Yelemiya 26:3 - Amazwi Yakwe Leza 2013

³ Limwi yangasuka yuvwe nu kuta imisango yao iipe. Nani namasuka njatezele api syamo lino napingula kuyaletela pa vicitwa vyao iviipe.”

Yelemiya 26:3 Iomraidhean Croise

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

1 Yamwene 21:29

“Uzye watulola vino Aabu waicefya? Pa kuicefya kuno wene waicefya pa manso yane, ntalamuletela imipamba amanda yonsi yano alikala pano nsi. Lelo ndaletela ang'anda yakwe imipamba mu manda ya umi wa mwana wakwe umonsi.”

Yelemiya 26:13

Ali cino fwandi mwemo zifini sile inzila zinu ziipe, muvwe amazwi yakwe Yawe Leza winu, alino nawe amaelenganyapo akane nu kumuponyezya isyamo lino watasowela panomuli.

Yelemiya 26:19

Umwene Hezekiya wa Ayuda pamwi na antu yonsi yatakomile Mika foo. Uzye yene yatoofile Yawe nu kumupapata apakuti atayaletela isyamo lino walanga wapanga ukuyacitila? Uzye swemo twifye imyenzo itu uku uyi ukulu ndi uu?”

Yelemiya 36:3

Nalimwi Ayuda ndi cakuti yuvwa uyi onsi uno napingila kuyacitila, yangafuntuka ku nzila zyao iziipe, apakuti nani njuvwileko uluse ku uyi wao nu ku maifyo yao.”

Yelemiya 36:7

Limwi yangasuka yapapate kuli Yawe yate ni misango yao iipe. Pano kwene Yawe wayapangila wakwe cimwi, ukuyacitila cimwi cikali nupya cipyu cipyu.”

Ezekelo 12:3

Caleka, we mwana wa muntu, nyepa icifunda cako cakusenda ku uzya. Nga lyene ukatuke apa ulendo umusanya, lino antu yayo yakukulola, ukacite ungati ukuya mu uzya ukufuma ku mwinu ukuya ku mpanga ya inamasi. Limwi antu yayo yangiluka, nanti angala yene acisanguka.

Ezekelo 18:21

“Umuntu umwipe ndi wata ukwifya, amalondela na masunde yane yonsi, amacita ni vyaulungi nupya ivisuma, umuntu wamusango uo atalafwa foo, lelo alaya nu umi.

Oseya 11:9

Ntalakuvunuka mu ukali wane, ntalakonona we Efulemu, pano nene indi Leza, insi muntu awe. Nene, Wamuzilo wilya, indi namwe. Nupya ntalawela kunomuli ku kwiza monona.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.