumikila Yawe mu manda yonsi aumi wakwe Yosiya.

Ezaya 31:6

Nupya Leza wavwanzile ati, “Mwe ina Izlaeli icumi mwaifya wakwe cimwi kunondi, mwalunda penepo nu kuntalamila. Ali cino fwandi welini kunondi.

Yelemiya 15:19

Caleka Yawe avwanga ati, “Ndi cakuti waweluluka kunondi, ndakuwezya ku mulimo wakuntumikila. Ndi cakuti walanda vyampomvu, ivisi vyasilesile, lyene ulaya wa mulomo wane. Antu yaa yalaweluluka kunuli, lelo wemo citalinzile ukuya kunoyali.

Yelemiya 15:4

Nupya ndalenga ukuti antu yonsi panonsi yaizakazila sile uku ntete apa kulola ivintu vivyo, pamulandu wa vintu viipe vino Manase umwana umonsi wakwe Hezekiya wacisile mu Yelusalemu lino wali umwene waku Yuda.”

Yelemiya 18:11

Ali cino wemo pitanga, yanga ukanene aku Yuda na ikazi yonsi amu Yelusalemu ukuti ne Yawe natinjateyanyizizya uyi, natinjapangila na mapange. Acino zenzukini cila wenga uku miyele inu iipe, cila muntu asenule imiyele yakwe iipe ni vicitwa vyakwe iviipe.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Yelemiya 25:5

Yene yamunena apa kufutatila inzila zinu iziipe izya mikalile inu, na pa vicitwa vinu iviipe, apakuti mungatwalilila ukwikala mu mpanga ino Yawe wapile kuli mwemwe nu ku vikolwe vinu, kuti itwalilile kuya impanga inu amanda pe.

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Yelemiya 3:12

Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 36:3

Nalimwi Ayuda ndi cakuti yuvwa uyi onsi uno napingila kuyacitila, yangafuntuka ku nzila zyao iziipe, apakuti nani njuvwileko uluse ku uyi wao nu ku maifyo yao.”

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Yelemiya 7:3

Yawe Wamaka yonsi, Leza wa ina Izlaeli, akuti, “Senulini imiyele inu ya wikazi nga ni vicitwa vinu vino mukucita, nga nani namazumilizya kuti mutwalilile ukwikala mu ncende ii.”

Yelemiya 7:5

“‘Mucumi ndi cakuti mwasenula imiyele inu ya wikazi nga ni vicitwa vinu vino mukucita, nu kusakamala ukukana fyengana,

Yelemiya 7:7

lyene ndaleka mwikale mu ncende kwene ii, mu mpanga ino napiile ivikolwe vinu kuti iye caupyanyi amanda pe.

Ezekelo 11:18

Lino yalawela mu mpanga iyo, yalinzile yafumyamo utuluwi twao tonsi utwipe nupya utwawinyi.

Ezekelo 18:13

akaliila muli vino wazimisya nu kupoka tunsonse, umwana wiyo aakacita iviipe vii vyonsi vyawinyi atalaya nu umi, lelo alafwa nga nu wazi wakwe ulaya pa mutwe wakwe umweneco.

Ezekelo 43:9

Lyene ndakai kayale yazenzuke ku upefi wao wa tuluwi, nga yasisye ni viimbili vya tuluwi vyakwe yamwene yao. Lyene alino ndikala apakasi kao amanda pe.

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Oseya 2:2

“Kalipila nyoko, si ule umukalipile, pano wene asi umuci wane, nga nani insi iya. Mu mupapate kuti ate uzelele, nga nu kuntatailwa.

Oseya 7:16

Yene yasiseleukila kuli Leza wapapelapela, lelo yakaya ku tuluwi. Yakoline wa ulapwa uononeke. Intunguluzi zyao zilakomwa ku lupanga, pamulandu wakuti yene yakalanda vyakunsausya. Acino aina Eguputo yalayaseka wakwe cimwi.”

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.

Malango 27:15

“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 4:30

Lino mulaya mu ucuzi nga na lino ivintu vii vyonsi vilamucitikila, lyene ali lino mulaseleukila kuli Yawe Leza winu nu kumuyela.

Yoswa 24:14

Lyene Yoswa atwalilila kuvwanga ati, “Fwandi lyene mulinzile koopa Yawe nu kumutumikila umucumi nu mukutailwa. Sumbini tuleza tuno ivikolwe vinu vyapepanga ku mbalama ya Luzi lwa Yodani nu mu Eguputo, nga mwatumikila Yawe.

Yakapingula 10:16

Acino aina Izlaeli iyasumba tuleza utwa inamasi nga iyatumikila Yawe. Nga Yawe auvwila aina Izlaeli ulanda pa ntazi zyao.

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”