Yelemiya 19:2 - Amazwi Yakwe Leza 2013

² Nani injanena ukufumila pa mpongolo imwi, ino yasumbilangapo iviya. Anena ukuya nayo ku Cifoloma ca Hinomu. Kuku kwene ali kuno nali nu kuya uma imbila ku antu ino Yawe wali nu kunena.

Yelemiya 19:2 Iomraidhean Croise

2 Yamwene 23:10

Umwene Yosiya watamozile ni ncende yaku Tofeti. Yali incende iyayelile uku Cifoloma ca Beni Hinomu. Wacisile vivyo pakuti kutakatale nupya kukaye umuntu uwakocela umwana kaci nanti kalume wa mpolelwa kuli ka leza kaluwi ka Moleki.

2 Milandu 28:3

Aoca nu ubani mu Cifoloma ca Beni Hinomu nu kupeela ana yakwe aonsi wa mpolelwa, apakulondela imisango iipe ya nko zino Yawe wazinzile apa manso ya ina Izlaeli.

2 Milandu 33:6

Waile atuula na ana yakwe umu kuyocela impolelwa umu Cifoloma ca Beni Hinomu. Nupya watemilwe sana ukusapola nu kucita amalele. Wasontanga na yamucapi. Wacitanga ni vintu vyuze iviipe pa manso yakwe Yawe, cakuti amulenga ukusoka.

Neemiya 3:29

Uwalondelile penepo, a Zadoki umwana umonsi wakwe Imeli. Wene uwazifizye imbali yuze apankolelo ya ng'anda yakwe. Yapalamine na Syemaya umwana umonsi wakwe Syekaniya, kalinda wa Mpongolo yaku Ufumondaka. Nawe azifya imbali yuze iyalondelilepo.

Yelemiya 1:7

Lelo Yawe anena ati, “Utalanda ukuti wewe mwance. Ulinzile ukuya ku muntu ali wensi wino nakutuma kweneko, nu kuyamunena ilamulo lyane.

Yelemiya 11:6

Lyene Yawe avwanga kunondi ati, “Yanga ku misumba yaku Yuda nu mu misolo yamu Yelusalemu. Kuume imbila yane kuku, unene antu yuvwe amazwi aupangano uu nu kuyalondela.

Yelemiya 18:2

“Katuka, tentemukila ku ng'anda yakwe nakamata. Akuno umaya ukuvwe amazwi yane.”

Yelemiya 26:2

“Imilila mu musolo wa ng'anda ya Mwene nu kuvwanga vino ninkunena ku antu yano yafuma mu misumba yaku Yuda, nu kwiza kuno ku kupepa. Utasya nanti conga pa kuyanena.

Yelemiya 3:12

Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.

Yelemiya 32:35

Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Yelemiya 7:2

“Yanga ukimilile pa mpongolo ya Ng'anda ikulu yakwe Leza. Ali pano ume imbila uti, ‘Mwe ina Yuda mwensi mwemuno mukaingilila pa mpongolo zii ku kupepa Yawe, uvwini amazwi ya Mwene.

Yona 3:2

“Katuka, uye ku musumba ukulu uwa Ninive nga ukakosole ilandwe lino nkukupeela ku antu aikala mwenemo.”

Mateo 10:27

Vintu vino namunena mu mfinzi, mulinzile kuvilanda paswe, na vyonsi vino muvwila mu kapopo, kakosolini mu misolo.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Milimo 5:20

“Yangini mu Ng'anda ikulu yakwe Leza, munene antu mazwi pamulandu wa umi upya.”

Yoswa 15:8

Lyene umupaka uwo iukwela ku Cifoloma ca Beni Hinomu ukuya lwaku mutentemuko uwaku kaeya uwa ina Yebusi (kuli kuti Yelusalemu). Kufuma kuku iukwela pa mulundu lwaku uwondaka wa Cifoloma ca Hinomu lwaku lutwe lwaku katutu ka Cifoloma ca Lefaimu.