Yelemiya 23:3 - Amazwi Yakwe Leza 2013

³ Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Yelemiya 23:3 Iomraidhean Croise

Masamu 106:47

Ala ule ututuule, we Yawe Leza witu, ungala utupususye, utufumye umu inamasi, utukonganike apakuti twalumba izina lyako lyamuzilo, nu kuti tulole nu kuzangila mu ucindami wako.

Yelemiya 16:15

Lyene yalasenuka yalanda yati, “Umwi zina lyakwe Leza wa umi, wino wafumizye aina Izlaeli mu mpanga yaku katutu nu mu mpanga zyuze zyonsi muno yasalanganile. Pano ndayawezezya umu mpanga yao ino napiile ivikolwe vyao.”

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 31:7

Pano Yawe wavwanga wati, “Imbilini Yakobo nu luzango, mumilini tupundu twa nsansa. Zangilini ntunguluzi ya mitundu. Pongomokini, lumbanyini, mupunde muti, ‘Yawe watakulula antu yakwe, impondo zyakwe Izlaeli.’

Yelemiya 31:8

Silola, ndayawezya ukufuma ku kayeya, ndayakolonganika kufuma ku mpela zya pano nsi. Yonsi pyu impafu ni vilema, umwanaci anyomelile na wino ali pakulela, yonsi yalaweluluka kuno wi umba lino litaikulila.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Yelemiya 46:27

Lelo wemo we muomvi wane Yakobo, utoopa, utazakaza, we Izlaeli. Pano apanondi namakupususya uku mpanga zya kutali, alino napakufumya ana yako mu mpanga ya uzya wao. Yakobo alikala umu mutende nga kutalaya uwakumucuzya nupya.

Yelemiya 50:19

Alino ndaswilizya Izlaeli kwi cemelo lyakwe, alalya cakulya cakwe ku mwamba wa Kalimeli ku citungu ca Basyani. Nupya alalya mpaka aiine, atelepe mu mpanga yakwe Efulemu nu mu Gileadi.

Yelemiya 8:3

Alino asyala yano yalapusuka ku luko kwene lulo ulwipe yalatemwa imfwa kuluta ukuya nu umi, ukuli konsi kuno ndayazingila. Vii ivyalanda Yawe Wamaka Yonsi.”

Ezekelo 11:17

“Caleka uyanene vino, ne Yawe Simwandalali, nkulanda. Nemo ndayakolonganika ukufuma mu mpanga muno nayasalanganyizizye, nu kuyawezezya impanga ya Izlaeli.

Ezekelo 36:11

Nemo ndavuzya antu, ndavuzya ni viteekwa kwene. Mulavulilako ukuluta vino mwali mpiti, nupya mulakwata na ana avule. Ndaleka muce mwaikala ndi vino mwikalanga mpiti, nupya ndaleka mukaye ni cituku vino citatazile ciye kuno muli apa mpiti. Lyene ali lino mulamanya ukuti nene indi Yawe.

Ezekelo 36:24

Pano nemo ndamufumya ku antu ya mitundu yuze, ndamukolonganika ukufuma ku mpanga izyenyi zyonsi nu kumuwezezya umu mpanga inu.

Ezekelo 36:37

Nupya Yawe Simwandalali avwanga ati, “Vino nemo ndacita, vilaluta pali vino navwanga. Ndaleka aina Izlaeli yace yautukila kunondi pakuti nce nayazwako. Ndaleka yakasandulukisye wa ufyo wa mfwele.

Aina Levi 26:9

Nkaamupolelela nu kulenga kuti muvyale ana avule cuze. Nkaasunga cipangano cane cino nacisile kunomuli.

Mika 2:12

“Lelo mwe amu mupanda wakwe Yakobo, ndamukonganika pamwi mwensi. Mwensi mwe ina Izlaeli asyala ndamukonganika pamwi ungati mfwele mu citata, ungati ufyo umu ncende ya uko iyakucemelamo. Nupya kwene antu yalazuula wakwe cimwi mu mpanga inu.

Mika 7:12

Mu wanda ulya antu yako yalawela kunuli ukufuma ku Asilya ukufika nu ku Eguputo kwene, ukufuma ku Eguputo ukufika nu ku Luzi lwa Yufulate kwene, nu kufuma kuli yemba wenga ukufika nu ku muze kwene, ukufuma ku mwamba onga ukufika nu ku uze kwene.