Yelemiya 15:1 - Amazwi Yakwe Leza 2013

¹ Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 15:1 Iomraidhean Croise

Utandiko 19:27

Katondotondo wanda walondelela Abulaamu asimwilila ku cifulo cino wimililepo inkolelo yakwe Yawe.

2 Yamwene 17:20

Yawe wakantwile aina Izlaeli yonsi, wayakana, nga ayapanika nu kuyapela umu makasa ya anisi yao akakate, suka apakupelelekezya wayakoma sana, nu kuyatalusya uku cino cakwe.

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Masamu 99:6

Mose na Aaloni yali a yasimapepo yakwe Leza. Samueli nawe wali umuntu uwamupepanga. Ali yano yalaizyanga kuli Yawe nga nawe wayasukanga.

Mapinda 14:35

Umwene akazangila mu muomvi wakwe, lelo wene akavunuka yayo akaleta insonyi.

Yelemiya 10:18

Yawe Leza wasya amuvwintile kutali ni mpanga ii.

Yelemiya 11:14

Alino cino fwandi wemo we Yelemiya utezya ukupapatilako antu yayo. Utanguzya nanti cimwi cakuti njacitile. Lelo yamaculanga nemo ntakusumbanga kweneko amano nanti yangalaizya uli tutulwe.”

Yelemiya 14:11

Lyene Yawe anena nupya ati, “Utakezye ukumpapata kuti nazwilizye antu yaa.

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 15:19

Caleka Yawe avwanga ati, “Ndi cakuti waweluluka kunondi, ndakuwezya ku mulimo wakuntumikila. Ndi cakuti walanda vyampomvu, ivisi vyasilesile, lyene ulaya wa mulomo wane. Antu yaa yalaweluluka kunuli, lelo wemo citalinzile ukuya kunoyali.

Yelemiya 16:13

Ali cino namamusumbila kunzi ya mpanga ino itamanyika kunomuli na kuli yaso. Ali kuno mulaombela tuleza tuze, usiku nu musanya. Ntalamukwatila uluse awe.”

Yelemiya 16:5

Pano Yawe wavwanga wati, “Mutezya ukwingila mu ng'anda muno yakulosya. Mutezya ukuliila cakulya pamwi nayo nanti ukuyatekezya imyenzo, pano ni mfumya ulongo lwane kunoyali. Nimfumya usuma wane nu luse lwane kunoyali. Ivyalanda ne Yawe.

Yelemiya 18:20

Uzye icumi, uyi ali cilambu ca pa usuma, apakuti yene avino yampangila? Iusya vino nemo nizile kunuli, ku kuyapapatilako, apakuti wemo utayafookela ukali ukali.

Yelemiya 22:28

Nemo natiile, “Uzye umwene Yeoakini watasanguka wa nkolo itamike ino yatiyasumba, cakuti kusi nanti wenga angaitemwa nupya? Uzye pacani cino yatiyasendelwa mu uzya, aliwe na antu yakwe, umu mpanga ino yatamanyile nanti panono?

Yelemiya 23:39

ndiza njanyenyemule wa civiya cinyome nu kuyazukuzila ukutali nakunondi, alio kwene kumwi nu musumba uno napiile ku vikolwe vyao.

Yelemiya 35:19

Yawe Wamaka yonsi, Leza wa ina Izlaeli akuti Yonadabu umwana wakwe Lekabu atalatala aulilwe umuntu wa kumutumikila.”

Yelemiya 52:3

Caleka Yawe wasokile antu amu Yelusalemu nu mu Yuda cakuti wayainzile kulolekela ku cinso cakwe.

Yelemiya 9:19

Uvwini impooma zya antu mu Zioni, zikuti, “Owe mwe, lyene casila twalowa! Owe mwe, vino twazewana! Tulinzile twasya impanga itu. Pamulandu wakuti amang'anda itu yatiyaongololwa.”

Ezekelo 14:14

Nanti angala antu yatatu yaa, Nowa, Danieli na Yobo yatenzi mwenemo, yene yangaipususya sile aisikulu ku ololoke wao. Ivyalanda ne Yawe Simwandalali.”

Ezekelo 22:30

Nemo nakasi ukuti wenga angakuula iciumba, aimilile na pa cipongo pano iciumba catuluka, pakuti awino apokolole kweneko impanga, lino nemo ndalonda ukuyonona uku ukali. Lelo ntalolapo nanti wenga.

Oseya 9:15

Yawe akuti, “Uyi wao onsi ulaloleka makamaka ku Giligali. Kuku akuno natandike ukuyapata. Ndayazinga mu mpanga yane, pamulandu wa vicitwa vyao iviipe. Ntalatala njatemwe nupya. Intunguluzi zyao zyonsi zyansangukila.

Zakaliya 3:3

Yoswa ala aimilile apipi nu mungeli wakwe Yawe, azwite ni nsalu zya vikwi.

Malango 9:26

Nga nani napefile inti, ‘Iye, we Yawe Simwandalali, utezya wonone antu yako, antu yako kololo yano wakulwile nu kuyafumya mu Eguputo ku ulamba na maka yako akulu.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Yakapingula 5:9

Umwenzo wane ukuzanganzila yamusika ya ina Izlaeli, ukuzangila antu aipeezile ni nsansa. Lumbanyini Yawe!

1 Samueli 12:19

Alino antu yonsi pamwi iyanena Samueli iyati, “Sungala utupepele swe aomvi yako kuli Yawe Leza wako pakuti tutafwa, pasi pano twatitulunda pa maifyo itu yonsi iifyo lii ilya kuilengela umwene.”

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

1 Samueli 7:9

Samueli atoola akana ka mfwele akafyula nga aocela Yawe konsi pyu wa wila wakoca. Lyene apepa kuli Yawe kuti azwilizye aina Izlaeli, nga Yawe nawe aasuka ipepo lyakwe.