Yelemiya 3:1 - Amazwi Yakwe Leza 2013

¹ Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Yelemiya 3:1 Iomraidhean Croise

Masamu 106:38

Yazwisya nu wazi wa antu akaele, uwazi wa ana yao aonsi na anaci, yayo yano yatuulile utuluwi twaku Kenani, yasuka yakowezya ni mpanga yao uku wazi uo.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Yelemiya 2:23

Ungavwanga uli ukuti utaikowezya nupya utalondelanga Baali? Tala lola vino waifizye umu cifoloma ca Beni Hinoni, elenganya pali vino wacisile. Wemo icili conga ni ngamila yakaci ino ikusimula kuu na kuuku.

Yelemiya 2:7

Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Yelemiya 22:20

Yangini ku Lebanoni mwe ina Yelusalemu mwe, akuno mukapunde, yangini ku mpanga ya Basyani. Yangini mukalaizye ukufuma mu myamba yaku Moabu, pamulandu wakuti yonsi yano mwalemana nayo yatiyacimviwa.

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Yelemiya 3:9

Wene amaangupazya uzelele wakwe, wasuka wakowezya ni mpanga. Wacitanga uzelele ku mawe nu ku miti.

Yelemiya 31:22

Uzye ulazingota mpaka lilaci, we mwanaci mutalami? Pano Yawe watacita icintu cipya panonsi. Aeci cakuti umwanaci wataswilila kuli iya.

Yelemiya 4:1

Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Ezekelo 16:26

Wacitanga ucizelele na ina Eguputo yacizelele yakulu, ali yano mwalongozyanga nayo wasuka wamvulumwila ni cipyu.

Ezekelo 16:30

Yawe Simwandalali wati, “Kalanda we! Vino umwenzo wako watovoka, imicitile yako ikoline nu mwanaci cizelele umukamuke!

Ezekelo 16:35

Lyene we Yelusalemu cizelele wakantu, uvwa vino ne Yawe nkukunena!

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Oseya 1:2

Lino Yawe watandike ukuvwangila muli Oseya, wene wamunenyile ati, “Pita uye ukasake umwanaci cizelele nga akuvyalile ana yano yatalaya acumi. Pano antu amu mpanga ii yamfutatila nupya yasi acumi.”

Oseya 2:2

“Kalipila nyoko, si ule umukalipile, pano wene asi umuci wane, nga nani insi iya. Mu mupapate kuti ate uzelele, nga nu kuntatailwa.

Mika 2:10

Katukini, mwapita! Pano pa cifulo ci patacili umutende. Amaifyo inu yatiyaletelela icifulo cii ku ononesi.

Zakaliya 1:3

lelo ndakai ne Yawe Wamaka Onsi nkumunena ukuti welelini kunondi, nga nani namawela kunomuli.

Mateo 5:31

“Nupya cavwanzilwe ukuti, ‘Muntu wensi uwata umuci wakwe, alinzile kumupeela kalata wakutaana.’

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.

Yakapingula 19:2

Lelo iyapusana ni ya aswilila kuli isi ku Betelemu, mu mpanga yakwe Yuda. Pacisila ca kwikala kuku pa myezi ini,