Yelemiya 13:10 - Amazwi Yakwe Leza 2013

¹⁰ Antu ya aipe, nupya yene yakakana nu kuyela amazwi yane. Yene yatalama nupya yakomela sile ukwifya. Yakapepa utuluwi, tuleza tuze tuze sile nupya atuno yakatumikila. Ali cino fwandi nayo kwene yalakolana ni nsalu kwene zizyo, zino antu yatange yazizwale nupya.

Yelemiya 13:10 Iomraidhean Croise

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Ezaya 3:24

Apali icinunu icisuma, palaya akafungo. Apanyepwanga umusipi, palaya umwando. Apali ulunyele ulutelepe, palaya ulukuzu. Apali insalu zyamutengo, palaya ulusamu. Apali ukuyemba kwa mwili palaloleka ivyawinyi ivyakuleta insonyi.

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 11:18

Yawe wamanyisizye calimwi umulandu uwipe uno anisi yane yalondanga kunkoma.

Yelemiya 13:7

Nani ali pakuya ku Yufulate, ntandika nu kulonda pano nafisile. Awe mukwai inzizana. Lelo lino nazilolekesya, ndola ukuti zyononeka zitangazwalwa nupya.

Yelemiya 16:12

Lelo mwemo mwifya ukuluta yaso. Si lolini vino cila wenga akulondelela ulukumbwa lwa mwenzo wakwe wiipe, ukwaula nu kunguvwa foo.

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 20:4

Yawe umwisikulu watavwanga ati, ‘Wemo Pasyuli namakucita ingofyo kuli wemwisikulu na kuli yacuza yako kwene. Nu kuilolela ulailolela wemwisikulu kuno anisi yako yalakomola yacuza yako ku lupanga. Namaleka umwene waku Babiloni awino ateke antu yako amu mpanga ya Yuda. Yamwi alayasenda mu uzya uku Babiloni, nga yamwi nayo alayakoma.

Yelemiya 22:21

Ne Yawe navwanzile namwe lino mucili nu longo, lelo mwakanyile ukuvwa. Avino mwacitanga ukufuma sile nu kukatalili, mwakananga ukuvwa amazwi yane.

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 44:16

“Swemo vino watunena umwi zina lyakwe Yawe, twakana, tusikulondela izwi lilyo.

Yelemiya 44:5

Lelo mwemo mutakasi ukuvwa, nanti ukusumbako amano. Mutalondanga ukuta cimusango cinu cakutuula tuleza twinu ubani.

Yelemiya 5:23

Lelo antu yaa yatalama imyenzo nupya iyumalale. Yene yamfutatila nu kunsya.

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

Yelemiya 8:5

Uzye pacani cino antu yaa yamfutatila? Yene yanyinyinda sile ku vyaufi ukwaula kuweluluka.

Yelemiya 9:13

Yawe nawe angasuka ati, “Icaticilenga kuti cii cicitike umulandu wakuti antu yane yatiyasuula amasunde yane yano nayapeela. Yene yasinjeela awe, nupya yasicita na vino nayanenyile ukucita.

Yelemiya 9:14

Nemo yantalamila nupya yakupepa na tuleza utuluwi twakwe Baali, ndi muno ivikolwe vyao vyayasambilizye ukucita.

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Mpendwa 14:11

Yawe anena Mose ati, “Uzye antu yaa yalansuula kufika lilaci? Uzye yalakana kunzumila kufika lilaci, nanti angala nemo nacita vizungusyo pakasi kao?

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?