Yelemiya 26:2 - Amazwi Yakwe Leza 2013

² “Imilila mu musolo wa ng'anda ya Mwene nu kuvwanga vino ninkunena ku antu yano yafuma mu misumba yaku Yuda, nu kwiza kuno ku kupepa. Utasya nanti conga pa kuyanena.

Yelemiya 26:2 Iomraidhean Croise

Yelemiya 1:17

Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Yelemiya 1:7

Lelo Yawe anena ati, “Utalanda ukuti wewe mwance. Ulinzile ukuya ku muntu ali wensi wino nakutuma kweneko, nu kuyamunena ilamulo lyane.

Yelemiya 19:14

Lyene ne Yelemiya imfuma ku Tofeti, kuko kuno Yawe wantumile ku kukosola ilandwe. Alino inja nimilila mu musolo wa Ng'anda ikulu yakwe Leza nga nena antu yonsi

Yelemiya 23:28

Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Yelemiya 25:2

Navwanzile ku antu yonsi amu Yuda nu mu Yelusalemu

Yelemiya 28:5

Nga alino lyene apa manso yakwe yasimapepo na antu yonsi inaasuka Hananiya mu ng'anda yakwe Yawe inti, kaciye vivyo kwene!

Yelemiya 36:10

Alino Baluki nawe ayawelengela amazwi yano yali mu kalupapulo, yano Yelemiya wamunenyile. Lilyo ala antu yonsi yakukutikila kuli Baluki. Apa kuwelenga Baluki wali mu Ng'anda ikulu yakwe Leza, mu muputule wakwe Gemaliya umwana wakwe Syafani kalemba wakwi sano. Umuputule wakwe, wayelile mu musolo wa papela, apa wingililo wa Mpongolo ya Ng'anda ikulu yakwe Leza, muno antu yonsi yanguvwa ningo.

Yelemiya 42:4

Yelemiya aasuka ati, “Namuvwa sana, namamulengela kuli Yawe ndi muno mwati muuzizya kwene. Indi nu kumunena vyonsi vino Yawe amalanda, nupya ntalamufisa nanti kamwi,”

Yelemiya 7:2

“Yanga ukimilile pa mpongolo ya Ng'anda ikulu yakwe Leza. Ali pano ume imbila uti, ‘Mwe ina Yuda mwensi mwemuno mukaingilila pa mpongolo zii ku kupepa Yawe, uvwini amazwi ya Mwene.

Yelemiya 7:27

Acino wemo nanti umayanena amazwi yaa yonsi, yatalakuuvwa awe. Ulayaama, lelo yatalazumila awe.

Ezekelo 3:10

Nupya Leza atwalilila ati, “We mwana wa muntu, uwawaka amazwi yonsi yano nkukunena. Ukutike ningo na matwi yako.

Ezekelo 33:7

“Fwandi wemo we mwana wa muntu, nemo nakucita kalinda wa mutundu onsi wa ina Izlaeli. Awewe nomba umayaceulanga kuli vino nemo namakunenanga.

Ezekelo 40:4

Alino umuntu wiyo anena ati, “We mwana wa muntu, lolekesya ningo nu kukutika ningo, uteke nu mwenzo kuli consi cino namakulanga pano ali cino yakuletile kuno apakuti nkulangilile. Nupya ali vino uli nu kumanyisya ang'anda yakwe Izlaeli vyonsi vino umalola.”

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Luka 19:47

Manda onsi Yesu wasambilizyanga mu Ng'anda ikulu yakwe Leza. Yasimapepo akalamba, yakasambilizya ya Masunde, ni ntunguluzi zya antu amu Yudeya, yalondanga ukumukoma.

Yoane 18:20

Yesu amunena ati, “Nsita zyonsi navwanganga paswe kuli cila muntu. Kusambilizya kwane konsi kwacitwanga mu mang'anda yamapepo, nga nu mu Ng'anda ikulu yakwe Leza, muno Ayuda yonsi yakongananga. Ntatala navwanga cimwi mu nkama.

Yoane 8:2

Katondo tondo pa wanda uwalondelile aya aingila mu Ng'anda ikulu yakwe Leza. Antu yonsi yamuunganila, nga aikala pansi atandika kusambilizya.

Milimo 20:20

“Mumanyile ukuti ntafisile cimwi icingaya ica kumwazwa lino nakosozile nu kusambilizya pa lwalala nu mu mang'anda inu.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Milimo 5:25

Lyene umuntu umwi aiiza ayanena ati, “Uvwini! Antu yano mwayalile mu ng'anda yaminyololo yali mu Ng'anda ikulu yakwe Leza, yakusambilizya antu.”

Milimo 5:42

Cila wanda atumwa yatwalilile kusambilizya mu mang'anda ya antu nu mu Ng'anda ikulu yakwe Leza, nga nu kukosola Ilandwe Lisuma ilyakuti Yesu ali Katuula.

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Yoswa 8:35

Kutasiile izwi nanti lyonga mu masunde yano Mose wapile lino Yoswa atawelenzile pa manso yi uvi lyonsi lya ina Izlaeli, ukwika pamwi na anaci na ana, nga na inamasi aikalanga pakasi kao.

Umbwilo 22:19

Muntu umwi ndi alasisyako izwi limwi pa mazwi ya usemo amu lupapulo luu, Leza nawe alasisyako ku vizao vino ali nu kupelwa vyaku muti uno ukapeela umi, nga nu kukuma ku musumba ukulu uwamuzilo, ndi vino vyalondololwa mu lupapulo luu.