Yelemiya 26:5 - Amazwi Yakwe Leza 2013

⁵ nu kusumba amano ku mazwi ya aomvi yane yakasema yano nsi tonta ukumutumila. Lelo mwemo musitala muvwa vino yakumunena.

Yelemiya 26:5 Iomraidhean Croise

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

2 Yamwene 17:23

Suka apakusyalikizya Yawe ayafuntusya uku cinso cakwe ndi muno walanga walandila ukupitila muli yakasema aomvi yakwe. Ali vino aina Izlaeli yasenzilwe ukunzi umu uzya uku Asilya kuno yacili yakaikala na ndakai kwene.

2 Yamwene 24:2

Yawe ali pakutumila Yeoyakimu ivita vya nkondo ukufuma uku Babiloni, uku Asilya, uku Moabu, pamwi ni vya ina Amoni, apakuti viye vikonone impanga ya Yuda, wakwe muno yakasema, aomvi yamwene yalandile ukuti ali muno Yawe alacitila.

2 Yamwene 9:7

Uce ukome umwene, umwana wakwe Aabu, pakuti ince impezye namwene Yezebele apa kukoma yakasema na aomvi yane.

Ezila 9:11

yano watupile ukupitila mu yaomvi yako yakasema. Yene atunena ukuti impanga ino mukuya mwenemo ikowele pano antu aikala mwenemo yikalila ukucita vyawinyi ukufuma ku lusansa longa mpaka ukufika nu ku luze kwene.

Yelemiya 11:7

Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.

Yelemiya 29:19

Pano yene yakana ukuvwa amazwi yane, nanti angala ntatazile inte ukuyatumila aomvi yane yakasema. Yakananga ukuyuvwa.” Ivyalanda Yawe.

Yelemiya 32:33

Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 35:17

Caleka fwandi Yawe Wamaka yonsi Leza wa ina Izlaeli wavwanga wati, “Ndaletela aina Yuda na ina Yelusalemu yonsi isyamo lino nayanenyile. Pasi pano nemo nayanenyile, lelo yakana ukunguvwa. Nayamile nayo yakana ukwaasuka.”

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Yelemiya 7:25

Ukutandikila sile pa wanda uno ivikolwe vinu vyafumile umu Eguputo ukufika ni lelo kwene, nemo natwalilile ukumutumila aomvi yane, yakasema.

Ezekelo 38:17

Yawe Simwandalali wavwanga wati, ‘Awewe navwanzile umu nsita yampiti, lino aomvi yane yakasema amu Izlaeli, yasesime umu manda yalya, iyasowela ukuti ulayizila.’ ”

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Umbwilo 10:7

Lelo lino mungeli uwalenga cinimbali alalizya ntandala yakwe, lyene Leza alafikilizya kuteyanya kwakwe ukwa nkama, ndi vino walavile kuli yakasema aomvi yakwe.”

Umbwilo 11:18

Antu atakuzumila yali ni cipyu lelo insita ya ukali wako yatifika. Ii ili nsita yakuti afwe yapingulwe. Insita yatifika ya kupeela vilambu ku yaomvi yako, yakasema nu ku antu yako yonsi yano akucindika, akulu na anono kwene. Insita yatifika ya konona yao akaonona insi!”