Yelemiya 21:2 - Amazwi Yakwe Leza 2013

² “Twapapata mutuzizyeko kuli Yawe, pano lyene Nebukadineza umwene waku Babiloni ni vita vyakwe yakulwisya umusumba uu. Limwi lyene Yawe angatucitila ivizungusyo vimwi ivingapatikizya umwene Nebukadineza kuswilila.”

Yelemiya 21:2 Iomraidhean Croise

Utandiko 10:10

Pa kutandika kwa wene wakwe Nimulodi wateesile imisumba ya Babeli, Eleki, na Akadi, na yonsi itatu yali mu mpanga yaku Syinala.

2 Yamwene 1:3

Lelo umungeli wakwe Yawe anena Eliya umwina Tisyibe ati, “Katuka yanga ukakomenkanye inkombe zya mwene waku Samaliya nga uzyuzye uti, ‘Uzye icani icalenga kuti uye ku kusapola kuli Baali Zebubi, kaleza ka antu aku Ekiloni? Uzye mukwelenganya ukuti mu mpanga ya Izlaeli mutaya Leza, vwile?’

2 Yamwene 17:24

Pacisila cakwe vii umwene waku Asilya wasenzile antu ukufuma mu misumba ii: Babiloni, Kuta, Ava, Hamati, na Sefalavaimu. Ayaleta kuti yize yikale mu misumba yaku Samaliya, umwikalanga aina Izlaeli yano yasenda uzya. Yakukile umu misumba ilya amuno iyaikala.

2 Milandu 32:21

Yawe nawe ali pakutuma umungeli, uwakomozile asilika mu nkambi ya ina Asilya. Fwandi ali vino umwene waswilile uku Asilya ala ni nkopyo zyatizilambalala uku nsonyi. Uwanda umwi ala ali umu ng'anda ikulu yakwe leza wakwe, ana yakwe yamwi yano waivyalile umwisikulu, ali yano yamutotozile na masumo, afwa nu kufwa.

Kufuma 9:28

Imvula ya mawe nu kupangalansya vyaluta muno. Acino pepini kuli Yawe. Nalaya ukuti namamuta mupite, mutakwikala muno mpanga ya Eguputo nupya.”

Ezaya 48:2

Pano kwene mukayama mweisikulu ukuti mwemwe ikazi amu musumba wamuzilo. Nu kutaila sana muli Leza wakwe Izlaeli, wino izina lyakwe a Yawe Wamaka yonsi.

Yelemiya 15:11

Yawe, sileka ivitipu vyao vyonsi vimponele ndi cakuti nsikutumikila ningo, nu kupapatila anisi yane umu nsita ino intazi na malanda vyayaponile.

Yelemiya 21:3

Alino lyene Yawe avwanga kunondi nga nani nena antu yano yatumilwe kunondi

Yelemiya 32:17

“Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Yelemiya 34:1

Lino Nebukadineza, umwene waku Babiloni, ni vita vyakwe vyonsi pamwi nu wene wakwe onsi uno watekanga pano nsi, walwisyanga umusumba wa Yelusalemu ni misumba yakweo yamu mbali, izwi lyakwe Yawe lyafikile Yelemiya iliti,

Yelemiya 37:17

Nga alino lyene umwene Zedekiya atuma kuti yamulete kuno wali ukwi sano. Alino amuuzya mu umfisolo ati, ‘Uzye kungaya kweneko izwi ilingafuma kuli Yawe?’ Yelemiya nawe aasuka ati, ‘Ee, akuno lili. Wemo ulapelwa mu makasa ya mwene wa ina Babiloni.’ ”

Yelemiya 37:3

Umwene Zedekiya watuma Yeukali umwana umonsi wakwe Syelemiya na simapepo Zefaniya umwana umonsi wakwe Maaseya kuli Yelemiya ku kumulenga ukuti ayapapatileko kuli Yawe, Leza witu.

Yelemiya 37:7

“Yawe Leza wa ina Izlaeli wavwanga ukuti wasuke umwene wa ina Yuda uwatakutuma kunondi, uku kunguzya kuti indole ivita vyakwe Falao ivikwiza ku kutaasya nupya vyasya viswilile ku mpanga yao ku Eguputo.

Ezekelo 7:26

Isyamo lilalondela api syamo ni cimvulunganya pa cimvulunganya. Alino yaluzya cilolwa kuli kasema, lelo simapepo atalakwata ilamulo, inkombe nazyo zitalamanya vyakupanda amano.

Yakapingula 20:27

Alino aina Izlaeli iyuzya Yawe. (Pa manda yalya Mbokosi ya Upangano yakwe Yawe yali kuku,

1 Samueli 10:22

Acino iyatwalilila ukuuzya Yawe iyati, “Uzye umuntu wi wataiza pano?” Yawe aasuka ati, “Awiyo afisime mu viya.”

1 Samueli 28:15

Samueli anena Saulo ati, “Uzye pacani cino wanganola apa kundeta kuno?” Saulo aasuka ati, “Indi umu ntazi ikulu! Aina Filisti yakundwisya, nga Leza watamfutatila. Wene watata ukungasuka ukupitila muli yakasema nanti umu viloto kwene. Acino natinkwama kuti wize unene ivyakucita.”

1 Samueli 28:6

Auzya Yawe ivyakucita, lelo Yawe atamwaswike mu viloto nanti kupitila muli Ulimu nanti muli yakasema.